كۇرەس • 28 قاراشا، 2019

كۇرەس: قوس بالۋانىمىز ماسكەۋدە كۇش سىناسادى

406 رەتكورسەتىلدى

بۇگىن رەسەي استاناسىنداعى يرينا ۆينەر-ۋسمانوۆا اتىنداعى سپورت كەشەنىندە كۇرەس تۇرلەرىنەن «ماسكەۋ گران-ءپريى» دەپ اتالاتىن حالىقارالىق تۋرنير باستالدى. 

كىل مىقتىلار باس قوسقان جارىستا قازاقستاننىڭ قوس گرەك-ريم كۇرەسى شەبەرى ونەر كورسەتەدى. ولار ايدوس سۇلتانعالي مەن نۇرماحان تىناليەۆ. بۇل سپورتشىلاردىڭ ەكەۋىنىڭ دە ەسىمى جانكۇيەرلەرگە جاقسى تانىس. 60 كيلو سالماقتا بەلدەسەتىن 23 جاستاعى ايدوس بىلتىر بۋداپەشتە وتكەن الەم چەمپيوناتىندا قولا مەدالدى موينىنا ءىلدى.

ال الىپتارمەن ايقاسىپ جۇرگەن 31 جاستاعى نۇرماحان الەم چەمپيوناتىنىڭ ءۇش دۇركىن قولا جۇلدەگەرى، ازيا ويىندارى مەن قۇرلىق بىرىنشىلىگىنىڭ ەكى دۇركىن جەڭىمپازى. سونداي-اق ول لوندون مەن ريو وليمپيادالارىندا كۇش سىناسىپ، باسقا دا كوپتەگەن حالىقارالىق دودالاردا جەڭىس تۇعىرىنا كوتەرىلگەن ساقا سپورتشى.

جارىستىڭ العاشقى كۇنى جەكەلەگەن سالماق دارەجەلەرى بويىنشا باسەكەلەر وتسە، كەلەسى كۇنى رەسەي مەن الەم قۇرامالارى ماتچتىق كەزدەسۋدە كۇش سىناسادى.     

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار