ۇكىمەت • 30 قاراشا، 2019

ەلوردادا Qazaq Geography بىرلەستىگىنىڭ V سەزى ءوتتى

32 رەتكورسەتىلدى

 ۇلتتىق مۋزەيدە Qazaq Geography رەسپۋبليكالىق قوعامدىق بىرلەستىگىنىڭ V سەزى ءوتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. 

Qazaq Geography قازاقستاننىڭ تاريحى مەن مادەنيەتىن زەردەلەۋ، ەكوتۋريزمدى دامىتۋ جانە قازاقستان حالقىنىڭ رۋحاني قۇندىلىقتارىنىڭ تۇتاستىعى مەن جاڭارۋىن ساقتاۋعا باعىتتالعان باسقا دا ماڭىزدى جوبالاردى ىسكە اسىرۋ بويىنشا جۇيەلى جۇمىستار جۇرگىزۋدە»، - دەدى سەزدىڭ اشىلۋ راسىمىندە Qazaq Geography توراعاسى ا.مامين.

ول Qazaq Geography بىرلەستىگىنىڭ تانىمالدىلىعى مەن ونىڭ وڭىرلىك وكىلدىكتەرىنىڭ بەلسەندىلىگى ارتىپ كەلە جاتقانىن اتاپ ءوتتى.

«ورتاق ىسكە كوپتەگەن ادامدار، ناعىز كاسىپ يەلەرى جۇمىلدى. اسىرەسە، جاستاردى بۇل سالاعا تارتۋ اسا ماڭىزدى. ءبىزدىڭ جەرىمىزدىڭ گەوگرافياسى مەن تاريحىن ءبىلۋ ءاربىر قازاقستاندىقتىڭ باستى قىزىعۋشىلىعىنا اينالۋى ءتيىس»، - دەدى ا. مامين.

شارا قاتىسۋشىلارى Qazaq Geography جارعىسىنىڭ جاڭا رەداكتسياسىن بەكىتتى، وندا بىرلەستىكتىڭ قىزمەت تۇرلەرىن، سونداي-اق ونىڭ قازاقستاننىڭ بارلىق وڭىرلەرىندەگى وكىلەتتىلىكتەرىن ارتتىرۋ قاراستىرىلادى. سونىمەن بىرگە، Qazaq Geography سەزىن ۇيىمداستىرۋ جانە وتكىزۋ ءتارتىبى، بىرلەستىك مۇشەلەرى مەن مۇشەلىگىنە كىرۋ ءتارتىبى، Qazaq Geography توراعاسى تۋرالى ەرەجەلەر قابىلداندى.

Qazaq Geography قامقورلىق كەڭەسىنىڭ توراعاسى بولىپ كارىم ءماسىموۆ، باسقارۋ كەڭەسىنىڭ توراعاسى بولىپ ورمان نۇرباەۆ، مەديا كەڭەس توراعاسى بولىپ داۋرەن اباەۆ سايلاندى.

سەزدە Qazaq Geography بىرلەستىگىنىڭ وڭىرلىك وكىلدىكتەرىن الماتى، اتىراۋ، جامبىل، قىزىلوردا، تۇركىستان وبلىستارىندا، شىمكەنت قالاسىندا اشۋ تۋرالى شەشىم قابىلداندى، بۇل ەلىمىزدىڭ بارلىق وڭىرلەرىن بىرلەستىكپەن قامتۋدى قامتاماسىز ەتەدى.

2019 جىلدىڭ ەسەبى مەن 2020 جىلعا ارنالعان جوسپارلار تۋرالى Qazaq Geography بىرلەستىگىنىڭ باسقارما توراعاسى جاڭا رۇستەم ايتىپ بەردى.

Qazaq Geography بىرلەستىگىن دامىتۋعا بەلسەنە قاتىسقانى جانە وعان قوسقان ۇلەسى ءۇشىن بىرلەستىكتىڭ بىرقاتار مۇشەلەرى مەن سەرىكتەستەرى ماقتاۋ قاعازدارىمەن جانە ەستەلىك كادەسىيلارمەن ماراپاتتالدى.

