«بيىل مەن بىرىككەن ۇلتتار ۇيىمى مىنبەرىنەن قازاقستان پرەزيدەنتى رەتىندە العاش رەت ءسوز سويلەدىم. باس حاتشىمەن جۇزدەسىپ, قازاقستان مەن ۇلتتار ۇيىمى سەنىمدى سەرىكتەس ەكەنىن راستادىق. وسى جىلدىڭ مامىر ايىندا قازاقستاندا حالىقارالىق ۇيىمداردىڭ جاڭا عيماراتىنىڭ اشىلۋى – سونىڭ ايقىن دالەلى. مۇندا عالامدىق ۇيىمنىڭ 16 اگەنتتىگى جۇمىس ىستەيدى. ەندى وسى عيماراتتا بىرىككەن ۇلتتار ۇيىمىنىڭ ورنىقتى دامۋ ماقساتتارى جونىندەگى ورتالىعىن اشۋدى ۇسىنامىز» دەدى مەملەكەت باسشىسى.
وعان ورتالىق ازيا ەلدەرىنە جانە اۋعانستانعا قولداۋ كورسەتۋ مانداتىن بەرۋگە شاقىردى.
يادرولىق قارۋسىز الەمگە قول جەتكىزۋ قازاقستاننىڭ نەگىزگى باسىمدىعى رەتىندە ساقتالاتىنىن ايتقان پرەزيدەنت, وسى رەتتە دۇنيەجۇزىلىك قاۋىمداستىق مۇشەلەرىن يادرولىق قارۋدان ازات الەم قۇرۋ تۋرالى جالپىعا ورتاق دەكلاراتسيانى قولداۋعا ۇندەدى.
