قوعام • 29 قاراشا، 2019

«حالىق ەكسپەديتسياسى» جەتىسۋدان باستاۋ الادى

65 رەت كورسەتىلدى

ەلوردادا قازاقستان حالقى اسسامبلەياسىنىڭ ۇيىمداستىرۋىمەن «قايىرىمدىلىق كەرۋەنى» اتتى رەسپۋبليكالىق قايىرىمدىلىق فورۋمى ءوتتى.

سالتاناتتى جيىنعا قازاق­ستان رەسپۋبليكاسىنىڭ مەم­لەكەتتىك حاتشىسى قىرىمبەك كوشەرباەۆ، قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭ­گەرۋشىسى جانسەيىت تۇيمەباەۆ، پارلامەنت دەپۋتاتتارى، الەۋ­مەتتىك باعىتتاعى ورتالىق مەم­لەكەتتىك ورگانداردىڭ باس­شى­لارى، قحا مۇشەلەرى، وڭىر­لىك دەلەگاتسيا قۇرامىنداعى مەتسەناتتار، دەمەۋشىلەر، قايى­رىمدىلىق ۇيىمدارى مەن قور­لار، ەتنومادەني بىرلەستىكتەر مەن ۇكىمەتتىك ەمەس ۇيىمداردىڭ وكىلدەرى، قحا قايىرىمدىلىق جوبالارىنا قاتىسۋشىلار جانە باق وكىلدەرى قاتىستى.

– ءبىز بۇگىن جىل سايىن قازاقستان رەسپۋبليكاسىنىڭ تۇڭعىش پرەزيدەنتى كۇنى قار­سا­ڭىندا ءداستۇرلى تۇردە وت­كىزىلەتىن، جۇرتشىلىقتى ىزگىلىككە جۇ­مىلدىراتىن «قايى­­رىمدىلىق كەرۋەنى» فورۋمىنا جينالىپ وتىرمىز. قايىرىمدىلىققا ۇندەيتىن تاعىلىمدى ءىز حال­قىمىزدىڭ كونەدەن جەتكەن سارقىت، سىباعا، اسار، شاشۋ­مەن ساباقتاسا ءجۇرۋى جاقسى باس­تامانىڭ نىشانى دەپ بىلەمىن، – دەدى قىرىمبەك كوشەرباەۆ.

ايتا كەتەيىك، فورۋم اياسىندا «تۇڭعىش پرەزيدەنت جولىمەن» حالىق ەكسپەديتسياسى» اتتى تىڭ جوبا باستاۋ الدى. اتالعان جوبا قحا-نىڭ 25 جىلدىعىنا جانە تاۋەلسىز قازاقستاننىڭ قۇرىلۋىندا ەلباسىنىڭ ەرەن ەڭبەگىن ايشىقتاۋعا نەگىزدەلىپ وتىر. جوبانى جۇزەگە اسىرۋ 2020 جىلعا جوسپارلانا وتىرىپ، قازاقستاننىڭ بارلىق وڭىرلەرى مەن ەلباسى تابان تي­گىزگەن شەت مەملەكەتتەردى قام­تيدى. كۇندەلىك پەن تۋى ەكسپەديتسيانىڭ سيمۆولى بولىپ سانالادى.

– بۇگىن، تۇڭعىش پرەزيدەنت كۇنى قارساڭىندا جانە قازاقستان حالقى اسسامبلەياسىنىڭ 25 جىلدىعىنا وراي ءبىز اسسام­بلەيانىڭ كەلەسى جىلى وتكىزىلەتىن ەڭ ماڭىزدى جوباسىن باستايمىز. بۇل – «تۇڭعىش پرەزيدەنت جولىمەن» حالىق ەكسپەديتسياسى» جوباسى. «حالىق ەكسپەديتسياسى» دەپ اتالۋىنىڭ سەبەبى، ونىڭ باستى ارقاۋى ەلباسى مەن حالىق بولادى. تاۋەلسىز قازاقستاننىڭ نەگىزىن قالاۋشى، تۇڭعىش پرەزيدەنت نۇرسۇلتان نازارباەۆ ەلىمىزدىڭ ءاربىر ازاماتىنىڭ ومىرىندە ماڭىزدى ءرول اتقارادى. سوندىقتان بۇل جوبا اسسامبلەيانىڭ 25 جىلدىعى شەڭبەرىندە تۇڭ­عىش پرەزيدەنت – ەلباسى نۇرسۇلتان نازارباەۆتىڭ تا­ۋەلسىز قازاقستاندى قۇرۋداعى ەرەن ەڭبەگىن قوعامدىق سانادا بەكىتۋگە باعىتتالعان، – دەدى جانسەيىت تۇيمەباەۆ.

جوعارىدا اتالعان ەكسپە­ديتسيانىڭ تۋى مەن كۇن­دەلىگى الماتى وبلىسىنىڭ اكىمى امان­­دىق باتالوۆقا تابىستالدى. ەكسپەديتسيا جۇمىسى وسى ايماقتان باستاۋ الادى.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار