جاستار كورپۋسىن دامىتۋ جوباسى 2017 جىلدان بەرى ىسكە اسىپ كەلەدى جانە قوعامعا ناتيجەلى بەيىمدەلۋگە قاجەتتى ومىرلىك ماڭىزدى داعدىلاردى يگەرۋ مەن دامىتۋعا جانە جۇمىسپەن تابىستى قامتۋعا باعىتتالعان.
وسى كەزەڭدە ەلىمىزدىڭ تۇكپىر-تۇكپىرىندە جاستاردىڭ 2 600 باستاماسى قارجىلاندىرىلدى.
فورۋم اياسىندا قاتىسۋشىلار وندىرگەن ونىمدەردىڭ كورمەسى ۇيىمداستىرىلدى. داريعا نازارباەۆا ۇزدىك جۇمىستارمەن تانىسىپ, جاس كاسىپكەرلەرمەن اڭگىمە بارىسىندا جوبالاردىڭ باسىم بولىگى الەۋمەتتىك ناقتى ماسەلەلەردى شەشۋگە باعىتتالعانىن ەرەكشە اتاپ ءوتتى.
فورۋمعا قاتىسۋشىلار الدىندا ءسوز العان سەنات توراعاسى «ZHASPROJECT» جوباسىنا قولداۋ ءبىلدىردى جانە الەۋمەتتىك باعىتتاعى جاس كاسىپكەرلەردى قازىرگى زامانعى تەحنولوگيالاردى بەلسەندى تۇردە مەڭگەرۋگە جانە ولاردىڭ دامۋ بارىسىن قاداعالاۋعا شاقىردى. «العا قاراي بۇگىن قادام جاساماساق, ەرتەڭگى كۇنى بەس قادام ارتتا قالامىز», دەدى ول.
د.نازارباەۆا مۇمكىندىگى شەكتەۋلى جانە دامۋىندا ەرەكشەلىكتەرى بار جاس ازاماتتاردى الەۋمەتتىك جانە ەكونوميكالىق بەلسەندى ومىرگە تارتۋدىڭ ماڭىزىن اتاپ ءوتتى. سەنات توراعاسىنىڭ ايتۋىنشا, قوعام مەن مەملەكەت ولارعا كوبىرەك ءمان بەرىپ, قامقورلىق تانىتۋى ءتيىس, سونداي-اق ولاردىڭ الەۋمەتتەنۋى مەن جۇمىسپەن قامتىلۋى ءۇشىن بارلىق جاعدايدى جاساۋى قاجەت.
