وبلىستا تۇڭعىش پرەزيدەنت كۇنى جانە تاۋەلسىزدىك مەرەكەسىنە وراي جالپى سانى 36 جاڭا نىسان اشۋ جوسپارلانعان, سونىڭ ناتيجەسىندە ءتورت ءجۇزگە جۋىق جاڭا جۇمىس ورنى قۇرىلادى. اتالعان 36 نىساننىڭ ون ەكىءسى 1-جەلتوقسانعا, ال قالعانى16-جەلتوقسانعا قاراي ەسىگىن ايقارا اشپاق. ولاردىڭ قاتارىندا مەديتسينا, ءبىلىم بەرۋ, مادەنيەت, اۋىل شارۋاشىلىعى, ونەركاسىپ سالالارىنىڭ نىساندارى مەن تۇرعىن ۇيلەر بار.
اتاپ ايتقاندا, بۇگىنگە دەيىن كەربۇلاق اۋدانىندا جالگەرلىك تۇرعىن ءۇي, جامبىل اۋدانى تارعاپ اۋىلىندا, ۇيعىر اۋدانىنىڭ قالجات اۋىلىندا دارىگەرلىك امبۋلاتوريا, ىلە اۋدانىندا 3 بىردەي بالاباقشا ىسكە قوسىلىپ, ەل يىگىلىگىنە بەرىلدى. سونداي-اق, مەرەكە قارساڭىندا قاراساي اۋدانى كوكوزەك اۋىلىندا ورنالاسقان سەندۆيچ-پانەلدەر مەن ءپىشىندى توسەنىشتەر شىعاراتىن «بولاشاق قاز-مەتالل» زاۋىتى ءوز جۇمىسىن باستايدى. بۇل نىساننىڭ جوبالىق قۇنى – 110 ملن تەڭگە. ال مەركەشە ورايلاستىرىپ ىسكە قوسىلاتىن كوكسۋ اۋدانىندا «سۇلتان» شارۋا قوجالىعىنىڭ 200 باسقا ارنالعان مال بورداقىلاۋ الاڭى, «نۇرلان» شارۋا قوجالىعىنىڭ بازاسىندا اشىلاتىن 200 باسقا ارنالعان ءسۇت-تاۋارلى فەرماسى, سارقان قالاسىنداعى «جولبوسىنوۆ» جك-نىڭ 150 باسقا لايىقتالعان مال بورداقىلاۋ الاڭى اگرارلىق سالاداعى مىندەتتەردىڭ وبلىستا تابىستى ورىندالۋىنا ۇلەس قوسپاق. ۇيعىر اۋدانى داردامتى اۋىلىندا «Eko product Plus» جشس 1 گەكتار جەرگە قۋاتى جىلىنا 100 توننالىق جىلىجاي كەشەنىن قولعا الۋدا. قاراتال اۋدانى ايتۋبي اۋىلىندا «اگروينۆەستقاراتال» جشس-نىڭ 340 باسقا ارنالعان شوشقا ۇستاۋ كەشەنى دە وسى جاڭا جوبالار قاتارىندا.
وسىلايشا, 1 جەلتوقسان - تۇڭعىش پرەزيدەنت كۇنىن جاڭا نىساندار اشۋ قۋانىشىمەن قارسى العان جەتىسۋلىقتار تاۋەلسىزدىك كۇنىنە دەيىن ىسكەرلىك باعىتتاعى جاڭالىقتارمەن بولىسە بەرمەك.
بۇگىن وبلىس تۇرعىندارىن مەرەكەمەن ايماق باسشىسى اماندىق باتالوۆ قۇتتىقتاپ, ەلگە ەڭبەك, جەرگە تىنىشتىق تىلەدى. جەتىسۋلىقتاردىڭ جەمىستى ەڭبەگىن اتاپ وتكەن وبلىس اكىمى ءوز سوزىندە تۇڭعىش پرەزيدەنت كۇنىن اتاپ ءوتۋ جالپىحالىقتىق مەرەكەگە اينالعانىنا توقتالدى.
- بۇگىندە تۇڭعىش پرەزيدەنت – ەلباسى نۇرسۇلتان نازارباەۆتىڭ سارابدال ساياساتىن قازىرگى پرەزيدەنتىمىز قاسىم-جومارت توقاەۆ جالعاستىرىپ كەلەدى. ەلباسى ءوز سوزىندە: «حالقىما كەرەكتى قالاي تابام, قايدان تابام دەپ قام جەپ ءجۇرۋ تەك قانا مەنىڭ ەمەس, ءار ازاماتتىڭ ءىسى مەن جادىندا بولۋى ءتيىس» دەگەن ەدى. بۇل رەتتە مەملەكەت باسشىسىنىڭ جەتەكشىلىگىمەن ەلدىك مۇددە جولىنداعى جۇمىسقا جۇمىلا كىرىسىپ, ارقايسىمىز ءوز مىندەتىمىزدى ەلجاندىلىقپەن, جاۋاپكەرشىلىكپەن, ەڭبەكسۇيگىشتىكپەن اتقارامىز دەپ سەنەمىن, - دەدى ءوز سوزىندە اماندىق باتالوۆ.
