بۇل باعىتتا اتقارىلىپ جاتقان جۇمىستار تۋرالى پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءا. سمايىلوۆ باياندادى.
بيىل 10 ايدىڭ قورىتىندىسى بويىنشا مەملەكەتتىك بيۋدجەتكە تۇسىمدەردىڭ ءوسۋ قارقىنى 14% قۇرادى, بۇل وتكەن جىلىدڭ وسىنداي كەزەڭىمەن سالىستىرعاندا 911 ملرد تەڭگەگە ارتىق.
بىرقاتار تسيفرلىق جوبالار ىسكە اسىرىلۋدا, ونىڭ ىشىندە «استانا-1», «ە-تەرەزە», «ەلەكتروندى شوت-فاكتۋرالار», «ۆيرتۋالدى قويما», «تاۋەكەلدەردى باسقارۋ جۇيەسى» اقپاراتتىق جۇيەلەرى بار, بۇل پروتسەستى وڭتايلاندىرىپ, سالىق جانە كەدەن وپەراتسيالارىن جۇرگىزۋدى جىلدامداتىپ, اشىقتىعىن ارتتىرادى.
مەملەكەتتىك كىرىس ورگاندارى جۇيەسىن تسيفرلاندىرۋدىڭ ناتيجەسىندە بيۋدجەتكە قوسىمشا 520 ملرد تەڭگەگە جۋىق قارجى ءتۇستى.
«مۇددەلى مەملەكەتتىك ورگاندار بۇل باعىتتاعى ۇيلەستىرىلگەن جۇمىستاردى جالعاستىرۋى ءتيىس.تۇڭعىش پرەزيدەنت- ەلباسىنىڭ تاپسىرماسى بويىنشا 1 قاڭتاردان باستاپ ايىپپۇلدار مەن ءوسىمپۇلداردى ەسەپتەن شىعارۋ بويىنشا راقىمشىلىق جۇرگىزىلىپ جاتىر. جەكە تۇلعالار ءۇشىن سالىق راقىمشىلىعى جالعاسۋدا», دەدى ا. مامين.
ۇكىمەت باسشىسى مەملەكەتتىك قولداۋ جانە سالىق تولەۋشىلەردىڭ قارىزدارىن نولدەۋ ناتيجەسىندە بۇعاتتالعان بانك ەسەپشوتتارى اشىلىپ, م ۇلىكتى پايدالانۋعا شەكتەۋلەر الىنىپ تاستالعانىن اتاپ ءوتتى, بۇل كاسىپكەرلىك قىزمەتتى جۇرگىزۋدى جالعاستىرۋعا مۇمكىندىك بەرەدى.
«مەملەكەت باسشىسىنىڭ تاپسىرماسى بويىنشا 2020 جىلدىڭ 1 قاڭتارىنان ارنايى سالىق رەجيمدەرىن قولداناتىن باستاپ ميكرو جانە شاعىن بيزنەس سۋبەكتىلەرى تابىس سالىعىن تولەۋدەن جانە تەكسەرۋلەردەن 3 جىل مەرزىمگە بوساتىلادى», دەدى ا. مامين.
پرەمەر-مينيستر قارجى مينيسترلىگىنە تاۋەكەل دەڭگەيى جوعارى باعىتتاردى باقىلاۋعا باسا نازار اۋدارۋمەن بيۋدجەتكە تۇسىمدەردىڭ جاسالعان جوسپارىن ساپالى ورىنداۋ بويىنشا بارلىق قاجەتتى شارالاردى قابىلداۋدى تاپسىردى.
2020 جىلدىڭ 1 ساۋىرىنە دەيىن اۋىل شارۋاشىلىعى, ىشكى ىستەر, ادىلەت مينيسترلىكتەرىنە, بارلىق مەملەكەتتىك ورگاندارعا جانە اكىمدىكتەرگە, «ازاماتتارعا ارنالعان ۇكىمەت» كورپوراتسياسىنا دەرەكتەر بازاسىن جانداندىرۋدى اياقتاۋ تاپسىرىلدى.
«مەملەكەتتىك كىرىستەر ورگاندارى مەن اكىمدىكتەر ميكرو جانە شاعىن بيزنەس سۋبەكتىلەرىنىڭ ونلاين باقىلاۋ-كاسسالىق ماشينالاردى, pos-تەرمينالداردى قولدانۋ تولىقتىعىن, كىرىستەر مەن شىعىستاردى جەڭىلدەتىلگەن ەسەپتەۋدى كەزەڭ-كەزەڭمەن ەنگىزۋدى قامتاماسىز ەتۋىنىڭ ماڭىزى زور», دەدى ا. مامين.
