ەسىرتكى ءوندىرىسىن ەكىباستۇز قالاسىنىڭ تۇرعىنى ۇيىمداستىرعان.
كۇدىكتى جالعا العان تۇرعىن ءۇي-جايدى ءتىنتۋ كەزىندە سينتەتيكالىق ەسىرتكى ءوندىرۋ ءۇشىن پايدالانىلاتىن حيميالىق زاتتار, پسيحوتروپتىق زاتتار سالىنعان كولبالار, حيميالىق فورمۋلالار جازىلعان داپتەرلەر, ولشەۋ تارازىلارى مەن گازقاعارلار, سونداي-اق ەسىرتكى دايىنداۋ كەزىندە قولدانعان جەكە حيميالىق قورعاۋ كوستيۋمى الىندى.
سونداي-اق جەدەل قىزمەتكەرلەر ساتۋعا دايىندالعان 1500-دەن استام ءبىر رەتتىك ەسىرتكى مولشەرىن الدى.
ماماندار سينتەتيكالىق ەسىرتكى ءوندىرۋ كەزىندە حيميالىق رەاكتسيالاردىڭ ەرەكشەلىكتەرىنە بايلانىستى وزدىگىنەن جانۋ, جارىلىس قاۋپى بار ەكەنىن اتاپ ايتتى. بولىنەتىن كۇيدىرگىش گاز ادامنىڭ دەنساۋلىعىنا ورنى تولماس زيان كەلتىرۋى مۇمكىن.
سوندىقتان زەرتحانانى جويۋدى ءىىم توتەنشە جاعدايلار كوميتەتىنىڭ قىزمەتكەرلەرى حيميالىق قورعاۋ كيىمدەرىمەن جۇزەگە اسىردى.
ۇستالعان ازاماتتىڭ ايتۋىنشا, ول جالعا بەرۋشىگە وتكىر ءيىستى اۆتوموبيلدەرگە بوياۋ جاسايتىندىعىمەن تۇسىندىرگەن.
قازىرگى ۋاقىتتا ۇستالعان ازامات قاماۋعا الىندى. «ەسىرتكى زاتتاردى, پسيحوتروپتىق زاتتاردى جانە سول تەكتەستەردى وتكىزۋ ماقساتىندا زاڭسىز دايىنداۋ, وڭدەۋ, يەمدەنىپ الۋ, ساقتاۋ, تاسىمالداۋ, جونەلتۋ نەمەسە ساتۋ تۋرالى» قر قىلمىستىق كودەكسىنىڭ 297-بابىنىڭ 3-بولىگى بويىنشا سوتقا دەيىنگى تەرگەۋ جۇرگىزىلۋدە, وندا مۇلكى تاركىلەنىپ, ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
قىلمىسقا قاتىسۋشىلاردى انىقتاۋ جانە ۇستاۋ بويىنشا جەدەل-ىزدەستىرۋ ءىس-شارالارى جۇرگىزىلۋدە.
