ۇلتتىق سپورت • 05 جەلتوقسان، 2019

قوستانايدا توعىزقۇمالاقتان وبلىستىق اشىق تۋرنير ءوتىپ جاتىر 

45 رەتكورسەتىلدى

قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى، توعىزقۇمالاقتان قازاقستان رەسپۋبليكاسىنىڭ تۇڭعىش سپورت شەبەرى دميتري پولياكوۆتىڭ 90 جىلدىعى قۇرمەتىنە توعىزقۇمالاقتان ارداگەرلەر اراسىندا اشىق وبلىستىق تۋرنير ءوتىپ جاتىر.

وعان قاتىسۋ ءۇشىن ەلىمىزدىڭ ءار شالعايىنان ۋاقىتىندا دميتري ستەپانوۆيچكە قارسىلاس بولىپ ويناعان جيىرما شاقتى زامانداس توعىزقۇمالاقشى كەلدى. كەشە ءتۋرنيردىڭ اشىلۋ سالتاناتى بولدى. وندا وبلىس اكىمىنىڭ ورىنباسارى عاۋەز نۇرمۇحامبەتوۆ مەرەيتوي يەسىن وبلىس اكىمى ارحيمەد مۇحامبەتوۆتىڭ اتىنان قۇتتىقتاپ، دەنىنە ساۋلىق، وتباسىنا بەرەكە تىلەدى. سىي-سياپاتىن جاساپ، يىعىنا قازاقتىڭ شاپانىن جاپتى. سونىمەن قاتار توعىزقۇمالاق ويىنىنىڭ قوستاناي وڭىرىندە قانات جايۋىنا مۇرىندىق بولعان دميتري پولياكوۆ اقساقالدى دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى، مەملەكەت قايراتكەرى ءاليحان بايمەنوۆ ارنايى كەلىپ قۇتتىقتادى.

«حاقىمىزدىڭ ۇلتتىق سپورت ءتۇرىنىڭ ءبىرى توعىزقۇمالاق ويىنىن قازىر الەمنىڭ ءبىراز ەلدەرى بىلەدى. حالىقارالىق جارىستار وتكىزىلەدى. جاس ۇرپاققا مۇنىڭ بەرەرى مول. وسى ويىندى ەلىمىزدە دامىتۋعا ۇلكەن ۇلەس قوسقان سپورتشىنىڭ ءبىرى ءوزىڭىز، دميتري ستەپانوۆيچ! جاساي بەرىڭىز!» دەدى ءاليحان بايمەنوۆ.

90 جاسقا شارشاماي جەتكەن دميتري ستەپانوۆيچ تە ءسوز سويلەپ، وتكەن كۇندەردەن ەستەلىك ايتتى، وزىنە كورسەتىلگەن قۇرمەتكە العىسىن ءبىلدىردى.

«1961 جىلى قاراعاندى وبلىسىنان جاسى جەتپىستەن اسقان قارت قازاق بىزگە توعىزقۇمالاق ۇيرەتتى. ءبىز ءبىر جىل جاتتىعىپ جۇردىك تە، بىردەن  رەسپۋبليكالىق چەمپيوناتقا قاتىستىق. باردىق تا، كوماندالىق ەسەپتە قوستاناي وبلىسىنىڭ توعىزقۇمالاقشىلارى ءبىرىنشى ورىندى جەڭىپ الدى، ال مەن چەمپيون بولدىم» دەپ ەسكە الدى دميتري ستەپانوۆيچ. ول ءسوزىنىڭ سوڭىندا «100 جاسىمدا وتەتىن ءتۋرنيردى كورگىم كەلەدى» دەپ ازىلدەدى.

ارداگەرلەر اراسىندا ءوتىپ جاتقان وبلىستىق اشىق تۋرنير جەلتوقساننىڭ 6 كۇنى قورىتىندىلانادى. جەڭىمپازداردى باعالى سىيلىقتارى كۇتىپ تۇر.

 

ءنازيرا جارىمبەت

قوستاناي 

 

سۋرەت alau.kz سايتىنان الىندى

سوڭعى جاڭالىقتار

ەلباسى تالعات دوناقوۆتى قابىلدادى

قازاقستان • بۇگىن، 17:52

عارىشتاعى قوقىس (ۆيدەو)

ۆيدەو • بۇگىن، 13:08

ۇقساس جاڭالىقتار