ايماقتار • 01 جەلتوقسان، 2019

قىزىلوردادا «Orda School» جەكە باستاۋىش مەكتەبى اشىلدى

142 رەتكورسەتىلدى

بۇگىن قىزىلوردا قالاسىنىڭ سول جاعالاۋىنان «Orda School» باستاۋىش مەكتەبىنىڭ جاڭا عيماراتى اشىلدى. ءبىلىم وشاعىنىڭ اشىلۋ سالتاناتىنا وبلىس اكىمى قۋانىشبەك ىسقاقوۆ، پارلامەنت سەناتىنىڭ دەپۋتاتتارى باقىتجان جۇماعۇلوۆ، نۇرتورە ءجۇسىپ، ءبىلىم جانە عىلىم ۆيتسە-ءمينيسترى شولپان كارينوۆا قاتىستى.

ايماق باسشىسى جاڭا اۋداندا بوي كوتەرگەن 700 ورىندىق مەكتەپ مەملەكەتتىك-جەكەشەلىك ارىپتەستىك اياسىندا سالىنىپ وتىرعانىن ايتىپ، وڭىردەگى وسى باعىتتاعى جۇمىستار ناتيجەسىنە توقتالدى.

قازىر قىزىلوردا قالاسىندا 4 جەكە مەكتەپ جۇمىس ىستەيدى. سولاردىڭ ءبىرى وسىدان 2 جىل بۇرىن جۇمىسىن باستاعان «Orda School» باستاۋىش مەكتەبى. العاش اشىلعان جىلى 25 مۇعالىم 180 وقۋشىعا ءبىلىم بەرسە، بىلتىرعى وقۋ جىلىندا وقۋشى سانى 320-دان استى، مۇعالىمدەر قاتارى دا كوبەيدى. مەكتەپتىڭ دامۋ ستراتەگياسىنا سايكەس اۋقىمى كەڭەيىپ، زاماناۋي قۇرال-جابدىقتارمەن جابدىقتالعان 700 ورىندىق جاڭا عيماراتتا بيىل 500-دەن استام بالا ءبىلىم الادى. مەكتەپ قۇرىلتايشىسى – ء«بىلىم شامشىراعى» جشس.

– بۇگىندە جاس ۇرپاققا ساپالى ءبىلىم بەرۋگە ۇدايى كوڭىل ءبولىنىپ كەلەدى. «كەلەشەكتىڭ كىلتى – ءبىلىمدى ۇرپاقتىڭ قولىندا» دەگەن قاعيدات بەرىك قالىپتاستى. مىنە، سونىڭ دالەلى – بۇگىن تاعى ءبىر جاڭا مەكتەپتىڭ قۇرىلىسى اياقتالىپ، پايدالانۋعا بەرىلدى. بولاشاعىمىز بالالارىمىز ءۇشىن ولاردىڭ زاماناۋي تەحنولوگيامەن جابدىقتالعان جاڭا عيماراتتا ساپالى ءبىلىم الۋىنا بارلىق جاعداي جاسالۋدا. بيىلعى جىلى تامىز ايىندا نۇر-سۇلتان قالاسىندا وتكەن رەسپۋبليكالىق تامىز كونفەرەنتسياسىندا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆ ءبىلىم سالاسىنداعى بىرقاتار وزەكتى ماسەلەلەرگە توقتالىپ، ولاردى كەزەڭ-كەزەڭىمەن شەشۋدى تاپسىردى. سونداي-اق، مەملەكەت باسشىسى العاشقى جولداۋىندا پەداگوگتاردىڭ مارتەبەسىن كوتەرۋ، ءبىلىم ساپاسىن ارتتىرۋ، ەڭبەك نارىعىنا ساپالى ماماندار دايارلاۋ، اۋىل مەكتەپتەرىنىڭ جاعدايىن جاقسارتۋ ماسەلەلەرىمەن بىرگە بالا تاربيەسىنە قاتىستى ناقتى باسىمدىقتاردى ايقىنداپ بەردى، – دەدى وبلىس اكىمى.

شارادا سەنات دەپۋتاتى باقىتجان جۇماعۇلوۆ قىزىلوردالىقتاردى جاڭا مەكتەپتىڭ اشىلۋىمەن قۇتتىقتاپ، پارلامەنت سەناتىنىڭ توراعاسى داريعا نازارباەۆانىڭ قۇتتىقتاۋىن وقىپ بەردى. ءبىلىم جانە عىلىم ۆيتسە-ءمينيسترى شولپان كارينوۆا دا لەبىزىن ءبىلدىرىپ، پرەمەر-ءمينيستردىڭ ورىنباسارى بەردىبەك ساپارباەۆ پەن ءبىلىم جانە عىلىم ءمينيسترى اسحات ايماعامبەتوۆتىڭ قۇتتىقتاۋىن تابىستادى.

جاڭا عيماراتتا 47 سىنىپ كابينەتى، روبوتوتەحنيكا كابينەتى، 5 سپورت زالى، بي زالى، باسسەين، 24 ينتەراكتيۆتى تاقتا،  500 ورىندىق اسحانا بار. وقۋشىلار ءۇشىن دومبىرا، بي، قولونەر، شاحمات، دزيۋدو جانە روبوتوتەحنيكا ۇيىرمەلەرى ۇيىمداستىرىلعان. ەلۋ ءتورت مۇعالىم قىزمەت ىستەيتىن مەكتەپتە وقۋشىلار جاڭا باعدارلاما نەگىزىندە 3 تىلدە ءبىلىم الادى.  

مۇرات جەتپىسباەۆ

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار