الەم • 03 جەلتوقسان، 2019

تاشكەنت كورەرمەنىن ءتانتى ەتتى

134 رەتكورسەتىلدى

بيىلعى قازاقستاننىڭ وزبەكستان­داعى جىلى سان ءتۇرلى قىزعىلىقتى ءىس-شارالارعا تولى بولىپ وتىر.

مادەني باعدارلامالار اياسىندا تاش­كەنتتەگى «تۇركىستان» ونەر سارايىندا ايگىلى ءانشى، قازاقستاننىڭ حالىق ءارتىسى ماقپال ءجۇنى­سوۆانىڭ كونتسەرتى ءوتتى. اتالعان ءىس-شارانى وزبەكستان مەملە­كەتتىك فيلارمونيا­سى، وز­بەكستان رەسپۋب­ليكاسىنىڭ مادەنيەت مي­نيس­ترلىگى جانە قازاقستان رەسپۋبليكاسىنىڭ ما­دە­نيەت جانە سپورت مينيسترلىگىمەن بىرلەسىپ ۇيىمداستىرعان بولاتىن.

قازاقستان ەستراداسى جارىق جۇلدىزدا­رىنىڭ ءبىرى ماقپال ءجۇنىسوۆا قىرىق جىلداي ۋاقىتتان بەرى ءوزىنىڭ ونەرىمەن كورەر­­مەندەرىن كول-كوسىر قۋانىشقا بولەپ كە­لەدى. ول قازاق ۇلتتىق ءان ونەرىنە سۇبەلى ۇلەس قوسىپ جۇرگەن ايتۋلى تۇلعا ەكەنى بەلگىلى.

«تۇركىستان» سارايىندا «استانا سازى» ەتنو-فولكلورلىق ءانسامبلى مەن Saz@Soul ۆوكالدى-اسپاپتار ءانسامبلىنىڭ سۇيەمەل­دەۋىمەن وتكەن كونتسەرتتە وزبەكستاندىق كو­رەر­­مەندەر قازاق ءانشىسىنىڭ كونتسەرتتىك باع­دار­لا­ماسىن ىستىق ىقىلاسپەن قابىلدادى.

– قازاقستان مەن وزبەكستان اراسىنداعى دوستىق نىعايا بەرسىن!، – دەدى ءانشى. – بۇل كونتسەرت قوس ەل اراسىنداعى تاتۋ كورشىلىك پەن باۋىرلاستىق قارىم-قاتىناستاردىڭ ءارى قاراي دامۋىنا ىقپال ەتەدى دەپ ويلايمىن. وزبەك ەستراداسىن وتە جاقسى كورەمىن. «ياللا» ءانسامبلىنىڭ، يۋلدۋز ۋسمانوۆانىڭ اندەرىن جاتقا بىلەمىن جانە شىرقاي الامىن. وزبەكستاندىق ەسترادا جۇلدىزدارىن قازاقستاندىقتار قاتتى قادىرلەيدى. ويتكەنى، ەلىمىزدە ولاردىڭ ونەرىنە ءتانتى بولۋشىلار وتە كوپ.

ءبىزدىڭ حالقىمىزدىڭ جۇرەگىن جاۋ­لاپ، كەڭ تاراعان بىرقاتار تانىمال اندەردى ايگىلى ءانشى مەن كورەرمەندەر بىرگە شىرقادى. كونتسەرتتىك باعدارلاما جىلى شىرايلى، كوتەرىڭكى كوڭىل كۇيدە ءوتتى.

 

فاتيما قاناەۆا

 

شىرشىق قالاسى (وزبەكستان)

 

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار