1 جەلتوقسان – تۇڭعىش پرەزيدەنت كۇنىمەرەكەسىنە وراي الماتى وبلىسىنىڭ الاكول اۋدانىنىڭ ءبىر توپ تۇرعىنى وسى باعدارلاما ارقاسىندا باسپاناعا قول جەتكىزدى. ياعني, الاكول اۋدانىندا 13 وتباسى ءبىر كۇندە جاڭا پاتەردىڭ كىلتىن الىپ, قونىس تويىن تويلادى. بۇل ۇيلەر «باقىتتى وتباسى» باعدارلاماسى اياسىندا كوپبالالى انالارعا, «التىن القا» جانە «كۇمىس القا» يەگەرلەرىنە بەرىلدى.
- مەملەكەت باسشىسى مەن وبلىس, اۋدان اكىمىنە كوپتەگەن وتباسىنا تۇرعىن ءۇي ماسەلەسىن شەشۋگە كومەكتەسكەندەرى ءۇشىن العىس ايتامىز. جاڭا باسپانالى بولۋدى ارمانداعان بارشا وتباسى كوپ ۇزاماي قونىس تويىن تويلاسىن, - دەيءدى جاڭا قونىس يەسى, «باقىتتى وتباسى» باعدارلاماسىنا قاتىسۋشى ك.ماۋلەتحان.
ايتپاقشى,«باقىتتى وتباسى» باعدارلاماسىنا قاتىسۋ مۇمكىندىگى بەرىلگەن تامىز ايىنان بەرى, جۇرتتىڭ سەنىمى نىعايىپ, تومەنگى پروتسەنتپەن ءۇي الۋعا ىنتالىلار قاتارى وبلىس اۋماعىندا كۇرت ءوستى. ونىڭ ىشىندە باعدارلاما شاراپاتىن كورگەندەردىڭ قاتارى جىل سوڭىنا دەيىن ەسەلەپ كوبەيمەكشى. الاكول اۋدانىندا باسپانالى بولعان 19 وتباسى سوعان دالەل.
سونداي-اق, وڭىردە «نۇرلى جەر» مەملەكەتتىك باعدارلاماسى اياسىندا دا تۇرعىن ۇيمەن قامتۋ جولعا قويىلعان. بىلتىر وسى باعدارلاما بويىنشا بارلىعى 80 تۇرعىن ءۇيءدىڭ كىلتتەرى كەزەكتە تۇرعان ازاماتتارعا بەرىلسە, جىل سوڭىندا بۇل شارا تاعى جالعاسىن تاپپاق.
