مەرەكەلىك كەشتى ەلباسى نۇرسۇلتان ءابىش ۇلى نازارباەۆتىڭ ءومىربايانى مەن ساياسي ەڭبەك جولىنا كەڭ كولەمدى شولۋ جاساعان ايماق باسشىسى نۇرلان نوعاەۆ قۇتتىقتاۋ سوزىمەن اشتى.
- بۇگىنگى مەرەكە - حالقىمىزدىڭ ءوزىنىڭ كوشباسشىسىنا دەگەن قۇرمەتى مەن ەلباسىنىڭ ەڭبەگىنە ريزاشىلىعىنىڭ بەلگىسى. تۇڭعىش پرەزيدەنتىمىز اتاپ كورسەتكەندەي, قازاق حالقىنىڭ تاريحىندا ۇرپاقتارى ۇيالاتىنداي ەشنارسە جوق. تاريح تولقىنىندا مىڭ ءولىپ, مىڭ تىرىلگەن حالىقتىڭ كەيىنگى تاعدىرى اركەزدە ارقالاي بولعانىمەن, تاۋەلسىزدىك جىلدارىنداعى جولى ايقىن بولىپ كەلە جاتىر. قازاقستاننىڭ تاۋەلسىزدىك شەجىرەسى نۇرسۇلتان ءابىش ۇلىنىڭ ەسىمىمەن ساباقتاسىپ جاتىر. بۇگىندە ءۇش وندىققا يەك ارتىپ وتىرعان ءبىزدىڭ مەملەكەتىمىزدىڭ جەتىستىكتەرى - بارشا قازاقستاندىقتاردىڭ قاجىرلى ەڭبەگىنىڭ جانە ەلباسىنىڭ كورەگەن ساياساتىنىڭ ناتيجەسى. بۇگىن بارشامىز كۋا بولىپ وتىرعانداي, ەگەمەن ەلىمىز جەتىستىكتەرگە قول جەتكىزگەن قۋاتتى, الىپ مەملەكەتكە اينالدى. وسىنداي اتاۋلى كۇنى سىزدەرگە زور دەنساۋلىق, مول تابىس تىلەيمىن, - دەدى نۇرلان نوعاەۆ.
سونداي-اق مەرەكەلىك شارا بارىسىندا ء وڭىردىڭ قوعامدىق-ەكونوميكالىق دامۋىنا ايرىقشا ۇلەسىن قوسىپ جۇرگەن ازاماتتار وبلىس اكىمىنىڭ العىس حاتىمەن ماراپاتتالدى.
