ەل پرەزيدەنتى قاسىم-جومارت توقاەۆتىڭ العاشقى جولداۋىندا العا قويىلعان مىندەتتەر مەن ماقساتتار بۇگىنگە دەيىنگى اتقارىلعان ىرگەلى ىستەردىڭ زاڭدى جالعاسى بولىپ تابىلادى. سونىمەن بىرگە جولداۋدىڭ ەرەكشە ءبىر سيپاتى – ەلىمىزدىڭ بۇگىنگى كەزەڭدەگى دامۋىنىڭ تۇبەگەيلى تۇستارىن زەردەلەپ, ونىڭ قىر-سىرىن جوسپارلى تۇردە جاڭعىرتۋ ماسەلەسىنە ءمان بەرۋىندە بولىپ تۇر.
جولداۋدىڭ ەكىنشى بولىمىندە ارنايى ازاماتتاردىڭ قۇقىقتارى مەن قاۋىپسىزدىكتەرىنىڭ قورعالۋىنا توقتالادى. پرەزيدەنت: ء«بىزدىڭ الدىمىزدا جاڭا تۇجىرىمداما نەگىزىندە تەگەۋرىندى اسكەر قالىپتاستىرۋ مىندەتى تۇر.
ارىستا بولعان وقيعالار قارۋلى كۇشتەردە تۇيتكىلدى ماسەلەلەر قوردالانىپ قالعانىن كورسەتتى. اسكەرگە جۇمسالاتىن شىعىستاردى رەتتەپ, وسى سالاداعى قارجى جۇيەسىن جانە جالپى ءتارتىپتى نىعايتاتىن كەز كەلدى. سونىمەن بىرگە اسكەري قىزمەتتىڭ بەدەلىن ارتتىرىپ, قارۋلى كۇشتەردىڭ ماتەريالدىق بازاسىن نىعايتۋ قاجەت. وتانىنا ادال, كاسىبي تۇرعىدان دايىندالعان وفيتسەرلەرى مەن اسكەري قىزمەتشىلەرى بار ارميامىز جاڭا گەوساياسي جاعدايلاردا ەل قاۋىپسىزدىگىنە قاۋىپ توندىرەتىن قاتەرلەرگە تويتارىس بەرۋگە دايىن بولۋى كەرەك» – دەپ اتاپ كورسەتتى.
وسى رەتتە جامبىل وبلىستىق قورعانىس ىستەرى جونىندەگى دەپارتامەنت ۇجىمى جولداۋداعى كورسەتىلگەن مىندەتتەردى ورىنداۋدى باستاپ تا كەتتى. انىعىراق ايتساق, دەپارتامەنتتىڭ جانە ونىڭ باعىنىسىنداعى بولىمدەر مەن باسقارمالاردىڭ جوعارى اسكەري دايىندىقتارىن قاداعالاۋدا.
جيىرما جەتى جىلدى ەڭسەرگەن ەلىمىزدىڭ قورعانىس سالاسى وسى جىلدار ىشىندە نەبىر بەلەستەن ءوتىپ, نەبىر قامالداردى الدى. قاناتىن قاتايتتى, ءوستى, وركەندەدى, وسىلايشا بۇگىنگى دەڭگەيىنە جەتتى. ەندەشە ەلباسى سالىپ بەرگەن سارا جولمەن, پرەزيدەنتىمىزدىڭ زامان تالابىنا ساي زايىرلى مەملەكەت قۇرۋعا دەگەن بەتبۇرىسىن قورعانىس جۇيەمىزدى بەكەم ۇستاي وتىرىپ قولداۋ – ءبىزدىڭ بىردەن-ءبىر مىندەتىمىز دەپ سانايمىن.
ەرلان جابىقباەۆ,
پولكوۆنيك, جامبىل وبلىستىق قورعانىس ىستەرى جونىندەگى دەپارتامەنت باستىعى
