ايماقتار • 03 جەلتوقسان، 2019

شامالعاندا تەمىرجول كوپىرى سالىنادى

41 رەتكورسەتىلدى

الماتى وبلىسىنىڭ قاراساي اۋدانىنا قاراستى شامالعان ستانساسىنداعى قايعىلى وقيعا ءالى ۇمىتىلا قويعان جوق. تەمىرجول بويىندا جۇردەك پويىز بەن جولاۋشىلار اۆتوبۋسى قاقتىعىسىپ، ادام شىعىنى بولعان ەدى.

قايعىلى جاعداي ۇستىندە اۋماقتىڭ تۇرعىندارى جەرگىلىكتى بيلىككە شاعىم ايتىپ، تەمىرجول بويىنان جاياۋ جۇرگىنشىلەر كوپىرىن سالۋدى تالاپ ەتكەن بولاتىن. بۇگىندە ەل تىلەگى بويىنشا كوپىر قۇرىلىسى باستالدى. الماتى وبلىسىنىڭ اكىمى اماندىق باتالوۆتىڭ تاپسىرماسى بويىنشا كوپىر وتكەلىن جوبالاۋ جۇمىستارى اياقتالىپ، قۇرىلىسقا جان ءبىتتى. بۇل ماقساتقا وبلىستىق بيۋدجەتتەن 300 ميلليون تەڭگە قارجى بولىنگەن.

-جاياۋ جۇرگىنشىلەر كوپىرى قازىرگى اۆتوموبيل وتكەلىنە جاقىن جەردە ورنالاسادى، سەبەبى، ۇزاق جىل بويى ادامدار ءدال وسى جەرمەن جولدىڭ ارعى بەتىنە ءوتىپ ۇيرەنگەن. قۇرىلىس جۇمىستارى «Tensar» كومپانياسىنىڭ تەحنولوگياسى بويىنشا جۇرگىزىلەدى. جاڭا كوپىر جوباسىندا مۇمكىندىگى شەكتەۋلى ادامدار مەن بالالارى، قولارباسى بار انالاردىڭ قوزعالۋىنا ىڭعايلى بولۋى ءۇشىن ەكى جاعىنان ليفت ورناتۋ ماسەلەسى ەسكەرىلگەن، دەدى بىزگە وبلىس اكىمىنىڭ ءباسپاسوز حاتشىسى عالىمۇرات جۇكەل.

ەسكە سالا كەتسەك، 15 قىركۇيەك كۇنى 19 ساعات 30 مينۋتتا «الماتى –قوستاناي» باعىتىنا قاتىنايتىن پويىز اۆتوبۋسپەن سوقتىعىسقان ەدى. وقيعا ورنىندا اۆتوبۋس جۇرگىزۋشىسى مەرت بولىپ، تاعى ءۇش ادام ءتۇرلى دەنە جاراقاتىمەن اۋرۋحاناعا جەتكىزىلگەن-ءدى. ونىڭ ەكەۋى بالا، بىرەۋى ايەل ادام. بۇل فاكتى بويىنشا قىلمىستىق كودەكستىڭ 345-بابىنىڭ 3-ءشى تارماعىنا سايكەس تەرگەۋ ءجۇردى. قازىر زارداپ شەككەندەردىڭ جاعدايى جاقسى.

ال قازىر باستالعان كوپىر قۇرىلىسى كەلەسى جىلدىڭ مامىر ايىندا اياقتالىپ، قولدانىسقا بەرىلمەك.

سوڭعى جاڭالىقتار

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار