اقتوبە وبلىسى تىلدەردى دامىتۋ باسقارماسىنىڭ تىلدەردى وقىتۋ ورتالىعىندا «مەملەكەتتىك ءتىلدى مەڭگەرۋدىڭ ۇزدىك تاجىريبەلەرى» تاقىرىبىندا رەسپۋبليكالىق سەمينار-ترەنينگ وتكىزگەن جازۋشى بوس ۋاقىتىن پايدالانىپ, كىتاپحانا وقىرماندارىمەن كەزدەستى. كىتاپحاناعا ارنايى ات باسىن تىرەپ كەلۋىنىڭ ءوز سەبەبى بار. 2012 جىلدارى استاناداعى ۇلتتىق اكادەميالىق كىتاپحانا, الماتىداعى ۇلتتىق كىتاپحانانىڭ باس ديرەكتورى قىزمەتىن اتقاردى. جۇرەگىنە جاقىن كىتاپحانانىڭ تىنىس-تىرلىگىمەن تانىسىپ, سوڭعى جىلدارى جازىلعان كىتاپتارىن كىتاپحانانىڭ كىتاپ قورىنا سىيعا بەردى. كىتاپتى جازار الدىنداعى زەرتتەۋلەرى مەن جول شەككەن ساپارى جايلى اڭگىمەلەرى وقىرمان قاۋىمدى وزىمەن بىرگە الىپ جۇرگەندەي اسەردە قالدىردى. قالامگەردىڭ ۇزەڭگىلەس دوستارى اقىن مەيىرحان اقداۋلەتوۆ, ەرتاي اشىقباەۆ جازۋشىنىڭ ادەبيەتكە قوسقان قوماقتى ۇلەسى جايلى ايتىپ, كەشتىڭ كوركىن اشا ءتۇستى.
شارا بارىسىندا ابونەمەنتتىك قامتاماسىز ەتۋ بولىمشەسى ء«ور التاي, مەن قايتەيىن بيىگىندى...» اتتى كىتاپ كورمەسىن وقىرماندار نازارىنا ۇسىندى.
جازۋشىنىڭ كىتابىن وقىعانمەن ءوزىن العاش كورگەن وقىرماندار قولتاڭبا الىپ قالۋعا اسىقتى. كەزدەسۋگە كوڭىلى تولعان اعامىز كىتاپحانا ۇجىمىنا العىسىن ءبىلدىرءدى.
تالعات تىلەۋلەسوۆ
