«جۇمىسسىزدىقتان الەۋمەتتىك قورعاۋ شارالارىنىڭ ءبىرى ەڭبەك نارىعىنىڭ قاجەتتىلىگىنە سايكەس كوللەدجدەر مەن جوعارى وقۋ ورىندارىنىڭ تۇلەكتەرى قاتارىنداعى جۇمىسسىزدار ءۇشىن جاستار تاجىريبەسىن ۇيىمداستىرۋ بولىپ تابىلادى.
باعدارلامانىڭ ماقساتى – باستاپقى جۇمىس تاجىريبەسىن الۋ ءۇشىن جاعداي جاساۋ, بىلىكتىلىكتى ارتتىرۋ, ەڭبەك نارىعىنداعى باسەكەگە قابىلەتتىلىكتى ارتتىرۋ جانە جۇمىسقا ورنالاسۋعا جاردەمدەسۋ.
اعىمداعى جىلدىڭ باسىنان وقۋ ورىندارىنىڭ 1025 تۇلەگى جاستار تاجىريبەسىنە قاتىسۋعا جىبەرىلدى. بۇگىندە باعدارلاماعا قاتىسۋشى جاستارعا تولەنەتىن ايلىق جالاقى مولشەرى 70 139 تەڭگەنى قۇرايدى.
ەستەرىڭىزگە سالساق, جاستار تاجىريبەسىنە قاتىسۋشىلارعا ەڭبەكاقى تولەۋ رەسپۋبليكالىق جانە جەرگىلىكتى بيۋدجەت قاراجاتى ەسەبىنەن جۇزەگە اسىرىلادى جانە قاتىسۋ مەرزىمى 6 ايدان اسپايدى», دەلىنگەن حابارلامادا.
