Global Gas Group رەسپۋبليكالىق ەنەرگەتيكالىق جوباسى اياسىندا جۇمىس ىستەيتىن اۆتوپارك ارقىلى رەسەيدىڭ ەكاتەرينبۋرگ قالاسىنان سۇيىق تابيعي گاز جەتكىزىلىپ, ەلىمىزدىڭ باسقا قالالارىنا دا تاراتىلادى.
سولتۇستىك-شىعىس كولىك كومپانياسى ارنايى گاز تاسىمالدايتىن تسيستەرنالاردى ساتىپ الىپ, ورناتۋعا 600 ملن تەڭگە جۇمساعان. مامانداردىڭ ايتۋىنشا, سۇيىتىلعان تابيعي گاز قورشاعان ورتاعا قاۋىپسىز. باعاسى دا ارزانىراق.
«38 جاڭا جۇمىس ورنى قۇرىلدى. سۇيىتىلعان تابيعي گاز تاسىمالدايتىن 10 «Volvo» ساتىپ الىندى. ەكاتەرينبۋرگتەن سۇيىق وتىندى قاتىرىپ اكەلىپ, قايتا جابدىقتاۋ ستانسالارى ارقىلى قولدانىستاعى گازدى الامىز», دەيدى سولتۇستىك-شىعىس كولىك كومپانياسى باسشىسىنىڭ ورىنباسارى ولەگ سەكسەنباەۆ.
جەلتوقسان ايىندا «مولپرودۋكت» جشس-ءى سۇيىتىلعان تابيعي گازدى قايتا جابدىقتاۋ ستانتسياسىن اشىپ, گازعا كوشپەك. جوبانى جۇزەگە اسىرۋ ءۇشىن 300 ملن تەڭگە ينۆەستيتسيا تارتىلماق. ازىرگە مازۋت وتىنىن پايدالانىپ ءجۇر. مۇنداي ستانتسيا نۇر-سۇلتان قالاسىندا جانە بۋرابايداعى Rixos قوناق ۇيىندە عانا بار ەكەن.
ەنەرگەتيكا جانە تكش باسقارماسىنىڭ جەتەكشىسى ادىلبەك اۋباكىروۆتىڭ ايتۋىنشا, گاز تاسىمالداۋ كومپانياسى قازاقستانداعى Global Gas Group ءىرى فيرماسىنىڭ ەنشىلەس كاسىپورنى كورىنەدى. ول جەرگىلىكتى نارىقتا 2015 جىلدان بەرى قىزمەت ەتىپ كەلەدى.
