پوليتسيا قىزمەتكەرلەرى بەينەكامەراداعى جازبالاردى قاراۋ كەزىندە بۋتيكتەن وسى پالتونى كيىپ, شىعىپ كەتكەن ەر ادامدى بايقاعان.
جەدەل-ىزدەستىرۋ ءىس-شارالارىن جۇرگىزۋ بارىسىندا جەدەل ۋاكىلدەر ۇرلىققا قاتىسى بار دەگەن كۇدىكپەن 33 جاسار پاۆلودارلىقتى انىقتادى. پالتو تاركىلەندى. ۇرلىق جاساعان كۇدىكتى كيىم ولشەيتىن ورىنعا كىرىپ, پالتوداعى داتچيكتەردى سىندىرىپ, جاڭا كيىمدى ۇستىنە كيىپ, ءوز كۇرتەسىن قولىنا ۇستاپ, بۋتيكتەن شىعىپ كەتكەن.
سونداي-اق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا لوموۆ كوشەسىندەگى دۇكەننەن بالعا ۇرلاعان 48 جاسار پاۆلودارلىقتى انىقتادى. ونىڭ ارەكەتى بەينەباقىلاۋ كامەرالارىنا ءتۇسىپ قالعان ەكەن. الايدا ول بالعانى باسقا ءبىر ادامعا ساتىپ جىبەرىپتى.
بۇل فاكتىلەر بويىنشا قر قك 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلۋدە.
ايتا كەتەيىك, جىل باسىنان بەرى پاۆلودار وبلىسىندا 3800-دەن استام ۇرلىق فاكتىسى تىركەلگەن.
