100 • 21 قاراشا، 2019

«ەگەمەندە» ەڭبەك ەتكەن جىلدارىڭىز نەسىمەن ەستە قالدى؟

11 رەتكورسەتىلدى

«ەگەمەن» – مەنىڭ ەجەلگى سىرلاسىم عانا ەمەس، بالا كۇنىمنەن جول سىلتەگەن اقىلشىم، ۇستازىم. اكەم مارقۇم شالا ساۋاتتى ادام بولسا دا گازەت وقۋعا قۇمار ەدى. اسىرەسە وڭىرلىك گازەتتى، «سوتسياليستىك قازاقستاندى» (قازىرگى «Eگەمەن قازاقستان») قولىنان تۇسىرمەيتىن. سول كىسىنىڭ ارقاسىندا مەن دە گازەت-جۋرنالدارعا ەرتە دەن قويدىم... ءتورتىنشى شاقىرىلىمداعى پارلامەنت ءماجىلىسى تاراتىلعاننان كەيىن ماعان دا بىرنەشە قىزمەت ۇسىنىلدى. مەن «ەگەمەندى» تاڭدادىم. وسىلاي قاراشاڭىراقتىڭ تابال­دىرىعىنان اتتادىم. اكتسيونەرلىك قوعامنىڭ سول  كەزدەگى  پرەزيدەنتى،  بەلگىلى جۋرنا­ليست ساۋىتبەك ابدراحمانوۆ رۋحانيات ماسەلەلەرى بويىنشا باس رەداكتوردىڭ ورىنباسارى قىزمەتىنە تاعايىنداپ، ۇجىممەن تانىستىردى. سول ساتتە «ال اڭساعان «ەگەمەنىڭە» دە كەلدىڭ، كورسەت ەندى ونەرىڭدى»، دەگەن ارقانىڭ سامالىنداي ءبىر ويدىڭ كوڭىلىمدى جەلپىپ وتكەنى انىق ەدى.

مۇندا جۇمىس دەگەنىڭ ءار كەز كەمەرىنەن اسىپ-توگىلىپ، ەرتەلى-كەش قايناپ جاتادى ەكەن. سولاي ەكەن دەپ قاباق شىتىپ جاتقان جان جوق. رەداكتسيادا نەگىزىنەن قالامگەرلىك قىزمەتتىڭ جىلىگىن شاعىپ، مايىن ىش­كەن ءوز ءىسىنىڭ ناعىز شەبەرلەرى شوعىرلانىپ­تى. سولاردىڭ كوبىمەن، ولاردىڭ اراسىندا بەزەندىرۋشىلەر دە، كوررەكتورلار دا، ءارىپ تەرۋشىلەر دە بار، تەز ءتىل تابىسىپ، ارالاسىپ كەتتىم. قازىر سول ارىپتەستەرىمدى ساعىنا ەسكە الامىن. وبلىستاردا دا قامشى سالدىرمايتىن مەنشىكتى تىلشىلەر كوپ بولدى.

«ەگەمەن» مەنىڭ ەسىمدە وسىنداي قاۋىرت تىرشىلىگىمەن قالدى.

 

 

جاراسباي سۇلەيمەنوۆ،

«قىزىلجار-اقپارات» جاۋاپكەرشىلىگى شەكتەۋلى سەرىكتەستىگىنىڭ ديرەكتورى

 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار