وڭىردەگى 442 مەكتەپتىڭ بارلىعى جوعارى كەڭ جولاقتى ينتەرنەت جەلىسىنە قوسىلعان. سونىمەن قاتار 435 ءبىلىم بەرۋ وشاعى Wi-Fi جەلىسىمەن قامتىلعان. ونىڭ ىشىندە 334 مەكتەپ جەرگىلىكتى بيۋدجەت ەسەبىنەن, 73 مەكتەپ ەلەكتروندى وقىتۋ جۇيەسىن ەنگىزۋ ەسەبىنەن, 32 مەكەمە دەمەۋشىلەر ەسەبىنەن جابدىقتالعان. اتالعان باعدارلامانىڭ ماڭىزىن ەسكەرە وتىرىپ, جامبىل وبلىسىنىڭ ينۆەستورلارعا قىزمەت كورسەتۋ, جوبالىق باسقارۋ جانە تسيفرلاندىرۋ ورتالىعىنىڭ باسشىسى دامير ەگىزباەۆ جىل سوڭىنا قاراي مەكتەپتەردى Wi-Fi جەلىسىمەن قامتۋ 100 پايىزدى قۇرايتىنىن جەتكىزدى.
سونداي-اق وڭىردەگى بارلىق مەكتەپكە «Bilimland» ساندىق ءبىلىم بەرۋ قورى ەنگىزىلگەن. «جول كارتاسىنا» سايكەس 2018-2020 جىلدارى ادامي كاپيتالدىڭ ساندىق ەكونوميكاسىن دامىتۋ ءۇشىن مەكتەپتەردىڭ 50 پايىزى روبوتتەحنيكا كابينەتىمەن جاراقتاندىرىلادى ەكەن. سونىمەن قاتار تاراز قالاسىندا №41 گيمنازيا بازاسىندا قاۋىپسىزدىك ماقساتىندا «SMART-مەكتەپ» قاناتقاقتى جوباسى ىسكە قوسىلعان. وقۋشىلاردى قابىلداۋ اقپاراتتىق جۇيەسى وبلىستاعى مامانداندىرىلعان مەكتەپتەرگە ەنگىزىلگەن. ايتالىق, ەرەكشە دارىندى بالالارعا ارنالعان وبلىستىق «دارىن» مەكتەپ-ينتەرناتىنا 443 ءوتىنىش بەرىلىپ, 60 بالا ەلەكتروندى قابىلدانعان. دارىندى بالالارعا ارنالعان مامانداندىرىلعان ءىت ليتسەي-ينتەرناتىنا 355 ءوتىنىش بەرىلىپ, 40 بالا ەلەكتروندى قابىلدانىپتى.
بوس جۇمىس ورىندارىن جانە پەداگوگتاردى جۇمىسقا قابىلداۋ جۇيەسىن باسقارۋدىڭ اۆتوماتتاندىرىلعان جۇيەسى وڭىردەگى بارلىق مەكتەپكە ەنگىزىلىپ, بۇل جۇيە «ە – ەڭبەك بيرجاسى» پورتالىمەن ىقپالداستىرىلعان. ىسكە قوسىلعان ۋاقىتتان بەرى 2485 ۆاكانسيا جاريالانىپ, 504 قىزمەتكەر مەن كىشى قىزمەتكەر جۇمىسقا قابىلدانعان.
«تاراز قالاسىندا 1 قاراشادا «TarazHub» IT ينكۋباتورى اشىلدى. 5 قاباتتى يننوۆاتسيالىق IT-ورتالىقتىڭ اۋماعى 1 000 شارشى مەتردى قۇرايدى. ورتالىقتىڭ مىندەتى – ءداستۇرلى جانە يننوۆاتسيالىق IT-تەحنولوگيالاردى وقىتۋ, بولاشاق IT-ماماندار مەن جاڭا يدەيالاردى ىزدەۋ, IT-ستارتاپتاردى قولداۋ. عيمارات قۇرىلىسى 100 پايىز اياقتالدى, قازىر مامانداردى ىرىكتەۋ جۇمىستارى جۇرگىزىلۋدە. بيىل 37 IT-سىنىپ اشۋ جوسپارلانۋدا», دەيدى دامير ەگىزباەۆ. سونىمەن قاتار «قاۋىپسىز مەكتەپ», «قاۋىپسىز كوللەدج» جوباسى اياسىندا دا ءتيىستى جۇمىستار اتقارىلۋدا.
تاراز قالاسى مەن اۋدان ورتالىقتارىندا 391 مەديتسينالىق مەكەمە بار. ونىڭ ىشىندە مەديتسينالىق اقپاراتتىق جۇيەگە قوسىلۋعا ءتيىس مەكەمە سانى – 370. وبلىستاعى 4952 مەديتسينالىق جۇمىس ورنى 100 پايىز كومپيۋتەرمەن قامتاماسىز ەتىلگەن. سونىمەن قاتار 49 مەديتسينالىق ۇيىم ءتورت مەديتسينالىق اقپاراتتىق جۇيە بويىنشا جۇمىس ىستەيدى. دەنساۋلىق ساقتاۋ اياسىندا ءموبيلدى قوسىمشا قۇرىلىپ, وعان 49 928 ادام تىركەلگەن. مەديتسينالىق قۇجاتتامانى قاعازسىز جۇرگىزۋ ءۇشىن 1 069 079 ەلەكتروندى دەنساۋلىق پاسپورتى قۇرىلعان. بۇل اقپاراتتىق جۇيەگە تىركەلگەندەردىڭ 94,2 پايىزىن قۇرايدى. جىل سوڭىنا دەيىن 100 پايىز قامتۋ جوسپارلانۋدا. سونىمەن قاتار 12 مەديتسينالىق مەكەمەگە «ە-Kezek» ەلەكتروندى كەزەگىن ەنگىزۋ ءۇشىن جەرگىلىكتى بيۋدجەتتەن 73,8 ميلليون تەڭگە ءبولىنىپ, ونى «Stending» كومپانياسى 100 پايىز ىسكە اسىردى. قازىرگى تاڭدا تسيفرلى ساۋاتتىلىقتى ارتتىرۋ ءۇشىن اشىلعان تسيفرلى بەكەتتەر, جەدەل مەديتسينالىق كومەكتى باسقارۋ بويىنشا دا بىرقاتار جۇمىستار اتقارىلۋدا.
جامبىل وڭىرىندە تۇرعىن ءۇي-كوممۋنالدىق شارۋاشىلىقتى تسيفرلاندىرۋ بويىنشا «ە-Shanyrak» بىرىڭعاي زياتكەرلىك اقپاراتتىق جۇيەسىن قۇرۋ, «اقىلدى كۆارتال» قاناتقاقتى جوباسىن ىسكە اسىرۋ, قالالىق سۋمەن جابدىقتاۋدى اۆتوماتتاندىرۋ, ورتاق جىلۋ ەنەرگياسىن ەسەپتەۋ قۇرالدارىمەن جابدىقتاۋ, «اقىلدى جارىقتاندىرۋ» قوندىرعىسىن ورناتۋ جانە ۇيلەردىڭ كىرەبەرىستەرىنە بەينەباقىلاۋ كامەرالارىن ورناتۋ سياقتى 6 جوبا قولعا الىنعان. قالانى سۋمەن جابدىقتاۋدى اۆتوماتتاندىرۋ اياسىندا «تاراز سۋ» مەكەمەسىنىڭ مالىمەتى بويىنشا, «تسيفرلى قازاقستان» مەملەكەتتىك باعدارلاماسىن ىسكە اسىرۋ نەگىزىندە ITRON فيرماسىنىڭ FLOSTAR ماركالى 448 قاشىقتان ەسەپتەۋ قۇرالدارى بيۋدجەتتىك مەكەمەلەرگە ورناتىلۋدا. بۇگىنگى تاڭدا, ورناتىلعان قاشىقتان ەسەپتەۋ قۇرالدارىن بىرىڭعاي اقپاراتتىق جۇيەسىنە قوسۋ جۇمىستارى جۇرگىزىلۋدە, ول بيىلعى جىل جەلتوقسان ايىندا تولىق اياقتالاتىن بولادى.
