ەكونوميكا • 03 جەلتوقسان، 2019

قازاقستاندىق ۇلەستى ارتتىرۋدىڭ جاڭا تەتىكتەرى قارالدى

21 رەتكورسەتىلدى

28 قاراشادا ەلوردادا ەلدەگى مۇنايگاز سالاسىنداعى قازاقستاندىق ۇلەستى ارتتىرۋدىڭ وزەكتى ماسەلەلەرىنە ارنالعان «جەرگىلىكتى ۇلەستى ىستە دامىتۋ» اتتى بيزنەس-تاجىريبە ءوتتى. 

شارا 2015 جىلى قولعا الىنعان ەۋروپالىق قايتا قۇرۋ جانە دامۋ بانكى (ەقدب) مەن «تەڭىزشەۆرويل» جشس (تشو) اراسىنداعى سەرىكتەستىك باعدارلاماسى اياسىندا ۇيىمداستىرىلدى. باعدارلامادا كورسەتىلگەن قولداۋدىڭ ءبىر ءتۇرى – كەڭەستىك جوبالاردى ۇيىمداستىرۋ جانە قوسىمشا قارجىلاندىرۋ. ول ارقىلى مۇنايگاز سالاسىندا قىزمەت كورسەتىپ، ونىمدەرىن ۇسىناتىن كاسىپكەرلەر ەقدب ماماندارىنىڭ كومەگىمەن جەرگىلىكتى جانە شەتەلدىك كەڭەسشىلەردى تارتا الادى. وعان قوسا، بۇل كاسىپورىندار كەڭەسشىلەردى تارتۋعا جۇمساعان اقشاسىنىڭ جارتىسىن قايتارىپ الا الادى. 

ەقدب ماماندارى جەرگىلىكتى كومپانيالار ءۇشىن كەڭەستىك جوبالاردى جۇزەگە اسىرۋدا قارقىندى جۇمىس ىستەدى. باعدارلاما ىسكە اسقان – 2015 جىلدىڭ سوڭىنان باستاپ، جەرگىلىكتى كەڭەسشىلەردى تارتۋمەن 26 جوبا، حالىقارالىق سالا ساراپشىلارىن تارتۋمەن 7 جوبا جۇزەگە اسقان. سونىمەن قاتار 2 كومپانيا شەتەلدەگى كورمەلەر مەن  تايۆاندا، اۆستريادا وتكەن B2B كەزدەسۋگە قاتىستى. 

اياقتالعان جوبالاردى باعالاۋ ناتيجەسى بويىنشا قاتىسۋشىلاردىڭ 73 پايىزىنىڭ اينالىمى ورتاشا 66 پايىزعا ارتقان (3،2 ملن ەۋرو).  ال جۇمىس ورىندارىنىڭ سانى 32 پايىزعا قىسقارعان، دەگەنمەن، ەڭبەك ونىمدىلىگى 35 پايىزعا ارتتى. قازىرگى ۋاقىتتا باعدارلاما قاتىسۋشى 5 كومپانيا تشو تاسىمالداۋشىسى بولدى نە بىلىكتى بيزنەس-كەڭەسشىلەردىڭ كومەگى ارقىلى جۇمىسىن جاقسارتىپ، جەتكىزۋ ناتيجەسىن ەسەلەگەن.

بيزنەس-تاجىريبەگە «تەڭىزشەۆرويل» جشس ۇكىمەت جانە قوعاممەن بايلانىس بويىنشا باس مەنەدجەرى رزابەك ارتىعاليەۆ، ەقدب ورتالىق ازيا جانە موڭعوليا بويىنشا شوب دامىتۋ جانە قارجىلاندىرۋ دەپارتامەنتىنىڭ اعا بانكيرى، وڭىرلىك باسشىسى نوديرا مانسۋروۆا جانە باسقالارى قاتىستى.

