پارلامەنتشىلەردىڭ باسقوسۋىنا قاتىستى

پارلامەنتشىلەر بۇگىنگى كۇنگە دەيىن جاساعان قىز­مەتىنىڭ قورىتىندىلارىن شىعارىپ, بولاشاققا جوس­پار قۇردى. سونىمەن قاتار بىرقاتار ۇلگى زاڭداردى قابىل­دادى.

پلەنارلىق وتىرىستا ءسوز العان ءماجىلىس سپيكەرى نۇر­لان نىعماتۋلين تمد پاا-نى – الەمدىك پارلامەنتاريزم جۇيەسىندە ەرەكشە ورىن الاتىن تمد ەلدەرىنىڭ پارلامەنتشىلەرى اراسىندا­عى ناتيجەلى ديالوگقا ءتيىمدى الاڭ ەكەنىن اتاپ ءوتتى. سونىمەن بىرگە ءماجىلىس توراعاسى اس­سامبلەيانىڭ ءاربىر پلەنارلىق وتىرىسى ازاماتتاردىڭ ءال-اۋقاتىن جاقسارتۋ ماقساتىن­دا ەلدەردىڭ ينتەگراتسيالانۋ جولىنداعى دايەكتى قادام ەكە­نىن باسا ايتتى.

«تۇڭعىش پرەزيدەنت نۇر­سۇلتان نازارباەۆتىڭ سايا­ساتى جانە مەملەكەت باسشىسى قاسىم-جومارت تو­قاەۆ­تىڭ بۇگىندە سول ساياساتتى جال­عاستىرۋىنىڭ ارقاسىن­دا قازاقستان تاۋەلسىز مەملە­كەت­تەر دوستاستىعىنداعى سەرىك­تەستىكتى بەلسەندى جانە ءوزارا پايدالى سيپاتتا باعىتىنان تايماي كەلەدى», – دەدى ءماجىلىس توراعاسى.

ەلباسىنىڭ تمد-نىڭ ەكونو­ميكالىق نەگىز­دەرىن نىعايتۋ جانە ساۋدا كەدەر­گىلەرىن جويۋ­عا باعىت­تالعان شارالار قابىل­داۋ تۋرالى باس­تامالارى­­نىڭ ما­ڭىز­دى­لىعى تۋرالى ايتا كەلە, نۇرلان نىعماتۋلين دوس­تاس­تىقتىڭ زاماناۋي ءومىر شىن­دىعىنا بەيىمدەلۋىنىڭ وڭ ديناميكاسىن اتاپ ءوتتى.

ءماجىلىس سپيكەرىنىڭ پىكىرىن­شە, دوستاستىقتى جاڭعىر­تۋ جانە ەۆوليۋتسيالىق دامۋىن قامتاماسىز ەتۋ جونىندەگى جۇمىستىڭ جالعاستىرىلعانى ءجون. قازىرگى ۋاقىتتا تمد-نى ودان ءارى قاراي دامىتۋ تۇجىرىمداماسى جانە ونى ىسكە اسىرۋدىڭ نەگىزگى ءىس-شا­رالار جوسپارى جاڭار­تىلۋ­دا. وزگەرىستەر, ەڭ الدى­مەن, پوست­كەڭەستىك ەلدەر ىنتى­ماق­تاستىعىنىڭ ەكونو­ميكا­لىق ماسەلەلەرىنە اسەر ەتەدى. ن.نىعماتۋلين تمد كەڭىس­تىگىندە ءوزارا ىقپال­داستىق­تىڭ تەرەڭ دەڭگەيىمەن جاڭا ينتەگراتسيالىق بىرلەستىك­تەر­دىڭ پايدا بولۋى جانە ور­كەن­دەۋى ەندى جاڭا قۇجاتتا كورىنىس تابۋى قاجەت ەكەنىن مالىم­دەدى. ايتپەسە تمد-عا كى­رە­تىن مەملەكەتتەردىڭ وزگە ينتەگراتسيالىق بىرلەس­تىكتەر­­مەن ەكونوميكالىق بايلا­نىستارىنىڭ دامۋىنا كەدەرگى تۋادى.

تسيفرلى ەكونوميكا مەن ەلەكتروندى ساۋدا سياقتى ءوزارا ىقپالداستىقتىڭ جاڭا باعىتتارى –  ەرەكشە نازار اۋدارۋدى قاجەت ەتەدى. ەلدەر­دىڭ عىلىمي-تەحنيكالىق جانە يننوۆاتسيالىق ىنتىماق­تاستىعى نىعايتۋعا ءزارۋ.

نۇرلان نىعماتۋلين تاۋەل­سىز مەملەكەتتەر دوس­تاس­تى­عىنىڭ 2030 جىلعا دەيىن­گى ەكونوميكالىق دامۋ سترا­تەگياسىنىڭ ىسكە اسىرىلۋىنا بايلانىستى تمد پاا-نىڭ كۇن ءتارتىبى دە وزەكتى بولارىنا سەنىم ءبىلدىردى.

– مەملەكەتتەر باسشىلارى­نىڭ بارلىق شەشىمدەرىنىڭ ورىن­دالۋىنا پارلامەنتتىك دەڭ­گەي­دە بارىنشا قولداۋ كورسە­تۋ قاجەت. قازىرگى ۋاقىت­تا پار­لامەنتارالىق اسسامب­لەيا­نىڭ ءار پلەنارلىق وتىرىسى پرا­گ­ما­تيكالىق سيپاتقا يە بولۋى اي­رىق­شا ماڭىزدى بولا تۇسۋدە. ەل­دەرىمىز بەتپە-بەت كەزدەسىپ وتىرعان زاماناۋي سىن-قاتەر­لەر جاع­دايىندا تمد-داعى ينتە­گراتسيالىق پروتسەستەردىڭ دامۋىنا زاڭنامالىق قولداۋ كورسەتەتىن پارلامەنتشىلەر­دىڭ ءرولى ارتىپ كەلەدى. سوندىق­تان اسسامبلەيانىڭ ماڭىز­دى قىرلارىنىڭ ءبىرى – ۇلگىلىك  زاڭناما. ول تمد اۋماعىندا ين­تەگراتسيالىق ۇردىستەرگە زاڭنامالىق قولداۋ كورسەتە­تىن جانە ۇلتتىق زاڭنامالار­دىڭ ءوزارا ۇيلەسۋىن قامتاما­سىز ەتەتىن ءتيىمدى قۇرالى بولىپ تابىلادى, – دەدى ءماجىلىس توراعاسى.

مەرەيتويلىق جيىندا تمد پارلامەنتشىلەرى «م ۇلىكتى سەنىمدى باسقارۋ تۋرالى جانە تراست تۋرالى», «مىندەتتى قۇ­قىق تۋرالى», «ەكولوگيالىق شىعىندى باعالاۋ تۋرالى», «ەكولوگيالىق تۋريزم تۋرالى», ۇلتتىق ەكولوگيالىق قاۋىپسىزدىك ورتالىقتارىن ۇيىمداس­تى­رۋ بويىنشا ۇسىنىستار جانە ترانسشەكارالىق اقپارات ال­ما­سۋداعى ەلەكتروندى نو­تا­ريات­تىق ءىس-ارەكەتتەر تۋرالى ۇل­گى زاڭ­داردى قابىل­دادى.

تمد پاا-نىڭ كۇزگى سەس­سياسى اياسىندا ءماجىلىس سپي­كەرى نۇرلان نىعماتۋلين بىر­­قاتار ەكىجاقتى كەزدەسۋ وت­كىزدى.