قوعام • 20 قاراشا، 2019

نۇر-سۇلتاندا گاز باعاسى قانشا بولادى؟

45 رەتكورسەتىلدى

ۇكىمەتتىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا ەنەرگەتيكا ۆيتسە-ءمينيسترى مۇرات جۇرەبەكوۆ نۇر-سۇلتان قالاسىن گازداندىرۋدىڭ ءبىرىنشى كەزەڭى اياسىندا گاز باعاسىن بەلگىلەۋ تۋرالى ايتىپ بەردى. بۇل تۋرالى primeminister.kz حابارلادى.  

م. جۇرەبەكوۆ حابارلاعانداي، تۇتىنۋشىلار ءۇشىن تۇپكى باعا استانادا ءۇش نەگىزگى فاكتورعا بايلانىستى تۇزىلەدى. ءبىرىنشىسى – جەر قويناۋىن پايدالانۋشىلاردان ساتىپ الۋ باعاسى، ول بويىنشا باتىس كەن ورىندارىنان، تەڭىز گازدان گاز الۋ جوسپارلانعان، سونداي-اق اقتوبە كەن ورنى توپتاماسى. باعاسىن ەنەرگەتيكا مينيسترلىگى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتىمەن بىرلەسىپ رەتتەيتىن بولادى. 

«ەكىنشى بولىگى – گاز تاسىمالداۋ. گاز “بەينەۋ – بوزوي – شىمكەنت” گاز قۇبىرى ارقىل تاسىمالداناتىن بولادى. وندا ءبىزدىڭ تاريف انىقتالعان جانە ودان جوعارى جاڭا گاز قۇبىرى بويىنشا جوعارى كوتەرىلەدى. باعاعا اسەر ەتەتىن ءۇشىنشى فاكتور، گاز تاراتۋ جەلىلەرىن جۇمسالاتىن شىعىندار. ولار بيۋدجەتتەن قارجىلاندىرىلادى. سوندىقتان ىقپالى از بولادى. تەك، جەلىلەرگە قىزمەت كورسەتۋ ءتاريفى بولادى. باعاعا ىقپال ەتەتىن نەگىزگى فاكتور – 267 ملرد تەڭگە قارجى جۇمسالعان جاڭا گاز قۇبىرىنىڭ ءتاريفى»، — دەدى ەنەرگەتيكا ۆيتسە-ءمينيسترى.

م. جۇرەبەكوۆتىڭ ايتۋىنشا، پايدالانۋعا بەرگەن سوڭ قۇرىلىس ۇيىمى گاز قۇبىرىن ءارى قاراي پايدالانۋ ءۇشىن «ينتەرگاز ورتالىق ازيا»-نىڭ باسقارۋىنا تاپسىرادى، بۇل كومپانيا «قازترانسگاز» ۇلتتىق وپەراتورىنىڭ ەنشىلەس قۇرىلىمى. 

«ودان سوڭ كومپانيا ۇلتتىق ەكونوميكا مينيسترلىگىندە ءتاريفىن قورعايتىن بولادى. تاريف بەكىتىلگەن سوڭ ەلورداداعى كوتەرمە باعاسى انىقتالادى، سونى ەسكەرۋمەن تۇتىنۋشى ءۇشىن بولشەك باعاسى ەسەپتەلەدى. ءبىزدىڭ گاز قۇبىرى پايدالانۋعا بەرىلەتىن كۇندى كۇتپەيتىنىمىزدى ايتقىم كەلەدى. 13 قاراشا كۇنى قر پرەمەر-ءمينيسترىنىڭ توراعالىعىمەن كەڭەس ءوتتى. جۇمىس توبى قۇرىلدى، اي سوڭىنا دەيىن گاز باعاسى بويىنشا نۇسقالار ۇسىنىلاتىن بولادى»، — دەدى ول.

م. جۇرەبەكوۆتىڭ ايتۋىنشا، قۇنى كومىردەن ارزان بولمايدى، دەگەنمەن، گاز ەلوردا مەن باسقا وبلىستاردا ەنەرگيانىڭ ديزەل، مازۋت دەگەن سياقتى باسقا بالامالى كوزدەرىنە قاراعاندا، ارزان بولادى. 

«بىزدە دەلدال جوق، باعانى جەر قويناۋىن پايدالانۋشىلاردان “قازترانسگاز” اق ۇلتتىق وپەراتورى ساتىپ الىپ، حالىققا جەتكىزەدى. ءبىز قازىردىڭ وزىندە تۇتىنۋشىعا وسى باعانى انىقتاۋ ءۇشىن شارالار قابىلداپ جاتىرمىز. بۇگىن بىزدە باعانىڭ كوپتەگەن نۇسقالارى بار. ايتا كەتەرلىگى، ەڭ تومەنگى باعا نۇسقاسى تاڭدالادى، بۇل ءبىزدىڭ ماقساتىمىز – باعانى حالىق ءۇشىن قولجەتىمدى جانە ارزانىراق ەتۋ»، — دەپ قورىتىندىلادى ەنەرگەتيكا ۆيتسە-ءمينيسترى.

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار