2020-2025 جىلدارعا ارنالعان يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ جوباسىن ازىرلەۋ بويىنشا اتقارىلىپ جاتقان جۇمىستار تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, كاسىپكەرلەردى قۇقىق قورعاۋ جانە باقىلاۋ ورگاندارىنىڭ رەيدەرلىك جانە زاڭسىز ءىس-ارەكەتتەرىنەن قورعاۋ بويىنشا شارالاردى ازىرلەۋ تۋرالى باس پروكۋروردىڭ ورىنباسارى م. احمەتجانوۆ باياندادى.
ۇلتتىق ەكونوميكا ءمينيسترى ر. دالەنوۆ «بيزنەستىڭ جول كارتاسى-2025» مەملەكەتتىك باعدارلاماسىنا الەۋمەتتىك اسپەكتىلەرگە, ونىڭ ىشىندە وتباسىلىق بيزنەستەردى قوسا العاندا, باسىمدىق بەرۋمەن بيزنەستى قولداۋدىڭ جاڭا فورمالارىن ەنگىزۋ تۋرالى باياندادى.
«ەڭبەك» مەملەكەتتىك باعدارلاماسى اياسىندا بيۋدجەت شىعىندارىنىڭ تيىمدىلىگىن ارتتىرۋ جانە كوپبالالى وتباسىلاردى ميكرو- جانە شاعىن بيزنەسكە تارتۋ ماسەلەسى بويىنشا ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ شاعىن نەسيەلەندىرۋ تۇرىندەگى جاڭا قولداۋ شارالارى تۋرالى بايانداپ بەردى.
«جاڭعىرتۋ جونىندەگى ۇلتتىق كوميسسيا جۇمىسى ەلباسى نۇرسۇلتان ءابىش ۇلى نازارباەۆتىڭ ەرەكشە باقىلاۋىندا. پرەزيدەنت قاسىم-جومارت توقاەۆ كوميسسيا جۇمىسىنىڭ 2019-2020 جىلدارعا ارنالعان جوسپارىن بەكىتتى. وتكەن 3 ايدا پرەزيدەنتتىڭ جولداۋىن ىسكە اسىرۋ بويىنشا اۋقىمدى جۇمىستار جۇرگىزىلدى – جالپىۇلتتىق ءىس-شارالار جوسپارىنىڭ 81 پۋنكتىنىڭ 52-ءسى بويىنشا ءتيىستى شارالار قابىلداندى», دەدى ا. مامين.
ۇكىمەت باسشىسى پرەزيدەنتتىڭ 2019 جىلعى 2 قىركۇيەكتەگى جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ بارلىق پۋنكتتەرىن ۋاقىتىلى ورىنداۋدى قامتاماسىز ەتۋدى تاپسىردى.
