№43, 38, 57, 64 ورتا مەكتەپتەرىنىڭ مۇعالىمدەرى مەن وقۋشىلارى قولعا العان جوبا «رۋحاني جاڭعىرۋ» باعدارلاماسىنىڭ اياسىندا ۇيىمداستىرىلىپ وتىر. جوبانىڭ نەگىزگى ماقساتى – حالقىمىزدىڭ تاريحي-مادەني مۇراسىن مەكتەپ وقۋشىلارىنا, اسىرەسە باستاۋىش سىنىپتاعى بالالار اراسىندا ناسيحاتتاۋ.
جوبا ۇيىمداستىرۋشىلارى دينارا سۇلەيمەنوۆا, كۇلاش ساتتىباەۆا, ايگۇل ساعيتوۆا, گۇلشات تولەگەننىڭ ايتۋىنشا, رۋحاني قۇندىلىقتاردى دارىپتەۋ دە نەگىزگى ماقساتتارىنىڭ ءبىرى. «جوبا ءبىر جىل بويى جالعاسادى. سۋرەتشىلەر وداعى, ديزاينەرلەر, مۇسىنشىلەر مەن فوتوگرافتاردىڭ قولداۋ كورسەتۋى جوسپارلانعان. جوبا اياسىندا ءتۇرلى شەبەرلىك ساباقتارى, ءتۇرلى ماماندىق يەلەرىمەن كەزدەسۋلەر وتكىزىلەدى. بالالارعا مادەنيەت پەن تاريحىمىزدى ءتۇسىندىرۋ ءۇشىن ءتورت مەكتەپتىڭ قىزمەتكەرلەرى بىرىگىپ وتىرمىز», دەيدى ۇستازدار.
