قازاقستان • 01 جەلتوقسان، 2019

بۇگىن - تۇڭعىش پرەزيدەنت كۇنى

67 رەتكورسەتىلدى

2011 جىلى 14 جەلتوقساندا مەملەكەت باسشىسى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» زاڭعا قول قويدى، وندا 1 جەلتوقساندا اتاپ وتىلەتىن جاڭا مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنى بەلگىلەندى.

1991 جىلى 1 جەلتوقساندا بۇكىلحالىقتىق سايلاۋ ناتيجەسىندە ەلىمىزدىڭ تۇڭعىش پرەزيدەنتى سايلانعان بولاتىن.

بۇدان سوڭ 1991 جىلدىڭ 16 قازانىندا جوعارعى كەڭەس «قازاق سسر پرەزيدەنتىن سايلاۋ تۋرالى» زاڭ قابىلداندى. وسى زاڭمەن بىرگە 1991 جىلدىڭ 1 جەلتوقسانىن قازاق سسر پرەزيدەنتىن سايلاۋ كۇنى رەتىندە بەلگىلەگەن قاۋلى شىقتى. وسىلايشا قازاقستان تاريحىندا تۇڭعىش رەت رەسپۋبليكا باسشىسىن جالپىعا بىردەي، تەڭ جانە توتە سايلاۋ قۇقىعى نەگىزىندە جاسىرىن داۋىس بەرۋ ارقىلى تاڭداۋعا جاعداي جاسالدى.

1 جەلتوقسان كۇنى - ەل تاريحىنداعى تۇڭعىش جالپىحالىقتىق سايلاۋعا قاتىسقان حالىقتىڭ 98،78 پايىزى نۇرسۇلتان نازارباەۆقا داۋىس بەرىپ، مەملەكەت باسشىسى رەتىندە تاڭدالدى. 5 جەلتوقسان كۇنى ورتالىق سايلاۋ كوميسسياسى سايلاۋدىڭ سوڭعى قورىتىندىسىن جاريالادى. ول بويىنشا رەسپۋبليكاداعى 21 سايلاۋ وكرۋگىندەگى سايلاۋشىلار تىزىمىنە 9 961 242 ازامات ەنگىزىلگەن. ونىڭ ىشىندە سايلاۋعا 8 788 726 ادام نەمەسە 88،23% قاتىستى. سايلاۋ ناتيجەسى بويىنشا 8 681 276 ادام نۇرسۇلتان نازارباەۆتى قولداپ داۋىس بەرگەن، بۇل - سايلاۋعا قاتىسۋشىلاردىڭ 98،78 پايىزى. وسىلايشا، ەلباسى نۇرسۇلتان نازارباەۆ بارشا حالىق سايلاعان قازاقستاننىڭ پرەزيدەنتى مانداتىن تۇڭعىش رەت يەلەندى.

تۇڭعىش پرەزيدەنت قىزمەتىنە رەسمي كىرىسۋى مەن ەلباسىنىڭ انت بەرۋ ءراسىمى 1991 جىلدىڭ 10 جەلتوقسانىندا ءوتتى.

2011 جىلعى 14 جەلتوقساندا مەملەكەت باسشىسى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» زاڭعا قول قويدى، وندا 1 جەلتوقساندا اتاپ وتىلەتىن جاڭا مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىن بەلگىلەۋ كوزدەلگەن بولاتىن.

ەلباسى كۇنى قازاق حالقىنىڭ مەملەكەت بولىپ قالىپتاسۋىنىڭ ماڭىزدى كەزەڭىن ايقىندايدى.

سوڭعى جاڭالىقتار

ۇقساس جاڭالىقتار