«كاتار ‒ قازاقستاننىڭ اراب الەمىندەگى ماڭىزدى ساياسي سەرىكتەسى. ءبىزدىڭ ەلدەرىمىز اراسىندا قازاقستاننىڭ تۇڭعىش پرەزيدەنتى ‒ ەلباسى ن. نازارباەۆ پەن كاتاردىڭ جوعارى باسشىلىعى نەگىزىن سالعان سەنىمدى ءارى اشىق ساياسي ديالوگ ورناعان. مەملەكەت باسشىسى ق.توقاەۆ سىرتقى ساياساتتاعى ساباقتاستىقتى ۇستانا وتىرىپ, كاتارمەن ىنتىماقتاستىقتى دامىتۋعا ۇلكەن ءمان بەرەدى», دەدى ا. مامين.
ۇكىمەت باسشىسى ساۋدا-ەكونوميكالىق, ينۆەستيتسيالىق, قارجى-بانك جانە باسقا دا سالالارداعى ىنتىماقتاستىقتى ارتتىرۋ ءۇشىن ەداۋىر الەۋەتتىڭ بار ەكەنىن اتاپ ءوتتى.
ەلدەر اراسىندا ۆيزاسىز رەجيم ورناعان, جاقىندا نۇر-سۇلتان مەن دوحا اراسىندا تىكەلەي رەيستەر اشىلادى دەپ جوسپارلانۋدا. ودان سوڭ تۇراقتى رەيستەر اپتاسىنا 7 رەت تەك استانالار اراسىندا عانا ەمەس, سونىمەن قاتار الماتى مەن دوحا اراسىندا دا ورىندالماق.
تاراپتار ينۆەستيتسيالىق جانە قارجى-بانك سالاسىنداعى ەكىجاقتى ىنتىماقتاستىق پەرسپەكتيۆالارىن, ونىڭ ىشىندە «استانا» حالىقارالىق قارجى ورتالىعىنىڭ (احقو) يۋريسديكتسياسىندا كاتارلىق بانكتەر وكىلدىكتەرىن اشۋدى تالقىلادى.
ەكى ەل كاسىپكەرلەرىنىڭ اراسىنداعى بايلانىستاردى دامىتۋ جانە بىرلەسكەن ينۆەستيتسيالىق جوبالاردى ىسكە اسىرۋ ماقساتىندا 2020 جىلى كوكتەمدە قازاقستان-كاتار بيزنەس-فورۋمىن وتكىزۋ تۋرالى كەلىسىمگە قول جەتكىزىلدى.
كەزدەسۋگە پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءا. سمايىلوۆ, ۇلتتىق ەكونوميكا ءمينيسترى ر. دالەنوۆ جانە احقو باسقارۋشىسى ق. كەلىمبەتوۆ قاتىستى.
