ونىڭ ءبىرى – قۇنى 1,8 ملرد اقش دوللارىن قۇرايتىن مەتانول مەن ولەفين وندىرەتىن زاۋىت. ءوندىرىس وشاعى «اقتاۋتەڭىزپورتى» اەا-دا بوي كوتەرەدى. ينۆەستيتسيالىق جوبا 2023 جىلى ىسكە قوسىلادى. زاۋىت قۇرىلىسىنا 4000 جۇمىسشى جۇمىلدىرىلادى, ال زاۋىت ىسكە قوسىلىسىمەن 700-گە جۋىق جاڭا تۇراقتى جۇمىس ورنى قۇرىلادى.
ەكىنشىسى – كاسپي تەڭىزى تۇبىنەن ءازىربايجان باعىتىنا قاراي تالشىقتى-وپتيكالىق بايلانىس جەلىسىن توسەۋ جوباسى. قۇنى 60 ملن. اقش دوللارىن قۇرايتىن اۋقىمدى جوبا اياسىندا 150 جاڭا جۇمىس ورنى اشىلادى. تەڭىز تۇبىندە جۇرگىزىلەتىن جەلى ۇزىندىعى 400 شاقىرىمدى قۇرايدى. سەكۋندىنا 4-6 تەرابيت اقپارات الماسۋ قۋاتىنا يە جوبا ەۋروپا مەن ازيا اراسىن جالعايتىن ساندىق تەلەكوممۋنيكاتسيالىق ءدالىزدىڭ نەگىزىنە اينالادى.
بيىل ماڭعىستاۋ وڭىرىنە تارتىلعان ينۆەستيتسيا كولەمى – 445 ملرد تەڭگەنى قۇرادى. بۇل كورسەتكىش وتكەن جىلمەن سالىستىرعاندا 2,9 پايىزعا ارتقان.