«تەڭىزشەۆرويل» جشس ۇكىمەت جانە قوعاممەن بايلانىس بويىنشا باس مەنەدجەرى رزابەك ارتىعاليەۆ ءوز سوزىندە وتاندىق تاۋارلار مەن قىزمەتتەردى ساتۋ ديناميكاسى ارتقانىن اتاپ ءوتتى. «تەڭىز جوباسىندا قازاقستاندىق ۇلەستى ارتتىرۋدىڭ باستى باعىتتارىنىڭ ءبىرى – بولاشاق جانە قازىرگى وتاندىق تاسىمالداۋشىلاردىڭ مۇمكىندىكتەرى مەن وكىلەتتىلىگىن ارتتىرۋعا جاردەمدەسۋ. وسى ماقساتا  «تەڭىزشەۆرويل» جشس قازاقستاندا ەقدب ىسكە اسىرىپ جاتقان ورتا جانە شاعىن بيزنەستى دامىتۋ باعدارلاماسىنا قاتىستى. ەگەر بەس جىل بۇرىن وتاندىق تاۋارلار مەن قىزمەتتى ساتىپ الۋعا 2،4 ملرد اقش دوللارىن شىعىنداسا، بيىلعى جىلدىڭ ءۇشىنشى توقسانىنىڭ سوڭىندا بۇل كورسەتكىش 3،4 ملرد اقش دوللارىنان استى»، دەدى رزابەك ارتىعاليەۆ.

باعدارلاماعا قاتىسۋشى-كاسىپكەرلەر ەلەكتر ترانسفورماتورلارىن ءوندىرۋشى «Alageum Electric JSC»، كريوگەن ونىمدەرىن ءوندىرۋشى ازوت زاۋىتى،  «Altyn Dan Trade» ازىق-ت ۇلىك تاسىمالداۋشىلار جانە باسقالارى ءوز جەتىستىكتەرىنىڭ سىرىمەن ءبولىستى. سونداي-اق شارا بارىسىندا باعدارلاما اياسىندا وقىتۋ جۇرگىزگەن كونسالتينگ كومپانيالاردى ماراپاتتاۋ سالتاناتى ءوتتى. 

بۇدان سوڭ، بارلىق شارا قاتىسۋشىلارىنا تشو مەن ەقدب «جەرگىلىكتى تاسىمالداۋشىلار» اتتى ورتاق باعدارلاماسى تانىستىرىلدى. «تشو ساتىپ الۋلارى مەن جەرگىلىكتى نارىق مۇمكىندىكتەرى» اتتى پرەزەنتاتسيا كورسەتىلدى. سونداي-اق «قاۋىپسىزدىك مادەنيەتىنىڭ نەگىزدەرى» جانە «مۇنايگاز سالاسىنداعى ساتىپ الۋلارعا قاتىسۋ دايىندىعى» وقىتۋ شەبەرلىك ساعاتى ۇيىمداستىرىلدى. 

ايتا كەتەيىك، «تەڭىزشەۆرويل» قازاقستاندىق ۇلەستى دامىتىپ، ەلدەگى شاعىن جانە ورتا بيزنەستى دامىتۋعا ۇلكەن ۇلەس قوسادى. 1993 جىلدان بەرى وتاندىق تاۋارلار مەن قىزمەتتەرگە 31،7 ملرد دوللار جۇمسادى، 2019 جىلى بۇل سوما 3،7 ملرد دوللاردان اسقان.

تاسىمالداۋشىلاردى دامىتۋ بويىنشا تشو باعدارلاماسى قازاقستان اۋماعىنداعى بارلىق جەرگىلىكتى كومپانيالاردىڭ جۇمىس ناتيجەسىن جەتىلدىرىپ، دامىتۋعا باعىتتالعان. مىسالى،  ىلمەكتى ارماتۋرا شىعاراتىن قاراعاندىلىق «بيومەر ارماتۋرا» زاۋىتى ءوزىن تشو-نىڭ سەنىمدى سەرىكتەسى رەتىندە تانىتتى. ىلمەكتى شار ارماتۋرانى شىعارۋ مۇنايگاز سالاسى جانە سۋ جىبەرۋ كراندارىن سالۋ سياقتى كەز كەلگەن ءىرى ينفراقۇرىلىمدىق جوبالاردى جۇزەگە اسىرۋ ءۇشىن ماڭىزدى. ال بۇل وندىرىستىك سالادا وسى قازاقستاندىق ءوندىرۋشى وڭىرلەر اراسىندا كوش باستاپ تۇر.

96

8

 

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار