ايماقتار • 03 جەلتوقسان، 2019

بولاشاققا نىق قادام

42 رەت كورسەتىلدى

«ديالوگ. سەنىم. بولاشاققا نىق قادام». ءدال وسىنداي اتاۋمەن قازاقستاننىڭ تۇڭعىش پرەزيدەنتى كۇنىنە وراي تۇركىستاندا تۇڭعىش رەت جاستار فورۋمى وتكىزىلدى. بۇل قۇرىلتاي جاستاردىڭ بيزنەس، ونەر جانە تەحنولوگيا سالاسىندا وزدەرىن تولعاندىراتىن ماسەلەلەر بويىنشا پىكىر الماسۋعا مۇمكىندىك بەرەتىن الاڭ. سونداي-اق جاس بەلسەندىلەر شاھار اكىمى راشيد ايۋپوۆپەن اشىق اڭگىمەلەسىپ، قالانى دامىتۋعا قاتىستى ويلارىمەن ءبولىستى.

فورۋمنىڭ نەگىزگى ميسسيا­سى يدەيالار، جاستاردىڭ قۇل­شىنىسىن وياتۋ جانە قالانى كوركەيتۋ. ۇيىمداستىرۋشىلار اتالعان باسقوسۋدىڭ جاستار مەن ستۋدەنتتەردىڭ  جىل سايىن باس قوسىپ،  قالا جاستارى­نىڭ بەل­سەندىلىگىن ارتتىراتىن جانە شا­ھاردىڭ ءوسىپ-وركەندەۋىنە ۇلەس قوساتىن پايدالى شاراعا اينالا­تىنى­نا سەنىمدى. مۇنداعى ماق­سات – جاقىن ايماقتاردان جانە  جەرگىلىكتى جاستار  ۇيىم­دارى، قاۋىمداستىقتار، سول سەكىلدى جەكە كاسىپكەرلەردىڭ باسىن قوسىپ، ولارمەن تاجىريبە ءبولىسۋ ارقىلى جاستاردىڭ تىڭ يدەيالارىن جۇزەگە اسىرۋعا سەپتەسۋ. 

قالا اكىمى راشيد ايۋپوۆ جاستاردى قالانى دامىتۋعا بەلسەندى قاتىسۋعا شاقىرىپ،  تۋريزم جانە سەرۆيستىك قىزمەت كورسەتۋ سالاسىنداعى بيزنەس يدەيالاردى دامىتۋدى ۇسىندى.

– بيىل تۇركىستانعا 1 ملن 200 مىڭ تۋريست كەلدى. قالانى جاڭ­عىرتساق، بۇل اعىن جىلىنا 4 ميلليونعا دەيىن ارتادى. تۇركىستان – قوعامدىق تاماق­تانۋ، قوناقۇي قىزمەتتەرى، بىرە­گەي قولونەر تاۋارلارى سالا­سىنداعى بيزنەستى دامىتۋعا قولاي­لى ايماق، – دەدى راشيد ايۋپوۆ.

سونداي-اق اكىمنىڭ ايتۋىنشا، تۇركىستاندا قالالىق اكسەلەراتور اشىلادى. مۇندا جاستاردىڭ كرەاتيۆتى جوبالارىنا قارجىلاي قولداۋ كورسەتىلمەك.

جاستار قۇرىلتايىندا بيز­نەستى ءتيىمدى جۇرگىزۋدىڭ جولى، سۇيىكتى ىستەن پايدا تابۋ، كاسىپتى نەدەن باستاۋ كەرەك، فرانشيزا،  ينۆەستيتسيا تارتۋدىڭ تىڭ امالدارى، كراۋدفاندينگ ارقىلى 15 مىڭ دوللار جيناۋ سىندى ماسەلەلەر بويىنشا سالانىڭ ۇزدىكتەرى ءوز تاجىريبەلەرى­مەن ءبولىستى. اتاپ ايتقاندا، بەل­گىلى بلوگەر جانسەرىك قادىرباەۆ،  StudyON لينگۆيستيكالىق مەك­تەبىنىڭ نەگىزىن قالاعان شاحنوزا نىشانقۇلوۆا، جاس رە­جيسسەر جانە جازۋشى ايديە اي­دار­بەكوۆ تابىسقا جەتۋدىڭ سىرىن ايتىپ بەردى.

 

 

 

سوڭعى جاڭالىقتار

ساقتانساڭ – ساۋ بولارسىڭ

ايماقتار • بۇگىن، 23:00

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار