رۋحانيات • 20 قاراشا، 2019

ەلباسى كىتاپحاناسىندا «جاستار – ەلدىڭ تىرەگى» كورمەسى اشىلدى

132 رەتكورسەتىلدى

بۇگىن تۇڭعىش پرەزيدەنت كۇنىنە ارنالعان ەلباسى كىتاپحاناسى ون كۇندىگىنىڭ اياسىندا مۋزەيدە «جاستار – ەلدىڭ تىرەگى» كورمەسىنىڭ سالتاناتتى اشىلۋى ءوتتى. بۇل تۋرالى ەلباسى كىتاپحاناسىنىڭ ءباسپاسوز قىزمەتى حابارلادى. 

ءىس-شاراعا مادەنيەت جانە ونەر قايراتكەرلەرى، ديپلوماتيالىق كورپۋس پەن ەتنومادەني ورتالىقتاردىڭ وكىلدەرى، نۇر سۇلتان قالاسىنداعى ۋنيۆەرسيتەتتەر مەن كوللەدجدەردىڭ وقىتۋشىلارى مەن ستۋدەنتتەرى قاتىستى.

– قادىرلى كورمە قوناقتارى! قۇرمەتتى جاس دوستار! اۋەلى بارشاڭىزدى كەلە جاتقان مەملەكەتتىك مەرەكە – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن! وسى ايتۋلى داتاعا بايلانىستى ەلباسى كىتاپحاناسى ءىس-شارالار ونكۇندىگىن ازىرلەدى. بۇگىنگى ءىس-شارا ونكۇندىكتىڭ تۇساۋكەسەرى بولىپ وتىر. ەلباسىمىزدىڭ «دارىندى جاستار – ەلىمىزدىڭ بولاشاعى جانە الەۋەتى» دەۋى كەزدەيسوق ەمەس. بۇل بايقاۋعا كوپتەگەن جاس سۋرەتشىلەر مەن تانىمال ونەر مايتالماندارى ۇلكەن ەڭبەك جاسادى. اسىرەسە، جاستاردىڭ ىقىلاسى وتە جوعارى بولعانىنا قۋانىشتىمىن. جەڭىمپاز اتانعان ونەر يەلەرىنىڭ شىعارماشىلىق جۇمىستارى الداعى ۋاقىتتا ەلباسى كىتاپحاناسىنىڭ ۇلكەن گالەرەيالارى مەن كورمە زالدارىنان لايىقتى ورىن الادى دەپ ۇمىتتەنەمىن. وسى ءساتتى پايدالانا وتىرىپ، قازاقستاننىڭ بەينەلەۋ ونەرىنە وزىندىك ۇلەس قوسىپ جۇرگەن سۋرەتشىلەر مەن قولونەر شەبەرلەرى قاۋىمىنا شىعارماشىلىق تابىستار تىلەيمىن! – دەدى كورمەنى اشقان ەلباسى كىتاپحاناسىنىڭ ديرەكتورى ءامىرحان راحىمجانوۆ.

جاستار جىلىنا ارنالعان كورمە – ۇستىمىزدەگى جىلدىڭ اقپان ايىندا ەلباسى كىتاپحاناسى مەن نۇر-سۇلتان قالالىق سۋرەتشىلەر وداعىنىڭ بەينەلەۋ ونەرى مايتالماندارى مەن ساندىك-قولدانبالى ونەر شەبەرلەرىنىڭ اراسىندا جاريالاعان رەسپۋبليكالىق بايقاۋىنىڭ ءىى كەزەڭ قورىتىندىسى. كوركەم ونەر بايقاۋى « ۇلى دالانىڭ جەتى قىرى» ماقالاسىنداعى ەلباسىنىڭ ويىن جالعاستىرادى. ونىڭ اياسىندا تاريحقا ءىزىن قالدىرعان ۇلتىمىزدىڭ دارا تۇلعالارى بەينەلەنگەن بەينەلەۋ ونەرى مەن قازىرگى ونەر سالاسىنىڭ بىرەگەي گالەرەياسى قۇرىلماق.

– ەلباسى كىتاپحاناسىمەن بىرگە جاستار اراسىندا ۇيىمداستىرعان بايقاۋدىڭ ناتيجەلەرىمەن تانىسۋعا ۋاقىت تاۋىپ كەلگەن ونەرسۇيەر قاۋىمعا ريزا بولىپ وتىرمىن. تۇڭعىش پرەزيدەنت ۇندەۋىنىڭ ارقاسىندا بەينەلەۋ ونەرىنىڭ وكىلدەرى ويلارىن جۇزەگە اسىرۋ مۇمكىندىگىن الدى. مازمۇندى ەكسپوزيتسيالار مەن جادىگەرلەرگە باي مۋزەيدىڭ كورمەسىنە قويىلعان الدارىڭىزداعى جۇمىستار ەلباسى كىتاپحاناسى قورىنىڭ ساقتاۋىنا قابىلدانباق. مۇنىڭ ءبارىن جاستارعا دەگەن نۇرسۇلتان ءابىش ۇلىنىڭ قامقورلىعى دەپ بىلەمىز. وسى تۇستا ارىپتەسىمىزگە اينالعان كىتاپحانانىڭ ۇجىمىنا، تۇڭعىش پرەزيدەنتكە العىسىمىز شەكسىز، - دەدى نۇر-سۇلتان قالالىق سۋرەتشىلەر وداعىنىڭ توراعاسى ءومىرالى ىسمايىلوۆ.