ورتاق جىلۋ ەنەرگياسىن ەسەپتەۋ قۇرالدارىمەن جابدىقتاۋ ماسەلەسى دە وزەكتى. وتكەن جىلى تابيعي مونوپوليالار سۋبەكتىلەرى جوسپار بويىنشا ۇيلەرگە 1249 دانا ورتاق جىلۋ ەنەرگياسىن ەسەپتەۋ قۇرالدارىن ورناتۋعا ءتيىس بولاتىن, ناتيجەسىندە 997 دانا عانا ورناتىلعان. تاراز قالاسى جوسپار بويىنشا 1072 دانا ورناتۋعا ءتيىس ەدى, ورناتىلعانى – 873 دانا. سول سياقتى جاڭاتاس قالاسى جوسپار بويىنشا 98 دانا ورناتۋ كەرەك بولسا, بۇگىنگە ورناتىلعانى 80 دانا. ال قاراتاۋ قالاسى جوسپار بويىنشا 44 دانا بولۋ كەرەك, ونىڭ ورناتىلعانى 10 دانا جانە شۋ قالاسى جوسپار بويىنشا 38 دانا, ال ورناتىلعانى 34 دانا بولىپ وتىر.
جارىقتاندىرۋ ماسەلەسىنە كەلسەك, تاراز قالاسىنداعى تولە بي مەن – ءال-فارابي كوشەسىنىڭ قيىلىسىندا كۇن پانەلى مەن جەل گەنەراتورى نەگىزىندە جۇمىس ىستەيتىن «اقىلدى جارىقتاندىرۋ» دەپ اتالاتىن 4 كوشە شامنىڭ ورناتىلعانى بەلگىلى. سونىمەن قاتار تاراز قالالىق پروكۋراتۋراسىنىڭ «قاۋىپسىز اۋلا» باعدارلاماسى اياسىندا 23 كوپقاباتتى تۇرعىن ءۇيدىڭ اۋلا الاڭدارىن جارىقتاندىرۋ جۇمىستارى بويىنشا جالپى قۇنى 29,159 ميلليون تەڭگە بولاتىن جوبالىق-سمەتالىق قۇجاتتارى جاسالعان. جوبا بويىنشا تۇرعىن ۇيلەردىڭ اۋلالارىنا جارىقديودتى شامدار مەن تەمىر باعانالار ورناتىلادى. تۇرعىنداردىڭ قاۋىپسىزدىگى ءۇشىن ءۇي كىرەبەرىستەرىنە بەينەباقىلاۋ كامەرالارىن ورناتۋ قولعا الىنىپ, ب ۇلىڭعىر بەينەباقىلاۋ سەرۆيسىنە 238 كىرەبەرىستە 476 كامەرا قوسىلعان. جىل سوڭىنا دەيىن 350 كىرەبەرىستە 700 كامەرا ورناتىلادى دەپ جوسپارلانۋدا.
