ينستيتۋت ديرەكتورى يۋليا كۋچينسكايانىڭ مالىمدەۋىنشە, ساۋالداما قورىتىندىسى بويىنشا Nur Otan پارتياسى ءبىرىنشى كەزەكتە باقىلاۋعا الۋى ءتيىس ايماقتارداعى ەڭ نەگىزگى 5 ماسەلە انىقتالدى. اتاپ ايتقاندا, بۇل – جالاقىنى كوتەرۋ, سىبايلاس جەمقورلىققا قارسى كۇرەس, ءبىلىم بەرۋ جانە دەنساۋلىق ساقتاۋ سالاسىنداعى ماسەلەلەردى شەشۋ, سونىمەن قاتار الەۋمەتتىك تەڭسىزدىككە قارسى كۇرەس.
«قاراشادا ءبىز قوعامدىق-ساياسي احۋال مەن ناقتى Nur Otan پارتياسىنا دەگەن پىكىرگە كەزەكتى رەت زەرتتەۋ جۇرگىزدىك. ساۋالداماعا ەلىمىزدىڭ بارلىق ايماعىنىڭ رەسپوندەنتتەرى قاتىسىپ, ول «face to facە» (بەتپە-بەت) تۇرىندە جۇرگىزىلدى. پارتيا رەيتينگىسىنىڭ ديناميكاسىن زەردەلەۋگە, ونىڭ قىزمەتىن باعالاۋعا, قازاقستاندىقتاردىڭ پارتيادان نە كۇتەتىندىگىنە باستى نازار اۋدارىلدى», – دەدى يۋليا كۋچينسكايا.
ونىڭ ايتۋىنشا, پارتيانىڭ جۇمىسىن قايتا جانداندىرۋ تۋرالى حابارلانعاننان بەرى ارادا از ۋاقىت وتسە دە, ساۋالدامالار وڭ وزگەرىستەردى كورسەتتى. Nur Otan-نىڭ ەلەكتورالدىق رەيتينگى 10% ءوستى.
«جۇرگىزىلگەن الەۋمەتتىك زەرتتەۋلەرگە سۇيەنە وتىرىپ, ەگەر پارتيا حالىقپەن ديالوگ ورناتىپ, تۇرعىندار الدىندا ۇنەمى ەسەپ بەرىپ, تىڭ باستامالار كوتەرسە جانە سايلاۋعا قاراپايىم حالىقتىڭ ءوز ىشىنەن شىققان ادامداردى ۇسىناتىن بولسا, قازاقستاندىقتار Nur Otan-دى قولداۋعا دايىن دەپ قورىتىندى جاساۋعا بولادى. مۇنىڭ بارلىعى ەلباسى نۇرسۇلتان نازارباەۆتىڭ باستاماسىمەن قولعا الىنعان قايتا جانداندىرۋ اياسىندا, سوڭعى بىرنەشە اي بويى Nur Otan جۇزەگە اسىرىپ كەلە جاتقان نەگىزگى باعىتتار. Nur Otan-نىڭ ەلەكتورالدىق رەيتينگى 10% ءوستى. تامىز ايىندا ساۋالداماعا قاتىسقانداردىڭ 55,3% سايلاۋدا پارتيانى قولداۋعا دايىن بولسا, ال قازىر ازاماتتاردىڭ 65,8% Nur Otan-عا داۋىس بەرۋگە نيەتتى», – دەدى ول.
سونىمەن قاتار, يۋليا كۋچينسكايا Nur Otan پارتياسى ازاماتتار ءوز قۇقىقتارى بۇزىلعان جاعدايدا شاعىمداناتىن توپ-5 ينستيتۋتتىڭ قاتارىنان ويىپ ورىن العانىن ايتتى. بۇل بەستىكتىڭ كوشىن 45,4 پايىزبەن سوت جۇيەسى باستاسا, ال ەكىنشى ورىندا 27,2 پايىزبەن Nur Otan پارتياسى تۇر. مۇنىڭ ءوزى ازاماتتاردىڭ پارتياعا دەگەن سەنىمىن كورسەتەدى.
«جالپى, ساۋالداماعا قاتىسقان ءاربىر ءۇشىنشى ادام پارتيانىڭ جۇمىسى سوڭعى 6 ايدا ايتارلىقتاي جاقسارعانىن جەتكىزدى. ولاردىڭ 41,8% پارتيا حالىق ءۇشىن وزەكتى ماسەلەلەردى كوتەرەدى دەپ ەسەپتەيدى. بۇل سونداي-اق ايماقتارداعى جۇمىس قارقىنىنىڭ ارتۋىمەن دە بايلانىستى.
