«قر تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆ ەلوردانىڭ دامۋىنا ەرەكشە نازار اۋدارادى. بۇگىنگى تاڭدا نۇر-سۇلتان قالاسىنىڭ كولىك ينفراقۇرىلىمىن دامىتۋ اياسىندا ءبىز وتە ماڭىزدى وقيعاعا كۋا بولىپ وتىرمىز – ەلوردا ماڭىنداعى ۇزىندىعى 87 شاقىرىم بولاتىن اينالما جول بويىمەن تولىق قوزعالىس اشىلۋدا», — دەدى ا. مامين.
ۇكىمەت باسشىسى «شۇعىلا» قاعيداتى بويىنشا ەلوردادان وڭتۇستىك – ورتالىق, ورتالىق – شىعىس, ورتالىق – باتىس باعىتتارىندا قاۋىپسىز ءارى ساپالى اۆتوموبيل جولدارىنىڭ جوبالارى ىسكە اسىرىلىپ جاتقانىن, بۇل ەلىمىزدىڭ وڭتۇستىگىنەن سولتۇستىگىنە جانە باتىسىنان شىعىسىنا تۋرا ءوتۋدى قامتاماسىز ەتەتىنىن اتاپ ءوتتى.
ەلوردانىڭ اينالما اۆتوجولىنىڭ اشىلۋى قالانىڭ كولىك جۇيەسىنىڭ تيىمدىلىگىن ارتتىرۋعا, اۆتوكولىكتەردىڭ جىلدامدىق رەجيمىن ۇلعايتۋعا جانە جۇرگىزۋشىلەردىڭ ۋاقىت شىعىندارىن قىسقارتۋعا, سونداي-اق, نۇر-سۇلتان قالاسىنداعى ەكولوگيالىق جاعدايدى جاقسارتۋعا مۇمكىندىك بەرەدى.
اۆتوجولدى اشۋ ءراسىمى اياسىندا ۇكىمەت باسشىسى «قازجولعزي» اق عىلىمي-زەرتتەۋ ينستيتۋتى مەن بىرقاتار قازاقستاندىق كومپانيا ۇسىنعان اۆتوجول سالاسىنداعى جاڭا تەحنولوگيالارمەن جانە ماتەريالدارمەن تانىستى.
