كينو • 20 قاراشا، 2019

«قازبات» كوركەم ءفيلمى كورەرمەنگە جول تارتادى

92 رەتكورسەتىلدى

21 قاراشا كۇنى ساعات 19.30-دا قازمەديا ورتالىعىنىڭ كينوكونتسەرت زالىندا شىنايى وقيعاعا نەگىزدەلگەن «قازبات» كوركەم ءفيلمىنىڭ جابىق كورسەتىلىمى وتەدى. بۇل تۋرالى ۇلتتىق ۇلاننىڭ ءباسپاسوز قىزمەتى حابارلادى.  

فيلم قازاقستان رەسپۋبليكاسى اسكەري قىزمەتشىلەرىنىڭ تاجىك-اۋعان شەكاراسىندا بىتىمگەرلىك ماقساتتا قىزمەت اتقارۋ بارىسىندا، 1995 جىلى كوكتەمدە باستارىنان وتكەرگەن شىنايى وقيعانى باياندايدى. 7 ءساۋىر كۇنى پشيحارۆ شاتقالىندا قازاقستان ىشكى اسكەرىنىڭ جەتىنشى قۇراما روتاسى سودىرلاردىڭ تۇتقيىلدان جاساعان شابۋىلىنان وت پەن وقتىڭ قۇرساۋىنا ءتۇسىپ قالادى. جاۋدىڭ كۇشى باسىم بولعان ۇرىستا 17 اسكەري قىزمەتشى وققا ۇشىپ، 33-ءى جارالانعان ەدى. اۋعان جاعىنان شابۋىل جاساعان سودىرلار ءبىر ساعاتتىڭ ىشىندە تاجىكستان اۋماعىنا ءوتىپ كەتۋدى جوسپارلاعان بولاتىن. الايدا، قازاقستاندىق جاۋىنگەرلەر جويقىن تويتارىس بەرىپ، بەس ساعاتتىق قارۋلى قاقتىعىستان كەيىن شابۋىلشىلار كەرى شەگىنۋگە ءماجبۇر بولدى.    

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جارلىعىمەن 17 ساربازدىڭ بەسەۋىنە ءىى دارەجەلى «ايبىن» وردەنى، ون ەكىسىنە «جاۋىنگەرلىك ەرلىگى ءۇشىن» مەدالى قازا بولعان سوڭ بەرىلدى. سونداي-اق باتىر بوزداقتىڭ بارىنە رەسەي تاراپىنان دا «زا وتليچيە ۆ سلۋجبە» مەدالى قازا بولعان سوڭ بەرىلدى.   

تاجىك حالقىنا كورسەتكەن كومەگى ءۇشىن قازاقستاندىق جاۋىنگەرلەرگە قۇرمەت رەتىندە دۋشانبەدە  مونۋمەنت تۇرعىزىلدى. ەلىمىزدىڭ استاناسى نۇر-سۇلتان قالاسىندا «وتان-انا» مونۋمەنتى جانىنان ىشكى اسكەردىڭ 17 ساربازىنا ارنالعان اللەيا اشىلىپ، ەسكەرتكىش باعانا ورناتىلعان، سونىمەن قاتار، شىمكەنت، پەتروپاۆل جانە باسقا قالالاردا باتىرلارعا ەسكەرتكىشتەر قويىلعان.   

ءفيلمنىڭ يدەياسىن ۇسىنعان – قازاقستان رەسپۋبليكاسى ۇلتتىق ۇلانىنىڭ باس قولباسشىسى، گەنەرال-لەيتەنانت رۋسلان جاقسىلىكوۆ، باس پروديۋسەرى – دانيار يبراگيموۆ، قويۋشى رەجيسسەرى – اسقار ۇزاباەۆ، قويۋشى باس وپەراتورى – ماكسيم زادارنوۆسكي.

ءفيلمدى «ايۋ سينەما» كينوكومپانياسى قازاقستان رەسپۋبليكاسى ىشكى ىستەر مينيسترلىگى مەن ۇلتتىق ۇلاننىڭ قولداۋىمەن تۇسىرگەن.

فيلمدە تانىمال، تالانتتى اكتەرلەر – داۋرەن سەرعازين جانە رينات دوشيبەكوۆ، جاس اكتەرلەر – حالىق راحات، دياس مىرزاحمەت، شاريفبەك زاكيروۆ جانە ينديرا شىنبولاتقىزى وينايدى.

كوركەم فيلم 21 قاراشادان باستاپ ەلىمىزدىڭ بارلىق كينوتەاترلارىندا كورسەتىلە باستايدى.

 

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار