ء«ساتتى جۇلدىز» كومپانياسىنىڭ جاڭا Lotomatic ەلەكتروندى لەزدىك لوتەرەيالارى ەل اراسىندا «سارى-جاسىل» دەپ اتالاتىن زاڭسىز ويىن اۆتوماتتارىن ىعىستىرۋدا.
اعىمداعى جىلدىڭ 10 ايىندا مىڭنان استام زاڭسىز ويىن اۆتوماتى تاركىلەندى, ونىڭ كوپشىلىگى الماتى, شىمكەنت قالالارىندا, سونداي-اق الماتى مەن اقتوبە وبلىستارىندا ورنالاسقان.
اتاپ ايتقاندا, قۇقىق قورعاۋ ورگاندارىنىڭ جۇمىسىنىڭ ناتيجەسىندە ءۇش ۇيىمداسقان قىلمىستىق توپ جويىلدى. جالپى العاندا, 2019 جىلى سدتبت-دە قر قىلمىستىق كودەكسىنىڭ 307-بابى بويىنشا 303 ماتەريال تىركەلدى.
ء«ساتتى جۇلدىز» اق-نىڭ Lotomatic جوباسى وسى جىلدىڭ مامىر ايىندا ىسكە قوسىلدى. لوتەرەيا بيلەتتەرىن ساتۋ, ۇتىستاردى تولەۋ تۋرالى اقپارات ءلاوو-دا (لوتەرەيا اقپاراتىن وڭدەۋ ورتالىعى) كورسەتىلەدى, ال سول جەردەن لوتەرەيا تۋرالى ەسەپ بەرۋ ورتالىعىنا جىبەرىلەدى. بارلىق دەرەكتەر مەملەكەتتىك رەتتەۋشى – مادەنيەت جانە سپورت مينيسترلىگىنە جىبەرىلەدى. مىندەتتى سالىقتاردان باسقا, ء«ساتتى جۇلدىز» ۇلتتىق لوتەرەيا وپەراتورى جالپى ويىن كىرىسىنىڭ 15%-ىن وتاندىق سپورتتى دامىتۋعا اۋداراتىنىن اتاپ وتكەن ءجون.
Lotomatic-تىڭ جۇمىس ىستەۋ قاعيداسى وتە قاراپايىم: قاتىسۋشى قاعاز بيلەتتىڭ ورنىنا ەلەكتروندى لەزدىك لوتەرەيانى ساتىپ الادى دا, قورعانىش قاباتىن وشىرەدى. ءداستۇرلى لوتەرەيادان ايىرماشىلىعى – اۆتوماتتىڭ ەكرانىنداعى قاباتتى ءوشىرۋ كەرەك.
زاڭسىز تەرمينالداردىڭ بيزنەسىن كولەڭكەدەن شىعارۋ باعىتىندا جاسالعان ءىس-شارالارعا قاراماستان, كەي كاسىپكەرلەر ء«ساتتى جۇلدىز» اق-نىڭ تۇپنۇسقالىق لوتەرەيا تەرمينالدارىنىڭ جالعان كوشىرمەسىن جاساي باستادى.
جالعان تەرمينالدىڭ قارماعىنا تۇسپەۋ ءۇشىن كەلەسى بەلگىلەردىڭ بولۋىنا نازار اۋدارۋ كەرەك: دۇڭگىرشەكتىڭ سارى-كوك ءتۇسى, لوگوتيپ, تەرمينالدىڭ سايكەستەندىرۋ ءنومىرى, QR-كود.
Lotomatic-ءتىڭ باس ديرەكتورى ۆيكتور كۋزەۆانوۆتىڭ ايتۋىنشا, ەلەكتروندى لوتەرەيالار جاھاندىق ءۇردىس بولىپ تابىلادى.
لوتەرەيالاردى قاعازدان ەلەكتروندى فورماتقا اۋىستىرۋ تيراجدى جاساۋعا, وندىرۋگە, جۇزەگە اسىرۋعا, لوگيستيكاعا, ياعني لوتەرەيا دۇڭگىرشەكتەرىنە بيلەتتەردى تاسىمالداۋعا جۇمسالاتىن وپەراتسيالىق شىعىنداردى ازايتادى جانە وسىلايشا جۇلدە قورىن كوبەيتەدى.
«ويناۋ» ەلەمەنتتەرىنىڭ جانە ادەتتەگى «كازينولىق» الگوريتمدەر مەن قۇمارلىقتىڭ جوق بولۋىنا قاراماستان, لەزدىك لوتەرەيالار ادامدارعا قىزىقتى. ياعني, لوتەرەيا ساتىپ العان ادام لوتەرەيا كومپانياسىنىڭ ناتيجەگە: ساتىپ الىنعان بيلەت ءساتتى بولا ما, جوق پا اسەر ەتە المايتىندىعىن تۇسىنەدى.
الايدا, سونىمەن بىرگە قازاقستاندا ەلەكتروندى لوتەرەيا قۇرۋ تەك الەمدىك تەندەنتسيانى ۇستانۋ عانا ەمەس ەكەندىگى بەلگىلى. ەلەكتروندى لوتەرەيالاردىڭ زاڭدى نارىعىنىڭ الەۋەتى وتە زور, بىراق قازىرگى ۋاقىتتا بۇل كوبىنەسە كولەڭكەلى نارىقتا ورنالاسقان. مامانداردىڭ باعالاۋى بويىنشا, 2018 جىلدىڭ 1 قاڭتارىنداعى جاعداي بويىنشا قازاقستاندا 15 مىڭعا جۋىق زاڭسىز ويىن اۆتوماتتارى جۇمىس ىستەگەن.
ء«ىس جۇزىندە كازينودان ەش ايىرماشىلىعى جوق 400-گە جۋىق ويىن كلۋبتارى بولدى. وسىلايشا, مەملەكەتىمىز كەز كەلگەن ادام جاقىن ماڭدا وسىنداي ويىن تۇرلەرىن ساتىپ الا الاتىن ۇلكەن كازينوعا اينالدى», دەيدى ۆيكتور كۋزەۆانوۆ.
ونىڭ ايتۋىنشا, قازىر قۇقىق قورعاۋ ورگاندارىنىڭ ناقتى جۇمىسىنىڭ ناتيجەسىندە جاعداي ءبىرشاما جاقساردى. سونداي-اق ول ويىن اۆتوماتتارىنىڭ يەلەرى زاڭدى لوتەرەيا ونىمىنە كوشۋگە دايىن ەكەنىن ايتتى. وسىلايشا, 3,5 مىڭنان استام تەرمينال جابدىعى زاڭسىز اينالىمنان Lotomatic-كە اۋىستى.
Lotomatic ەلەكتروندى لەزدىك لوتەرەيالارى ء«ساتتى جۇلدىز» اق-تىڭ بارلىق لوتەرەيالىق ءونىمى سياقتى «جاۋاپتى ويىن» قاعيداسى بويىنشا ۇيىمداستىرىلعانىن اتاپ وتكەن ءجون.
