ءىس-شارا پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ, بۇۇ قورىنىڭ قازاقستانداعى يۋنفپا-نىڭ حالقى سالاسىنداعى تەحنيكالىق قولداۋىمەن جانە «قاقتىعىستاردى بولدىرماۋ قورى, تۇراقتىلىق پەن قاۋىپسىزدىككە جاردەمدەسۋ» باعدارلاماسى بويىنشا ۇلىبريتانيا ەلشىلىگىنىڭ قارجىلىق قولداۋىمەن وتكىزىلدى.
دوڭگەلەك ۇستەل جۇمىسىنا ۇلتتىق كوميسسيا مۇشەلەرى, مەملەكەتتىك ورگاندار, ازاماتتىق قوعام, جەتەكشى ءدىني كونفەسسيالار, قازاقستانداعى بۇۇ اگەنتتىكتەرى, ۇلىبريتانيا ەلشىلىگىنىڭ وكىلدەرى قاتىستى.
جيىندى اشقان ۇلتتىق كوميسسيا ءتورايىمىنىڭ ورىنباسارى ە.تاراسەنكو ۇلتتىق كوميسسيا ءتورايىمى گۇلشارا ابدىقالىقوۆانىڭ جەتەكشىلىگىمەن تۇرمىستىق زورلىق-زومبىلىقتىڭ الدىن الۋ تۋرالى زاڭنىڭ جاڭا رەداكتسياسى بويىنشا جۇمىس جۇرگىزىلىپ جاتقانىن اتاپ ءوتتى. بۇل زاڭ جوباسى زورلىق-زومبىلىقتىڭ بارلىق نىساندارىن – فيزيكالىق, پسيحولوگيالىق, جىنىستىق, ەكونوميكالىق تۇرلەرىن قامتيدى جانە الدىن الۋ مەن ۆەدومستۆوارالىق دەن قويۋدىڭ كەشەندى شارالارىن قامتاماسىز ەتەدى.
شارا اياسىندا گەندەرلىك زورلىق-زومبىلىققا ۆەدومستۆوارالىق دەن قويۋ تەتىكتەرىنە ەرەكشە مۇقتاجدىقتارىن بىرىكتىرۋ ءۇشىن ءارتۇرلى مۇگەدەكتىك تۇرلەرىمەن ادامداردىڭ قاجەتتىلىكتەرىن باعالاۋ جونىندەگى زەرتتەۋ ناتيجەلەرى تالقىلاندى.
«بۇل ماسەلەنى زەرتتەۋ بۇۇ قورىنىڭ حالىقتىڭ قونىستانۋى سالاسىنداعى تەحنيكالىق قولداۋىمەن جۇزەگە اسىرىلدى. تالداۋ شەڭبەرىندە قازاقستاننىڭ گەندەرلىك تەڭدىك جانە مۇمكىندىكتەرى شەكتەۋلى ادامداردىڭ قۇقىقتارىن قامتاماسىز ەتۋ سالاسىنداعى زاڭناماسى مەن مەملەكەتتىك ساياساتىنا شولۋ جۇرگىزىلدى جانە وسى ساناتتاعى تۇركىستان وبلىسى مەن شىمكەنت قالاسىنداعى فوكۋس-توپتاردىڭ وكىلدەرىمەن سۇحبات جۇرگىزىلدى», دەدى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى سالتانات تۇرسىنبەكوۆا.
سونداي-اق دوڭگەلەك ۇستەل جۇمىسىندا تۇراقتى دامۋ ماقساتتارىنىڭ جاھاندىق كۇن تارتىبىندەگى «ەشكىمدى ارتتا قالدىرماۋ» قاعيداتتارىنا سايكەس مۇمكىندىكتەرى شەكتەۋلى ادامداردىڭ ەرەكشە مۇقتاجدىقتارىن ەسەپكە الۋ بويىنشا وزىق تاجىريبەنى پايدالانا وتىرىپ, گەندەرلىك زورلىق-زومبىلىققا ۆەدومستۆوارالىق دەن قويۋدىڭ ۇلتتىق جۇيەسىن ودان ءارى دامىتۋ ماسەلەلەرى قارالدى.
