قوعام • 21 قاراشا، 2019

ىنتىماقتاستىق ماسەلەلەرى قارالدى

28 رەتكورسەتىلدى

قالمۇحانبەت قاسىموۆ تمد مۇشە-مەملەكەتتەرى قاۋىپسىزدىك كەڭەستەرى حاتشىلارىنىڭ 7-وتىرىسىنا قاتىستى.

كەشە ماسكەۋ قالاسىندا قا­زاق­ستان رەسپۋبليكاسى پرە­زيدەن­تى­نىڭ كومەكشىسى – قاۋىپ­سىز­دىك كە­ڭەسىنىڭ حاتشىسى قال­مۇ­­حانبەت قاسىموۆ تاۋەلسىز مەم­لەكەتتەر دوستاستىعىنىڭ مۇشە-مەملەكەتتەرى قاۋىپسىزدىك كەڭەستەرى حاتشىلارىنىڭ 7-وتىرىسىنا قاتىستى. جيىن بارىسىندا تمد كەڭىس­تى­گىندە قاۋىپ­سىزدىككە جانە تۇراق­تىلىققا باعىت­تالعان قازىرگى سىن-تەگەۋرىن مەن قاۋىپ-قاتەر­لەر جاعداي­ىن­داعى وڭىرلىك ىنتى­ماق­تاستىقتىڭ وزەكتى ماسەلەلەرى قارالدى.

سونىڭ ىشىندە شەتەلدىك لاڭ­كەستەردەن تونەتىن قاۋىپ-قاتەر­لەردى بەيتاراپتاۋ باعىتتاردى ارتتىرۋدى جانە ولاردى تمد ەلدەرىنىڭ اۋماعىنا كىرگىزبەۋ جونىندەگى ىنتىماقتاستىقتىڭ قاجەتتى شارالارى تالقىلاندى. حيميالىق جانە بيولوگيالىق قاۋىپتەر، اۋعانستانداعى احۋال، كيبەرقاۋىپسىزدىك سالاسىنداعى قازىرگى تەندەنتسيالار بويىنشا پىكىر الماستى.

ق.قاسىموۆ سيريا مەن اۋ­عان­ستانداعى احۋالدىڭ شيە­لەنىسۋىنە بايلانىستى بىرلەسكەن ارە­كەت­تەردى، ءدىني-ەكسترەميستىك جانە تەر­روريستىك ۇيىمداردىڭ ىق­پا­لى كۇشەيگەنىن اتاپ ءوتىپ، «تمد كەڭىستىگىندە سىرتقى قاۋىپ-قا­تەر­لەردى باعالاۋ تۋرالى» بايانداما جاسادى.

قالمۇحانبەت قاسىموۆ شا­را بارىسىندا بەلارۋس رەسپۋب­ليكاسى قاۋىپسىزدىك كەڭەسىنىڭ مەم­لە­كەتتىك حاتشىسى س.زاس­پەن، اۋعانستان يسلام رەسپۋبلي­كاسى پرەزيدەنتىنىڭ ۇلتتىق قاۋىپ­سىزدىك بويىنشا كەڭەسشىسى ح.مو­حيب­پەن، وزبەكستان پرەزيدەنتى جانىنداعى قاۋىپسىزدىك كەڭەسىنىڭ حاتشىسى ۆ.ماحمۋدوۆپەن جا­نە ارمەنيا رەسپۋبليكاسى قا­ۋىپ­سىزدىك كەڭەسىنىڭ حاتشىسى ا.گريگوريانمەن ەكىجاقتى كەزدەسۋلەر وتكىزدى.

تاراپتار وڭىرلىك جانە الەم­دىك قاۋىپسىزدىكتىڭ نەگىزگى ماسە­لەلەرى بويىنشا پىكىر الماسىپ، اتالعان باعىتتا ىنتىماقتاستىق ورناتۋ بارىسىن تالقىلادى. سونداي-اق ىنتىماقتاستىق بو­يىنشا بىرقاتار قۇجاتتارعا قول قويدى.

 

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار