100 • 21 قاراشا، 2019

«ەگەمەندە» ەڭبەك ەتكەن جىلدارىڭىز نەسىمەن ەستە قالدى؟

24 رەتكورسەتىلدى

ماعان تاعدىرباستى ۇلتتىق باسىلىمدا 1978-1991 جىلدارى جۇمىس ىستەۋ باقىتىن بۇيىرتتى. ول كەزدە ءوزى­مىز كەمبريدجدەن كەم كورمەيتىن لەنينگراد ۋنيۆەرسيتەتىنىڭ جۋرفاگىن ەندى بىتىرگەنمىن. اۋداندىق، وبلىستىق قازاق جانە ورىس گازەتتەرىندە تاعى­لىمدامادان وتكەنمىن. تالقىلاۋ كەزىندە ماتەريالدارىمدى وقىتۋ­شىمىز دا، كۋرستاستارىم دا جوعارى باعالاعان. جاستىقتىڭ دا بۋى بار، وزىمشە ەندى قاي گازەتتە دە ىستەپ كە­تەمىن عوي دەپ، ىشتەي كۇمپيىپ جۇرگەنمىن.

رەداكتور ساپار بايجانوۆ اعا­مىز مەنى لەنينگراد مەكتەبىنىڭ تۇلەگىن بايقاپ كورەيىك دەگەن ويمەن قىزمەتكە الدى. ارينە، سەكرەتارياتقا. ارينە، ەڭ تومەنگى كىشى ءتىلشى قىزمەتىنە. بىراق جۋرناليستىك قىزمەت جۇگىنىڭ اۋىرلىعىن دا، جاۋاپتىلىعىن دا، ءىسساپاردىڭ وزىنە دە مۇقيات دايىندىقپەن شىعۋ كەرەكتىگىن دە ەڭ العاش وسى «سق»-دا ءجۇرىپ شىنداپ سەزىندىم.

ەگىن وراعىنان جازعان العاشقى ماتەريالىمدى لەزدەمەدە رەداكتوردىڭ ءوزى «قان-ءسولسىز» دەپ، ادەپپەن عانا سىناپ ءوتتى. ول مەن ءۇشىن ۇمىتىلماس ساباق بولدى... ەندىگى ءبىر باسشىمىز شەرحان مۇرتازا جازىپ كەلگەن ماقالامدى ۇناتىپ، وزىنە ءتان ادەتىمەن ءبىتىپ تۇرعان بەتتى بۇزعىزىپ، سول كۇنگى نومىرگە سالعىزدى. بۇل گازەتتە ءجۇرىپ وسىنداي جولدان ءوتتىم. بەرتىن كەلە ەكى ءبولىمنىڭ جۇمىسىنا جەتەكشىلىك ەتتىم.

ايتسە دە، گازەتتى ويلاعاندا ابزال اعالارىمنىڭ ايالى الاقانى الدىمەن ەسىمە تۇسەدى. قاي-قايسىسىنىڭ دا ونەگەسىن كوردىم، كومەگىن سەزىندىم. ماقالانىڭ كولەمى كوتەرمەيتىندىكتەن اتتارىن اتاي المايتىنىما وكىنەمىن. بىراق ولار ۇدايى جۇرەگىمدە، جادىمدا.

ءومىر كەيىننەن قىزمەتىمدى باسقا ارناعا بۇردى. بىراق «ەگەمەننىڭ» مەكتەبىنەن كەيىن ول ماعان قيىن بولا قويعان جوق.

 

ءابدىمۇتال الىبەكوۆ،

جۋرناليست

 

سوڭعى جاڭالىقتار

التىن وردانىڭ اق تاڭى

رۋحانيات • بۇگىن، 15:06

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار