قوعام • 25 قاراشا، 2019

2019 جىلى 20 مىڭنان استام شەتەلدىككە قازاقستاندا جۇمىس ىستەۋگە رۇقسات بەرىلدى

21 رەتكورسەتىلدى

2019 جىلعى 1 قاراشاداعى جاعداي بويىنشا قازاقستاندا شەتەلدىك جۇمىس كۇشىن تارتۋعا 20 مىڭ 557 رۇقسات بەرىلگەن. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

ونىڭ ىشىندە ءبىرىنشى ساناتقا (باسشىلار مەن ولاردىڭ ورىنباسارلارى) 816، ەكىنشى ساناتقا (قۇرىلىمدىق بولىمشەلەردىڭ باسشىلارى) 4 595 رۇقسات شىعارىلدى. شجك تارتۋعا ارنالعان رۇقساتتاردىڭ كوپ بولىگى ءۇشىنشى (ماماندار) جانە ءتورتىنشى (بىلىكتى جۇمىسكەرلەر) ساناتتارىنا بەرىلدى – سايكەسىنشە 9 656 ادام جانە 1 769 ادام. سونداي-اق ماۋسىمدىق جۇمىستارعا – 2 156، كورپوراتيۆتىك اۋىسىم اياسىندا 1 565 ادام تارتىلعان.

قازىرگى ۋاقىتتا قازاقستاندا شجك پايدالاناتىن 2 210 جۇمىس بەرۋشى بار. ولاردا قازاقستاننىڭ 518،8 مىڭعا جۋىق ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%-ىن قۇرايدى.

ەڭبەكشى ميگرانتتاردىڭ نەگىزگى شىققان ەلدەرى قىتاي – 4 397 ادام، وزبەكستان – 2 254 ادام، ءۇندىستان – 1 819، تۇركيا – 1 845، ۇلىبريتانيا – 1 420 ادام.

ىشكى ەڭبەك نارىعىن قورعاۋ ماقساتىندا قازاقستان رەسپۋبليكاسىنىڭ ۇكىمەتى جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيتىنىن ەسكە سالا كەتكەن ءجون.

2019 جىلعا شەتەلدىك جۇمىس كۇشىن تارتۋ كۆوتاسى رەسپۋبليكانىڭ ەكونوميكالىق بەلسەندى حالقىنىڭ 0،54%-ى (شامامەن 48،7 مىڭ ادام) دەڭگەيىندە بەلگىلەندى.

سوڭعى جاڭالىقتار

ەلباسى تالعات دوناقوۆتى قابىلدادى

قازاقستان • بۇگىن، 17:52

عارىشتاعى قوقىس (ۆيدەو)

ۆيدەو • بۇگىن، 13:08

ۇقساس جاڭالىقتار