ۇكىمەت • 05 جەلتوقسان، 2019

ا. مامين تۇركىستان قالاسىندا جاڭا جوبالاردى ىسكە قوستى

40 رەتكورسەتىلدى

تۇركىستان قالاسىنا جۇمىس ساپارى اياسىندا پرەمەر-مينيستر اسقار مامين قالانى دامىتۋ ماسەلەلەرى جونىندە كەڭەس وتكىزدى. بۇل تۋرالى ۇكىمەتتىڭ ءباسپاسوز قىزمەتى حابارلادى. 

اتقارىلىپ جاتقان جۇمىستار بارىسى تۋرالى تۇركىستان وبلىسىنىڭ اكىمى ءو. شوكەەۆ، مادەنيەت جانە سپورت ءمينيسترى ا. رايىمقۇلوۆا، اتىراۋ وبلىسىنىڭ اكىمى ن. نوعاەۆ، اقتوبە وبلىسىنىڭ اكىمى و. ورازالين، شىمكەنت قالاسىنىڭ اكىمى ە. ايتاحانوۆ، سونداي-اق باسقا وڭىرلەر مەن قالا قۇرىلىسىنا جاۋاپتى مەردىگەرلەر وكىلدەرى باياندادى. 

«تۇڭعىش پرەزيدەنت – ەلباسى ن. نازارباەۆ جانە مەملەكەت باسشىسى ق. توقاەۆ تۇركىستان قالاسىنىڭ دامۋىنا ەرەكشە كوڭىل ءبولىپ وتىر. بيىل 4-5 قاراشا كۇندەرى ەلباسىنىڭ قاتىسۋىمەن تۇركىستاندا بىرقاتار سالىنعان نىساندار اشىلدى. كەلەسى جىلدىڭ كۇزىندە مۇندا ورتالىق ازيا مەملەكەتتەرى باسشىلارىنىڭ ءسامميتى وتەدى. وسىعان بايلانىستى ءبىز قاجەتتى نىسانداردىڭ قۇرىلىسىنىڭ تولىق اياقتالۋىن قامتاماسىز ەتۋىمىز كەرەك»، - دەدى ا. مامين.

پرەمەر-مينيستر 630 توسەك-ورىنعا شاقتالعان كوپسالالى وبلىستىق اۋرۋحانا قۇرىلىسى جۇرگىزىلەتىن جەرگە كاپسۋلا سالدى. جوبانى 2022 جىلى مەملەكەتتىك-جەكەشەلىك ارىپتەستىك اياسىندا «YDA Holding» تۇرىك ينۆەستورى جۇزەگە اسىراتىن بولادى. نىساننىڭ قۇنى - 100  ملرد تەڭگەگە جۋىق، 350 دارىگەردى قوسا العاندا، مەديتسينا پەرسونالى ءۇشىن 1700-گە جۋىق جاڭا جۇمىس ورنى قۇرىلادى.  

ۇكىمەت باسشىسى سونىمەن قاتار «Sembol construction» تۇرىك كومپانياسى سالاتىن، قۇنى 39 ملرد تەڭگەگە جۋىق بولاتىن «كەرۋەن-ساراي» كوپفۋنكتسيونالدى تۋريستىك كەشەن قۇرىلىسىن ىسكە قوستى. 

ا. مامين تۇركىستان قالاسىنداعى حالىقارالىق اۋەجايدىڭ جانە وعان اپاراتىن اۆتوموبيل جولىنىڭ قۇرىلىسىن، سونداي-اق امفيتەاتردىڭ، دراما تەاترىنىڭ، وبلىستىق عىلىمي-امبەباپ كىتاپحانانىڭ،  « ۇلى دالا ەلى» ورتالىعىنىڭ، ق.ا. ياسساۋي مۋزەيىنىڭ، ۇلى جىبەك جولى قولونەرشىلەر ۇلتتىق ورتالىعى مەن كەلۋ ورتالىعى عيماراتتارىنىڭ رەكونستركۋتسياسىن تەكسەردى.  

 

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار