نەگىزگى جۇمىستار «الماتى وبلىسىنىڭ 2030 جىلعا دەيىنگى دامۋ جوسپارى» بويىنشا ءجۇرىپ جاتىر. مەجەلى مىندەت نەگىزىندە ەلدى مەكەندەردى گازعا قوسۋ ءىسى جالعاسۋدا. جاقىندا قاپشاعاي قالاسى ماڭىنداعى اۋىلداردى تابيعي وتىنمەن قامتۋ ءىسى اياقتالدى. وسى اۋماقتى گازبەن قامتاماسىز ەتۋ ماقساتىندا 2017 جىلى «بايسەركە-قاپشاعاي» جوباسى دايىندالعان بولاتىن. ناتيجەسىندە, جوسپارداعى اۋىلدارعا گاز جەلىسى تارتىلدى. بۇل جوبانىڭ تاعى ءبىر ەرەكشەلىگى, مەملەكەت پەن جەكەمەنشىك ارىپتەستىگى اياسىندا جۇزەگە اسۋىندا, ياعني, گاز جەلىسى ينۆەستورلاردىڭ قارجىسىنا جاسالۋدا.
تابيعي گازدى تۇتىنۋ تۇرعىندار ءۇشىن ۇلكەن قۋانىش. وسى قۋانىشقا تۇڭعىش پرەزيدەت كۇنى مەرەكەسى قارساڭىندا زارەچنىي اۋىلىىڭ تۇرعىندارى قول جەتكىزدى. بۇل كۇنى «قاپشاعاي ايماعىنىڭ گاز جۇيەلەرى» جاۋاپكەرشىلىگى شەكتەۋلى سەرىكتەستىگى مير, اباي, دزەرجينسكي, جامبىل كوشەلەرىن كوگىلدىر وتىنعا قوستى. سالتاناتتى شاراعا قاپشاعاي قالاسى اكىمىنىڭ ورىنباسارى ەرمەك قوجاحمەتوۆ, «قاپشاعاي ايماعىنىڭ گاز جۇيەلەرى» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ءىلياس سۇگىروۆ, زارەچنىي اۋىلدىق وكرۋگىنىڭ اكىمى بەرىك دۇيسەنباەۆ, زارەچنىي اۋىلدىق وكرۋگىنىڭ جەرگىلىكتى قوعامداستىق توراعاسى عابدەش قازبەكوۆ جانە اۋىل تۇرعىندارى قاتىسىپ, وزدەرىنىڭ اقجارما تىلەكتەرىن ءبىلدىردى. ال العاشقى گاز قۇبىرى ارقىلى گاز جىبەرۋگە بايلانىستى الاۋدى اۋىل اقساقالى بالتاباي ءجۇمادىلوۆ جاقتى. ء سويتىپ, زارەچنىي اۋىلىنىڭ تۇرعىندارى اتاۋلى جوبانىڭ ءسوز جۇزىندە ەمەس, ءىس جۇزىندە جۇزەگە اسقاندىعىنىڭ كۋاسى بولدى.
