ونىڭ ماقساتى - ەلباسى ن.نازارباەۆتىڭ ءومىرى مەن ەڭبەك جولىنان كەڭەيتىلگەن اقپارات بەرۋ ەكەن. سونىمەن قاتار تۇڭعىش پرەزيدەنتتىڭ «رۋحاني جاڭعىرۋ» جانە « ۇلى دالانىڭ جەتى قىرى» باعدارلامالىق ماقالالارىندا كورسەتىلگەن «ارحيۆ – 2025» جەتى جىلدىق باعدارلاماسى اياسىنداعى جۇمىستار تانىستىرىلدى. ارحيۆ ديرەكتورى ساۋلە مالىكوۆا ءوزىنىڭ سوزىندە وسى باعدارلامالاردىڭ ارقاسىندا قازاق دالاسىنداعى ۇلكەن وقيعالار مەن تۇلعالارعا قاتىستى قۇجاتتار كورشى رەسەي ەلىنىڭ بىرنەشە قالاسىنان جەتكىزىلگەندىگى ايتىلدى. سونىڭ ىشىندە نوعايباي بي, پەتروپاۆل قالاسىنىڭ مەشىتتەرى, 1898, 1900, 1901 جىلداردا جارىق كورگەن «دالا ءۋالاياتى» («كيرگيزسكايا ستەپنايا گازەتا») گازەتى جانە ت.ب. تاريحي قۇجاتتاردىڭ فوتوكوشىرمەلەرى جينالعاندارعا تانىستىرىلدى.
كورمەگە قاتىسۋشىلار اراسىنان م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ پروفەسسورى زارقىن تايشىباي ەلباسىنىڭ ەلدىڭ ىرگەسىن بەكىتۋدەگى ۇلانعايىر ەڭبەگى تۋرالى جينالعان وقىتۋشىلار مەن ستۋدەنتتەرگە قىسقاشا اڭگىمە ايتىپ بەردى. ال جەرگىلىكتى ونەرپاز, ءداستۇرلى اندەر ورىنداۋدىڭ شەبەرى كاميلا الىباەۆا 1991 جىلى نۇرسۇلتان نازارباەۆتىڭ سايلاۋ قارساڭىندا قىزىلجارعا كەلگەن ساپارىندا ونىڭ الدىندا ورىنداعان ءانى تۋرالى قىزىقتى اڭگىمە ايتتى.
قىزىلجار
