پارلامەنت • 05 جەلتوقسان، 2019

پارلامەنت سەناتىندا زاڭ شىعارۋ پروتسەسىن جەتىلدىرۋ جونىندەگى كەڭەستىڭ العاشقى وتىرىسى بولدى

81 رەتكورسەتىلدى

سەناتتا زاڭ شىعارۋ پروتسەسىن جەتىلدىرۋ جونىندەگى كەڭەستىڭ العاشقى وتىرىسى بولدى. ول قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى بەكتاس بەكنازاروۆتىڭ توراعالىق ەتۋىمەن ءوتتى. بۇل تۋرالى سەناتتىڭ ءباسپاسوز قىزمەتى حابارلادى. 

ب.بەكنازاروۆ قۇتتىقتاۋ سوزىندە قازاقستان وتكەن جىلداردا زاڭ شىعارۋدى ساپالىق تۇرعىداعى جاڭا دەڭگەيگە شىعارعانىن جەتكىزدى. سونىمەن قاتار زاڭ شىعارۋ پروتسەسى ۇنەمى جەتىلدىرۋدى تالاپ ەتەدى.

«ول ءۇشىن ۇكىمەتتىڭ زاڭ جوبالاۋ قىزمەتىن جوسپارلاۋدى جەتىلدىرۋ، زاڭ جوبالارى مەن ولاردىڭ تۇجىرىمدامالارىنا عىلىمي ساراپتاما ۇيىمداستىرۋ ادىستەرىن تۇبەگەيلى وزگەرتۋ، قازاق جانە ورىس تىلدەرىندە بىردەي تۇپنۇسقانى قامتاماسىز ەتۋ بويىنشا ءتيىمدى شارالار قابىلداۋ، مەملەكەتتىك ورگاندارداعى زاڭ جوبالارىن ازىرلەۋگە جاۋاپ بەرەتىن ناقتى ادامدارىنىڭ جاۋاپكەرشىلىگىن كۇشەيتۋ قاجەت» دەپ اتاپ ءوتتى سەنات توراعاسىنىڭ ورىنباسارى.

ادىلەت ءمينيسترىنىڭ مىندەتىن اتقارۋشى ناتاليا پان «زاڭ شىعارۋ پروتسەسىن ودان ءارى جەتىلدىرۋ» تاقىرىبىنداعى پارلامەنتتىك تىڭداۋدىڭ قورىتىندىسى تۋرالى ايتتى. ول قابىلداناتىن جانە قابىلدانعان زاڭداردىڭ تۇراقتىلىعى مەن ساپاسىن قامتاماسىز ەتۋ ءۇشىن ادىلەت مينيسترلىگى جەكەلەگەن مەملەكەتتىك ورگاندارعا دا، جالپى زاڭ شىعارۋ جۇيەسىنە دە ىقپال ەتۋدىڭ بارلىق ىقتيمال تەتىكتەرىن قولدانىپ كەلە جاتقانىن ايتتى.

بۇل تاقىرىپ بويىنشا سەناتور ۆلاديمير ۆولكوۆ پارلامەنتتىك تىڭداۋدىڭ قورىتىندىسى بويىنشا 17 پۋنكتتەن تۇراتىن ۇسىنىستار دايىندالعانىن حابارلادى. ادىلەت مينيسترلىگى تارماقتاردىڭ ءبىر بولىگىن ورىندادى. قالعاندارى ۇيىمداستىرۋ تۇرعىسىندا جانە كەشەندى شەشىمدى تالاپ ەتەدى. ول «قازاقستان رەسپۋبليكاسىنىڭ كەيبىر زاڭنامالىق اكتىلەرىنە نورما شىعارۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانعاننان كەيىن مۇمكىن بولادى.

كەزدەسۋگە قاتىسۋشىلاردىڭ پىكىرىنشە، كەڭەستىڭ جۇمىسى زاڭ شىعارۋ پروتسەسىن جەتىلدىرۋ جونىندەگى جۇمىستى كۇشەيتۋگە مۇمكىندىك بەرەدى. دەگەنمەن، ءتيىستى مەملەكەتتىك ورگاندار مەن قوعامدىق ۇيىمدار اراسىنداعى ءوزارا ءىس-قيمىلدى كۇشەيتۋدىڭ ماڭىزى زور ەكەنى ايتىلدى.

وتىرىستا كەڭەس توراعاسىنىڭ ورىنباسارى مەن حاتشىسى سايلاندى. كەڭەس توراعاسىنىڭ ورىنباسارى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى ۆلاديمير ۆولكوۆ، حاتشىسى پارلامەنت سەناتى اپپاراتى باسشىسىنىڭ ورىنباسارى مارات ۋاقپاەۆ بولدى.

پارلامەنت سەناتى جانىنداعى زاڭ شىعارۋ پروتسەسىن جەتىلدىرۋ جونىندەگى كەڭەس بيىلعى جىلدىڭ 1 شىلدەسىندە زاڭ شىعارۋ قىزمەتىنىڭ تيىمدىلىگىن ارتتىرۋ ماقساتىندا قۇرىلعان بولاتىن. ونىڭ قۇرامىنا سەنات دەپۋتاتتارى، مەملەكەتتىك ورگاندار مەن قوعامدىق بىرلەستىكتەردىڭ وكىلدەرى، بەلگىلى قۇقىقتانۋشى عالىمدار كىردى.

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار