قولما-قول اقشاسىز وپەراتسيالاردىڭ نەگىزگى بولىگى ءموبيلدى بانكينگ پەن POS-تەرمينالدار ارقىلى جۇزەگە اسىرىلدى. جاسالعان وپەراتسيالاردىڭ ورتاشا چەگى 20 مىڭ تەڭگە شاماسىندا.
finreview.info حابارلاعانداي, بۇگىنگى تاڭدا ەل ازاماتتارىنىڭ قولىندا 31,2 ملن تولەم كارتوچكاسى بار. تولەم كارتوچكالارىن 22 بانك پەن «قازپوشتا» اق شىعارادى. حالىق اراسىندا VISA International مەن MasterCard Worldwide حالىقارالىق تولەم جۇيەلەرىنىڭ كارتالارى كەڭ تارالعان. UnionPay International, American Express International جانە Diners Club International كارتالارىنا دەگەن سۇرانىس ولارمەن سالىستىرعاندا ايتارلىقتاي تومەن. وتاندىق ەكىنشى دەڭگەيلى بانكتەر دە Altyn Card («قازاقستان حالىق بانكى» اق), سيتيبانك قازاقستان (سيتيبانك قازاقستان اق) جانە Kaspi.kz (Kaspi Bank اق) سىندى جەرگىلىكتى جۇيەلەردىڭ تولەم كارتوچكالارىن شىعارادى.
سوڭعى 10 جىل ىشىندە تولەم كارتوچكالارىنىڭ سانى جىل سايىن ورتا ەسەپپەن 20,3%-عا, ال ۇستاۋشىلار سانى 17,7%-عا ارتىپ كەلەدى. تەك 2015 جىل مەن 2016 جىلى عانا الەمدىك ەكونوميكالىق داعدارىستىڭ سالقىنى قاتتىراق سەزىلگەن تۇستا كارتوچكا ۇستاۋشىلاردىڭ قاتارى ازايعانى بايقالعان.