سەزد جۇمىسىنا Qazaq Geography قامقورلىق كەڭەسىنىڭ مۇشەلەرى، بىرلەستىكتىڭ وڭىرلىك وكىلدىكتەرىنىڭ باسشىلارى، ۇكىمەت مۇشەلەرى، «Kazakh Tourism» ۇك اق باسشىلىعى، بۇۇ دب، قازاقستاندىق بيوالۋاندىقتى ساقتاۋ قاۋىمداستىعىنىڭ وكىلدەرى، بيزنەسمەندەر ت.ب. قاتىستى.

سەزد اياسىندا «اس - ارقاۋ» فوتوكورمەسى ۇسىنىلىپ، ەتنوگراف ايگەرىم مۇساعاجينوۆانىڭ «قازاقى اس: ءداستۇر مەن ءدام» اتتى كىتابى تانىستىرىلدى.

Qazaq Geography رقب 2013 جىلى 16 قازاندا قۇرىلعان، 900-دەن اسا مۇشەلەرى مەن 50-دەن اسا سەرىكتەس ۇيىمدارىن بىرىكتىرەدى. وتكەن جىلدارى Qazaq Geography 17 ەكسپەديتسيا، 15-تەن استام كونفەرەنتسيا، فورۋمدار مەن فەستيۆالدەر ۇيىمداستىردى، 16 كىتاپ، فوتوالبوم، جول نۇسقاۋلىقتارى مەن كارتالار شىعارىلدى، 70-تەن اسا ءبىلىم بەرۋ، تابيعاتتى قورعاۋ جانە ەكوتۋريستىك جوبالار ىسكە اسىرىلدى.

2019 جىلى بىرلەستىك  Nazarbayev University-مەن بىرگە جىل سايىنعى «ارال-2019» عىلىمي ەكسپەديتسياسىن، ال «Kazakh Tourism» ۇك» اق-مەن بىرگە «كيەلى قازاقستان» سالت اتتىلار ەكسپەديتسياسىن، سونداي-اق قازاقستان، قىرعىزستان مەن وزبەكستان بويىنشا «جىبەك جولى - ديالوگ جولى» حالىقارالىق ەكسپەديتسياسىن ۇيىمداستىردى. بيىل قاراشا ايىندا Qazaq Geographۋ ازيا گەوگرافيالىق قاۋىمداستىعى (AGا) مەن حالىقارالىق گەوگرافيا كونفەرەنتسياسىنىڭ (CCG-2019) سەزىنە قازاقستاننىڭ وكىلى رەتىندە قاتىستى.  

جىل بويى كۇن سايىن گەوگرافيا ءپانىنىڭ مۇعالىمدەرى مەن وقۋشىلار ءۇشىن تانىمدىق ەكسكۋرسيالار، عالىمداردىڭ، گەوگرافيا، ەكولوگيا جانە شەكتەس پاندەر بويىنشا ساياحاتشىلار مەن فوتوگرافتاردىڭ شەبەرلىك كلاستارى مەن دارىستەرى، ويىن تۇرىندەگى كۆەست-ەكسپەديتسيالار، گەوگرافيادان وليمپياداعا دايىندىق جۇرگىزىلدى.

قازاقستاننىڭ رەسەيدەگى اپتالىعى اياسىندا «پاۆلودار وبلىسىنىڭ جاندىكتەرىنىڭ ماكروفوتوگرافيالارى»، «مەنىڭ قازاقستانىم» جانە «ەڭ عاجايىپ ەل»، «گەوگرافيا – مادەني پەرسپەكتيۆا جەلىسى»، «قىزعىلت قارشاقازدىڭ ۇشۋ جولى» كورمەلەرى ۇيىمداستىرىلدى، بۇل شارالاردى 4 مىڭنان استام ادام تاماشالادى.

سوڭعى جاڭالىقتار

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار