كەزدەسۋ بارىسىندا كوكونىس شارۋاشىلىعىن دامىتۋ, ونىڭ ىشىندە كارتوپ ءوندىرىسىن ۇلعايتۋ بويىنشا بىرقاتار وزەكتى ماسەلەلەردى, الدا تۇرعان مىندەتتەر مەن جوسپارلاردى تالقىلادى. ءوز كەزەگىندە قازاقستاننىڭ كارتوپ جانە كوكونىس وسىرۋشىلەرى وداعىنىڭ وكىلدەرى مينيسترگە اتالمىش سالاداعى مەملەكەتتىك قولداۋ كورسەتۋدى ارتتىرۋ, ينۆەستيتسيالىق سۋبسيديالاۋ, تۇقىم باعاسىن بىرىزدەندىرۋ جانە ت.ب. ماسەلەلەر بويىنشا ءوز ۇسىنىستارىن جەتكىزدى.
كوتەرىلگەن ماسەلەلەردىڭ كوپشىلىگى اۋىل شارۋاشىلىعى مينيسترلىگى تاراپىنان قولداۋ تاپتى. اتاپ ايتقاندا, ساپارحان وماروۆ كەڭەس قورىتىندىسى بويىنشا اشم-ءنىڭ بەيىندى دەپارتامەنتىنە «قازاقستاننىڭ كارتوپ جانە كوكونىس وسىرۋشىلەرى» وداعى جانە «اتامەكەن» ۇكپ بىرلەسىپ ءبىر اپتالىق مەرزىمدە «كارتوپ ءوسىرۋ سالاسىن» دامىتۋ بويىنشا جول كارتاسىن ازىرلەۋدى تاپسىردى.
ايتا كەتسەك, اۋىل شارۋاشىلىعى ءمينيسترى ساپارحان وماروۆ اگروونەركاسىپتىك كەشەن مەن تاماق ونەركاسىبىن دامىتۋ ماسەلەلەرى بويىنشا كەزدەسۋدەن كەيىن وسى سالاداعى پروبلەمالىق ماسەلەلەردى انىقتاپ ءارى تولىق زەردەلەۋ ماقساتىندا ءار اپتا سايىن سالالىق قاۋىمداستىقتارمەن جانە ءىرى وڭدەۋشى كاسىپورىندارمەن كەزدەسۋلەر ۇيىمداستىرۋ تۋرالى شەشىم قابىلداعان بولاتىن. كەلەلى كەزدەسۋلەر ءۇشىن ءار اپتانىڭ سەنبىسى تاڭدالدى.
وتكەن ايدا ۆەدومستۆو باسشىسى قازاقستاننىڭ استىق وڭدەۋشىلەر مەن نان پىسىرۋشىلەر وداعىنىڭ, رەسپۋبليكالىق قوي شارۋاشىلىعى پالاتاسىنىڭ جانە نەسيەلىك سەرىكتەستىكتەر قاۋىمداستىعى, سونداي-اق قانت, تاماق جانە قايتا وڭدەۋ ونەركاسىبى قاۋىمداستىعىنىڭ مۇشەلەرىمەن كەزدەستى.
جاقىن ارادا كونديتەرلەردىڭ, قۇس جانە جۇمىرتقا وندىرۋشىلەرىمەن, باعباندارمەن, سونداي-اق قازاقستاننىڭ استىق, ءسۇت جانە ەت-ءسۇت وداقتارىنىڭ سالالىق بىرلەستىك وكىلدەرىمەن سەنبىلىك كەزدەسۋلەر وتكىزۋ جوسپارلانعان.