وڭىردە كولىك جۇيەسىن تسيفرلاندىرۋ اياسىندا دا بىرقاتار جوبالار جۇزەگە اسىرىلۋدا. اتاپ ايتساق ورتالىق ديسپەتچەرلىك قىزمەت قۇرۋ, اۆتوبۋستاردا GPS ناۆيگاتسيالىق جۇيەسىن ورناتۋ جانە ءموبيلدى قوسىمشا جاساۋ, اۆتوينفورماتورلار قۇرۋ جانە ەلەكتروندى بيلەت جۇيەسىن ەنگىزۋ كۇن تارتىبىندەگى ماسەلە بولىپ وتىر. تاراز قالاسىندا «اۆتوباقىلاۋ» جولاۋشىلار اۆتوبۋستارىنىڭ مونيتورينگ جۇيەسى مەن 43 جولاۋشى مارشرۋت, 670 اۆتوبۋستا GPS ناۆيگاتسيا ەنگىزىلدى. قوعامدىق كولىكتەردە اۆتوماتتى تۇردە ايالدامالار مەن باسقا دا حابارلاندىرۋلار جاريالايتىن 115 اۆتوينفورماتور ورناتىلعان. ەندى اعىمداعى جىلدىڭ سوڭىنا دەيىن قوسىمشا 150 اۆتوينفورماتور ورناتىلماق.
تاراز قالاسىندا 206 سىرتقى باقىلاۋ بەينەكامەراسى جانە 40 فوتوفيكساتسيا بەكەتى مەن جول باقىلاۋ جۇيەسى ورناتىلعان. بۇگىندە جەرگىلىكتى بيۋدجەتتەن جەدەل باسقارۋ ورتالىعىن قايتا جاڭارتۋعا جانە تاراز قالاسىندا جاڭا 300 بەينەكامەرا ورناتۋ ءۇشىن جوبالىق-سمەتالىق قۇجات ازىرلەۋگە ءتيىستى قاراجات بولىنگەن. ولاردى ساتىپ الۋ جانە ورناتۋ 2019-2020 جىلدارعا جوسپارلانۋدا. «اقىلدى باعدارشامدار» وتكەن جىلدىڭ جوسپارىنا سايكەس اتالعان وبلىس ورتالىعىنداعى جەتى جول قيىلىسىندا ورناتىلدى.
«تسيفرلى قازاقستان» مەملەكەتتىك باعدارلاماسى اياسىندا «تسيفرلاندىرىلعان اقپاراتتىق ورتالىقتار» جوباسىن ىسكە اسىرۋ بارىسىندا جامبىل وبلىسى بويىنشا 2018-2019 جىلدارى اۋىلدىق كىتاپحانالار جانىنان تسيفرلاندىرىلعان اقپاراتتىق جانە كوۆوركينگ ورتالىقتارى اشىلدى. ونىڭ ىشىندە 125 «تسيفرلاندىرىلعان اقپاراتتىق ورتالىق», 18 كوۆوركينگ ورتالىق بار. جىل سوڭىنا دەيىن 50 كىتاپحانا مەن اكىمدىك بازاسىندا «تسيفرلاندىرىلعان اقپاراتتىق ورتالىقتار» قۇرۋ جوسپارلانىپ وتىر.
جالپى العاندا, جامبىل وبلىسىندا «تسيفرلى قازاقستان» مەملەكەتتىك باعدارلاماسىن جۇزەگە اسىرۋ بويىنشا بىرقاتار جۇمىستار اتقارىلۋدا. وتكەن جىلى دەنساۋلىق ساقتاۋ, ءبىلىم بەرۋ, الەۋمەتتىك, اۋىل شارۋاشىلىعى, جەر قاتىناستارى جانە تاعى دا باسقا 9 مەملەكەتتىك قىزمەت اۆتوماتتاندىرىلسا, بيىل ءبىلىم بەرۋ, ساۋلەت جانە قۇرىلىس, سپورت, ءدىن, ەكونوميكا سالاسىنداعى بارلىعى 33 مەملەكەتتىك قىزمەتتى اۆتوماتتاندىرۋ جوسپارلانۋدا. وسىلايشا, جىل سوڭىنا دەيىن ەلەكتروندى تۇردە كورسەتىلەتىن مەملەكەتتىك قىزمەتتەردىڭ ۇلەسى 80 پايىزدى قۇرايتىن بولادى.
جامبىل وبلىسى