ءىس-شارا بارىسىندا ءىى بايقاۋ كەزەڭىنىڭ جەڭىمپازدارى ماراپاتتالدى. باس جۇلدەنى قانجىعاسىنا بايلاعان زامزەگۇل ورالباەۆا بىزبەن پىكىر ءبولىستى:

– شەتەلدىك بايقاۋلارعا ءجيى قاتىسىپ جۇرگەنىممەن، ەلىمىزدە ۇيىمداستىرىلعان سايىسقا العاش قاتىسىپ، جۇلدەلى ورىنعا يە بولىپ وتىرمىن. كوڭىلىمە ىستىق سەزىم ۇيالاتقان جۇلدەنىڭ مەن ءۇشىن ماڭىزى زور. بىلتىر باستاعان پاننونى كيىزدەن جاساعان بولاتىنمىن. ونىڭ توپ جارىپ شىعاتىنىن مۇلدەم كۇتپەگەن ەدىم. قازىلار القاسى تابيعات سۇلۋلىعىنا دەگەن ماحابباتىمدى سەزىنسە كەرەك، جۇمىسىمنىڭ ۇزدىك دەپ مويىندالعانىن ەستىپ، قۋانىشىمدى قوينىما سىيعىزا الماي جاتىرمىن. مەن ۇسىنعان تەكەمەتتىڭ بەتىنەن ەرەكشە اعاشتىڭ بەينەسىن بايقاۋعا بولادى. كۇندەلىكتى ومىردە تامىرى تەرەڭ ەمەنگە رۋحى مىقتى ادامداردى تەڭەپ جاتاتىنىمىز بەكەر ەمەس. كەز كەلگەن اعاش ادامنىڭ ءومىرىن، اۋلەتىنىڭ شەجىرەسى مەن بابالار وسيەتىمەن تىعىز بايلانىسىن بەينەلەيدى. مۇنداي سايىستاردىڭ ارقاسىندا قاراپايىم جۇرت پەن شەتەلدىك قوناقتار قازاق حالقىنىڭ ۇلتتىق ونەرىمەن جاقىنىراق تانىسا الادى. سول سەبەپتى ۇيىمداستىرۋشىلارعا العىسىمدى ايتامىن، - دەدى ول.

ءى ورىنداردى «كەسكىندەمە» نوميناتسياسىنىڭ جەڭىمپازى رەنات ەلۋباەۆ، «گرافيكا» نوميناتسياسىنىڭ جەڭىمپازى ومىربەك تىلەۋليەۆ، «ساندىك-قولدانبالى ونەر» نوميناتسياسىنىڭ جەڭىمپازى ماراش كەنيەۆا، ء«مۇسىن» نوميناتسياسىنىڭ جەڭىمپازى تىلەۋجان باتانوۆ يەلەندى. ءىى ورىندى «ساندىك-قولدانبالى ونەر» جانە  «كەسكىندەمە» نوميناتسيالارىنىڭ جەڭىمپازدارى،  داريا قالىموۆا مەن سەنبىعالي سماعۇلوۆ الدى. ءىىى ورىندى يەلەنگەن الماس سىرعاباەۆ «گرافيكا» نوميناتسياسىن جەڭسە، نينا تەرەششەنكو مەن يسمايل اچيلوۆ «كەسكىندەمە» نوميناتسياسىنىڭ جەڭىمپازى اتاندى.

جاستار جىلىنا ارنالعان بايقاۋ جاڭادان باستاۋشىلار مەن كاسىبي سۋرەتشىلەر، مۇسىنشىلەر، ساندىك-قولدانبالى ونەر شەبەرلەرى جانە قازاقستاننىڭ ونەرتانۋشىلارى اراسىندا 18-35 جانە 36 جاستان جوعارى ەكى جاس ساناتى بويىنشا ءوتتى. بايقاۋدىڭ ءبىرىنشى كەزەڭىنىڭ قورىتىندىسى بويىنشا وسى جىلدىڭ شىلدە ايىندا قاتىسۋشىلار جۇمىستارىنىڭ كورمەسى جانە ماراپاتتاۋ ءراسىمى وتكەن.

سوڭعى جاڭالىقتار

التىن وردانىڭ اق تاڭى

رۋحانيات • بۇگىن، 15:06

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار