قوعام • 20 قاراشا، 2019

Worldskills kazakhstan 2019: ەڭ ۇزدىك كاسىپتىك ماماندار انىقتالدى

19 رەتكورسەتىلدى

ەلوردادا «WorldSkills Kazakhstan 2019» رەسپۋبليكالىق كاسىبي شەبەرلىك چەمپيوناتى ءوتتى. ءبىلىم جانە عىلىم مينيسترلىگى مەن «كاسىپقور» حولدينگى» كوممەرتسيالىق ەمەس اكتسيونەرلىك قوعامى بىرلەسىپ بيىل بەسىنشى رەت ۇيىمداستىرعان دوداعا ەلىمىزدىڭ 17 وڭىرىنەن كەلگەن ۇزدىكتەر قاتىستى.

ءبىر اپتاعا جالعاسقان جارىس­تىڭ اپتا باسىنداعى اشىلۋىندا ءسوز العان ءبىلىم جانە عىلىم ءمينيسترى اسحات ايماعامبەتوۆ چەم­پيوناتتىڭ ەل ەكونوميكاسى ءۇشىن ماڭىزى زور ەكەنىن اتاپ ءوتتى. «بۇل ەلىمىز ءۇشىن وتە ما­ڭىزدى ءىس-شارا. پرەزيدەنت قاسىم-جومارت توقاەۆ ءبىلىم سالاسىنا وتە ۇلكەن كوڭىل بولەدى. قا­بىلداۋى كەزىندە مەملەكەت باس­شىسى تەحنيكالىق جانە كا­سىپ­تىك ءبىلىم سالاسىن دامىتۋ بو­يىنشا ناقتى تاپسىرمالار بەر­دى. سونىڭ ىشىندە WorldSkills قوزعالىسىن دامىتۋ ماسەلەسىن دە كوتەردى. WorldSkills ماماندىعىن ءبىلىم باعدارلامالارىنا ەنگىزۋ ماسەلەسى – ءبىزدىڭ الدىمىزدا تۇرعان باستى ماقسات»، دەدى مينيستر.

كونكۋرسقا قاتىسۋشىلار «كىر­­پىش قالاۋ»، «پليتكامەن قاپ­تاۋ»، «قۇرعاق قۇرىلىس جانە سىلاق جۇمىستارى»، «سىرلاۋ جانە ساندىك جۇمىستارى»، «سان­­­تەحنيكا جانە جىلىتۋ»، «ەلەك­ترومونتاج جۇمىستارى»، «اعاش ءىسى»، «دانەكەرلەۋ تەحنو­لوگياسى»، «ەلەكترونيكا»، «سان­دىق باعدارلامالىق باسقا­رۋى بار ستانوكتار توكارلىق جۇ­­مىس­تارى»، «كورنەكى مەرچەن­دايزينگ جانە ۆيترينيستيكا»، «جەڭىل اۆتوموبيلدەردى جون­دەۋ جانە قىزمەت كور­سەتۋ»،­ «كۋ­زوۆتى جوندەۋ»، «پرو­توتيپ­تەۋ»، «شاتىر جۇمىس­تارى»، «مە­حا­ترونيكا»، «زەرتحانالىق جانە حيميالىق ساراپتاۋ»، «ۆەب ديزاين جانە ازىرلەۋ»، «گرافيكالىق ديزاين»، «جەلىلىك جانە جۇيەلىك باسقارۋ»، «CAD ينجەنەرلىك گرا­في­كاسى»، «بيزنەسكە ارنال­عان IT شەشىمدەر»، «ۇيالى روبو­ت­تەحنيكا»، «اقپاراتتىق-كابەل­دىك جەلىلەر»، «ينتەرنەت زاتتار»، «وندىرىستىك اۆتوماتيكا»، «ۇش­­قىشسىز ۇشۋ اپپاراتتارىن­ باسقارۋ»، «مەيرامحانالىق قىز­مەت كورسەتۋ»، «كونديتەرلىك ءىسى»، «اسپاز ءىسى»، «ناۋبايحانا ءىسى»، «قوناقۇيدى باسقارۋ»، «مە­دي­تسينالىق جانە الەۋمەتتىك كۇتىم»، «شاشتاراز ونەرى»، ء«سان تەح­نولوگياسى»، «مەكتەپكە دەيىن­گى وقىتۋ»، «باستاۋىش سىنىپتار­دا وقىتۋ»، «فلوريستيكا» سياقتى كاسىپتىك ماماندىقتار بويىنشا سايىسقا ءتۇستى.

