باستى ماقسات – كاسىپكەرلىكتى دامىتۋ ماقساتتارى جانە بىرجىلدىق جۇمىس قورىتىندىلارى مەن الداعى جوسپارلاردى تالقىلاۋ.
وسى ورايدا نۇرلان نىعماتۋلين ءماجىلىس دەپۋتاتتارى مەن «اتامەكەن» ۇلتتىق پالاتاسىنىڭ كەزدەسۋى جىل سايىن وتكىزىلىپ كەلە جاتقان ءداستۇرلى شارالاردىڭ ءبىرى ەكەنىن جانە ەل ەكونوميكاسىن كۇشەيتۋدىڭ قۋاتتى مەملەكەت بولۋدىڭ باستى تىرەگى – بيزنەس ەكەنىن العا تارتتى.
– قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ قولداۋىمەن قۇرىلعان «اتامەكەن» ۇكپ ەلىمىزدە كاسىپكەرلىكتى دامىتۋعا تىڭ سەرپىن بەردى. بۇگىنگى كۇنى مەملەكەت باسشىسى قاسىم-جومارت توقاەۆ بيزنەستى دامىتۋ بويىنشا جاڭا مىندەتتەر جۇكتەدى. وسىعان بايلانىستى بۇگىن الداعى ماقساتتار مەن مىندەتتەردى جۇزەگە اسىرۋدىڭ جانە ونى زاڭ جاعىنان قولداۋدىڭ جولدارىن تالقىلايتىن بولامىز, – دەدى ن. نىعماتۋلين.
ەلىمىزدە كاسىپكەرلىكتى دامىتۋدىڭ ماڭىزدىلىعىنا توقتالعان پالاتا سپيكەرى 2017 جىلى ءماجىلىس پەن «اتامەكەن» ۇكپ اراسىندا 2017-2018 جىلدارعا ارنالعان قازاقستان ۇكىمەتىنىڭ زاڭ جوبالاۋ جۇمىستارى جوسپارلارى اياسىندا ىنتىماقتاستىق تۋرالى مەموراندۋمدى جۇزەگە اسىرۋ جونىندە جول كارتاسىنىڭ ناتيجەلەرىنە توقتالدى.
كەزدەسۋدە «اتامەكەن» تورالقاسىنىڭ توراعاسى تيمۋر ق ۇلىباەۆ «اتامەكەن» ۇلتتىق كاسىپكەرلەر پالاتاسى قىزمەتىن باستاعان بيزنەس پەن بيلىك ورگاندارى اراسىنداعى ءتيىمدى تەتىككە اينالعانىن اتاپ ءوتتى. ءماجىلىس دەپۋتاتتارىمەن بىرلەسە اتقارعان جۇمىستىڭ ارقاسىندا قازاقستان بيزنەسى ءتيىستى زاڭنامالىق قۇجاتتارمەن قورعالعانىن, قابىلدانعان زاڭداردىڭ بارلىعىندا «اتامەكەن» ۇكپ ۇستانىمدارى ەسكەرىلگەنىن ايتتى.
ءماجىلىس توراعاسى نۇرلان نىعماتۋلين مەن «اتامەكەن» ۇكپ تورالقاسىنىڭ توراعاسى تيمۋر ق ۇلىباەۆ 2020 جىلعا ارنالعان ءماجىلىس پەن «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى ىنتىماقتاستىعىنىڭ جول كارتاسىنا قول قويدى. ەندى جاڭا قۇجاتقا سايكەس, ءماجىلىس دەپۋتاتتارى مەن كاسىپكەرلەر قاۋىمداستىعى الداعى جىلى 9 ماڭىزدى باعىت بويىنشا جۇمىستى جالعاستىرماق.
كەزدەسۋ بارىسىندا «اتامەكەن» ۇكپ باسقارما توراعاسىنىڭ ورىنباسارى رۇستەم ءجۇرسىنوۆ, باسقارما توراعاسىنىڭ ءبىرىنشى ورىنباسارى ەلدار جۇماعازيەۆ تاقىرىپ توڭىرەگىندە ءسوز سويلەدى.
تالقىلاۋ كەزىندە ءماجىلىس دەپۋتاتتارى كاسىپكەرلىك سالاسىنداعى وزەكتى ماسەلەلەردى كوتەرىپ, ۇسىنىس-پىكىرلەرىن جەتكىزدى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
