اتالعان ۇيىم ەلىمىزدەگى پىكىرسايىس قوزعالىسىن جانداندىرۋعا, بارلىق پىكىرسايىس ۇيىمدارىن بىرىكتىرۋگە, تۋرنيرلەردى ۇيىمداستىرۋعا, حالىقارالىق جارىستارعا قاتىسۋ ءۇشىن جاس پىكىرسايىسشىلاردى دايىنداۋعا باعىتتالعان.
«قازاق حالقى ءاردايىم اقىندارعا, جىرشى تەرمەشىلەرگە باي بولعان ەل. وسكەلەڭ ۇرپاقتىڭ قانىڭدا دا بۇل ونەر بار. پىكىرسايىس بۇل تەك ءسوز ءتۇسىندىرۋ, ءسوز تالاستىرۋ عانا ەمەس, سونىمەن قاتار ومىرلىك جولىن تاڭداۋعا ۇلكەن جاردەم بەرەتىن مەكتەپ. مەنىڭشە, فەدەراتسيا بولاشاقتا كوپتەگەن جاستارعا ومىرلىك جولىن تاۋىپ, كاسىبي مامان رەتىندە قالىپتاسۋىنا كومەكتەسەدى», - دەدى «قازاقستان پىكىرسايىس فەدەراتسياسىنىڭ» پرەزيدەنتى بولات بۇحارباي.
سونداي-اق بريفينگ اياسىندا پىكىرسايىسشىلاردىڭ كوممۋنيكاتسياسىنا ارنالعان سايت جانە ءموبيلدى قوسىمشا تانىستىرىلدى.
قوسىمشانىڭ ەرەكشەلىگى - ۋاقىت ولشەيتىن تايمكيپەر فۋنكتسياسىن اتقارۋى. ايتا كەتۋ كەرەك, سايت پەن قوسىمشانىڭ بالاماسى ءبىزدىڭ ەلدە جوق.
سونىمەن قاتار بريفينگ بارىسىندا «Jastar Alany 2019» رەسپۋبليكالىق پىكىرسايىس ءتۋرنيرىنىڭ ناتيجەلەرى تانىستىرىلدى. ۇزدىك پىكىرسايىسشى اتاعىنا 18-29 جاس ارالىعىنداعى 120-دان استام جاس ءسوز شەبەرلەرى باق سىناستى.
جالپى جۇلدە قورى 4 000 000 تەڭگەنى قۇراعان. ءتۋرنيردىڭ فينالدىق ويىندارى ۇزاق ارالىقتان كەيىن العاش رەت كوگىلدىر ەكراننان كورسەتىلدى. اتاقتى بلوگەرلەر, ۆاينەرلەر, جۋرناليستەر مەن قوعام قايراتكەرلەردىڭ قاتىسۋىمەن «Stars Game» ويىنى كورەرمەندەرگە توسىن سىي بولدى.
«بيىل ءبىز اقپارات جانە قوعامدىق دامۋ مينيسترلىگىنىڭ قولداۋىمەن, «ازاماتتىق باستامالاردى قولداۋ ورتالىعى» كەاق-مەن بىرلەسىپ «Jastar Alany 2019» رەسپۋبليكالىق پىكىرسايىس ءتۋرنيرىن وتكىزدىك. بۇل وقيعا ەلدىڭ پىكىرسايىس قاۋىمداستىعى اراسىندا ەرەكشە قىزىعۋشىلىق تۋدىردى. العاشقى كەزەڭدە 133 فراكتسيادان ءوتىنىم ءتۇستى. كوميسسيا شەشىمىمەن 60 فراكتسيا ءبىزدىڭ ءتۋرنيردىڭ فينالىنا قاتىستى. سونداي-اق تۋرنير اياسىندا ويىنشىلار مەن تورەشىلەرگە تۇراقتى تۇردە سەمينار مەن ترەنينگتەر وتكىزدىك. ولاردىڭ قورىتىندىسى بويىنشا قاتىسۋشىلار سەرتيفيكاتتار الىپ, وسىنداي ترەنينگتەردى ءوز وڭىرىندە وتكىزۋگە مۇمكىندىك الدى», - دەدى Jas Otan جاستار قاناتىنىڭ توراعاسى داۋلەت كارىبەك.
