جاقىندا پارتيا توراعاسى نۇرسۇلتان نازارباەۆ «نۇروتاندىقتار» الدىنا جاڭا تالاپتارقويعان بولاتىن. جەرگىلكتى ۇيىمدار وسى تالاپتاردى ەسكەرە وتىرىپ, پارتيا فيليالدارى ورگاندارىنىڭ, پارتيالىق باقىلاۋ كوميسسيالارىنىڭ, سىبايلاس جەمقورلىققا قارسى كۇرەس جونىندەگى قوعامدىق كەڭەستەردىڭ جۇمىستارىن كۇشەيتۋ, پارتيا «قۇرامىن تازارتۋ»جۇمىستارىنا قىزۋ كىرىستى.
سىندارلى جۇمىس ناتيجەسىندە جىل باسىنان بەرى سىبايلاس جەمقورلىق ارەكەتتەرىنە جول بەرگەن جانە پارتيا جارعىسىنا ساي كەلمەيتىن جات قىلىقتار كورسەتكەن 1 پارتيا مۇشەسىنە ەسكەرتۋ بەرىلسە, 14 ادام پارتيا قاتارىنان شىعارىلعان ەكەن. سونداي-اق, پارتيالىق باقىلاۋ كوميتەتىنىڭ 3 وتىرىسىندا 24 ادامعا قاتىستى پارتيالىق جازا قولدانىلىپتى.
- Nur Otan پارتياسىنىڭ بۇگىنگى ۇستانىمى – ازاماتتاردىڭ وتىنىشتەرىن ءتيىمدى جانە جەدەل شەشۋ ءۇشىن قوعامدىق قابىلداۋلاردىڭ جۇمىسىن جاڭعىرتۋ بولىپ وتىر. ناتيجەسىندە, مەملەكەتتىك مەكەمە باسشىلارى ازاماتتاردى قابىلداۋدا بەلسەندىلىگى ارتىپ, سونىڭ ارقاسىندا حالىقتىڭ كوپتەگەن سۇراقتارى جىلدام جانە ءتيىمدى شەشىلۋدە. جالپى, الەۋمەتتىك ساۋالنا قورىتىنسى بويىنشا, قۇقىق قورعاۋ سالاسىنا قاتىستى ماسەلەنى شەشۋدە پارتياعا دەگەن حالىق سەنىمى سوتتان كەيىن ەكىنشى ورىندا تۇر, - دەيدى Nur Otan پارتياسى الماتى وبلىستىق فيليالى توراعاسىنىڭ ورىنباسارى گۇلنار تويلىباەۆا.