جاس مامانداردى ەكونوميكا­نىڭ وندىرىستىك سەكتورىنا تارتۋعا، ەلدەگى تەحنيكالىق جانە كاسىپتىك ءبىلىم بەرۋدى دامىتۋعا ىقپال ەتۋدى ماقسات تۇتقان جارىسقا 18 بەن 22 جاس ارالىعىنداعى كوللەدج جانە جوعارى وقۋ ورىندارىنىڭ ستۋ­دەنتتەرى، كاسىپورىنداردىڭ جاس قىزمەتكەرلەرى قاتىسىپ، ولار­دىڭ جۇمىستارىن 500-گە جۋىق ساراپشى باعالادى. «جاس­تار شەبەرلىكتەرىن جاقسى كور­سەتتى. ءبىزدىڭ كوللەدج ءۇش جىل­دان بەرى قاتىسىپ كەلەدى. قاتىسۋ­شىلارىمىز ءار جىلى جۇل­دەلى بولادى. وسى جولى ءۇش ستۋدەنتىمىز جارىستىڭ CAD ين­جەنەرلىك گرافيكاسى، جەڭىل اۆتوموبيلدەردى جوندەۋ جانە قىزمەت كورسەتۋ، كۋزوۆتى جوندەۋ سياقتى ءتۇرى بويىنشا باق سىنادى. بۇل جارىس بىلىكتى مامانداردى دايارلاۋعا، جاڭا يدەيالار مەن ترەندتەر جاساۋعا، كاسىبي ءبىلىم ساپاسىن ارتتىرۋعا مۇمكىندىك بەرەدى، سونداي-اق كاسى­بي شەبەرلىك داعدىلارىن جەتىل­دىرەتىن الاڭعا اينالادى»، دەيدى شىمكەنت قالاسى جول-كولىك كوللەدجى ديرەكتورىنىڭ وقۋ ءىسى جونىندەگى ورىنباسارى ءابدىمۇتالىپ اقمولداەۆ.

WorldSkills دۇنيەجۇزىلىك قوزعالىسى 1946 جىلى يسپانيادا قۇرىلعان. بۇگىندە الەمنىڭ 82 ەلى وسى ۇيىمعا مۇشە. «2014 جىلى قازاقستان WorldSkills International (WSI) تولىق قۇقىلى مۇشەسى بولدى. وسىدان سوڭ WSI «كاسىپقور» حولدينگى» كوممەرتسيالىق ەمەس اكتسيونەرلىك قوعامىن WorldSkills Kazakhstan قوزعالىسىن دامىتۋ بويىنشا قىزمەتتى جۇزەگە اسىراتىن مۇشە ۇيىم رەتىندە قابىلدادى. سوعان ساي حولدينگ پەن WSI اراسىندا سەرىكتەستىك كەلىسىم بار. 2015 جىلدان باستاپ ينجەنەرلىك، تەحنيكالىق جانە جۇمىسشى ماماندىقتارىنىڭ مارتەبەسىن ارتتىرۋعا باعىت­تال­عان WorldSkills چەمپيونات­تارى ايماق­تىق جانە رەسپۋب­لي­كالىق دەڭگەيدە وتكىزىلىپ كەلەدى. ەڭ العاشىندا 7 كاسىپتىك مامان­دىقتىڭ تۇرىمەن باستالعان سا­يىس بيىل 38 ماماندىق بويىنشا كىل جۇيرىكتەردەن شىن جۇيرىكتى انىقتادى. رەسپۋبليكالىق جارىس­تىڭ جەڭىمپازدارى حالىقارالىق چەمپيوناتتارعا جىبەرىلەدى. قا­­زىر­گە دەيىن ولار برازيليا، شۆە­­­­تسيا، ءباا، ۆەنگريا، رەسەي سياق­تى ەلدەردە وتكەن كونكۋرسقا قا­تىسىپ، باعىن سىنادى. مىسالى، سوڭ­عى رەت قازان قالاسىندا وتكەن جارىس­تا ۇشقىشسىز ۇشۋ اپپاراتتارىن باسقارۋ ءتۇرى بويىنشا ءبىزدىڭ ەلدەن قاتىسقان ءالي اسكەرحانوۆ 3-ورىندى يەلەندى. ياعني، قاتىسۋشىلاردىڭ كاسىبي شەبەرلىگى جىل سايىن ارتىپ، شىڭدالىپ كەلەدى. ال الەمدىك 45 چەمپيوناتقا قاتىسقان ەلىمىزدىڭ مەحاترونيكا ماماندارى كاسىبي شەبەرلىك بويىنشا ارنايى مە­دالدى ەنشىلەدى. بۇل ءبىز ءۇشىن ۇلكەن جەڭىس. ويتكەنى وندا ءبىزدىڭ قاتىسۋشىلار گەرمانيا، يسپانيا، رەسەي سياقتى ەڭ مىقتى دەگەن ەلدەردىڭ كاسىپتىك ماماندارىمەن تايتالاسقا ءتۇسىپ وتىر.

دەمەك WorldSkills-ءتى جۇمىس بەرۋشى مەن ءبىلىم سالاسى­نىڭ ارا­سىنداعى كوپىر دەۋ­گە بولا­دى. وسىلايشا جاستار كاسىپ­تىك ماماندىققا دەگەن قىزىعۋ­شىلىعىن ارتتىرىپ، بىلىكتىگىن شىڭداسا، جۇمىس بەرۋشى دە وزى­نە قاجەتتى ماماندى تابادى. ويتكەنى بۇل جوعارى ستاندارت­تارعا ساي جۇمىس ىستەۋگە جەتەلەي­دى. ماسەلەن، بىزدە توكارلار ماي-ماي بولىپ ستانوكتاردا تۇرادى دە­گەن ۇعىم قالىپتاسقان. ال قازىر­گى توكارلىق الاڭداردا ادام­­دار جابىق نىساندا اق حالات­­پەن جۇمىس ىستەيدى»، دەيدى «كاسىپ­قور» حولدينگى» كەاق WorldSkills قوزعالىسىن دامىتۋ دەپارتامەنتىنىڭ ديرەكتورى سانجار تاتىبەكوۆ.

 

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار