ايماقتار • 18 قاراشا، 2019

شىعىس ەۋروپا جانە ورتالىق ازيادا 1،7 ميلليونعا جۋىق ادام ايتۆ-مەن اۋىرادى

48 رەتكورسەتىلدى

الماتىدا دەنساۋلىق ساقتاۋ مينيسترلىگىنىڭ قولداۋىمەن 18-19 قاراشا كۇندەرىنە بەلگىلەنگەن شىعىس ەۋروپا جانە ورتالىق ازيا (شەوا) ايماعىنداعى ايتۆ، تۋبەركۋلەز جانە گەپاتيت ماسەلەلەرىنە ارنالعان شەوا INTERACT-2019 ءبىرىنشى عىلىمي سەمينارى ءوتىپ جاتىر.

«سەمينار وتكىزۋگە قوسىلىپ وتىرعان AFEW International كوممەرتسيالىق ەمەس ۇيىمى شىعىس ەۋروپا جانە ورتالىق ازيا ايماعىندا 20 جىلعا جۋىق جۇمىس ىستەيدى جانە ايماقتاعى ايتۆ، تۋبەركۋلەزگە جانە گەپاتيتكە قاتىستى دەرەكتەردىڭ ۇلكەن جەتىسپەۋشىلىگىن ۇنەمى باستان كەشىرىپ كەلەدى. بۇل دەرەكتەر اۋرۋلارعا قارسى كۇرەس ستراتەگياسىن قۇرۋ ءۇشىن وتە ماڭىزدى. ءبىزدىڭ سەميناردىڭ ماقساتى – ايماقتاعى زەرتتەۋلەردى دامىتۋدى ىنتالاندىرۋ جانە ءارتۇرلى ەلدەردىڭ جەتەكشى عالىمدارى مەن بولاشاقتا ايماقتاعى دەنساۋلىق ساقتاۋ جانە زەرتتەۋ ماسەلەلەرىندە كوشباسشىلىق تانىتا الاتىندار اراسىنداعى ىنتىماقتاستىق قۇرۋعا جاردەمدەسۋ»، – دەيدى INTERACT-2019 سەمينارىنىڭ حالىقارالىق ۇيىمداستىرۋ كوميتەتىنىڭ مۇشەسى جانە AFEW International ديرەكتورى انكە ۆان دام.

شىعىس ەۋروپا جانە ورتالىق ازيا – ايتۆ ىندەتى ءالى دە جىلدام ءوسىپ كەلە جاتقان الەمدەگى جالعىز ايماق. يۋنەيدس-ءتىڭ باعالاۋىنشا، 2018 جىلعى جاعداي بويىنشا شىعىس ەۋروپا جانە ورتالىق ازيا ايماعىندا 1،7 ميلليونعا جۋىق ادام ايتۆ-احۋالدى. 2018 جىلى شامامەن 38 مىڭ ادام جيتس-تەن قايتىس بولدى.

ەكى كۇندىك سەمينار شەوا ايماعىنا، ونىڭ ىشىندە قازاقستانعا تىكەلەي قاتىسى بار تاقىرىپتارعا، اتاپ ايتقاندا، ايتۆ ىندەتىنە قارسى تۇرۋدىڭ جاڭا تابىستارى مەن مول تاجىريبەسىنە ارنالادى.

اسا ماڭىزدى حالىقارالىق شاراعا شىعىس ەۋروپا مەن ورتالىق ازياداعى ايتۆ/جيتس جونىندەگى بۇۇ باس حاتشىسىنىڭ ارنايى ەلشىسى ميشەل كازاچكين (فرانتسيا)، امستەردام ۋنيۆەرسيتەتىنىڭ جاھاندىق دەنساۋلىق ساقتاۋ كافەدراسىنىڭ دوتسەنتى (نيدەرلاندى) جانە كاناداداعى ماكگيلل ۋنيۆەرسيتەتىنىڭ قوعامدىق دەنساۋلىق ساقتاۋ جانە حالىق مەديتسينالىق فاكۋلتەتىنىڭ پروفەسسورى كەترين حەنكينس، «پسيحياتريا-ناركولوگيا» مينسك وبلىستىق كلينيكالىق ورتالىعىنىڭ باس دارىگەرى الەكسەي الەكساندروۆ (بەلارۋس)، AFEW International اتقارۋشى ديرەكتورى انكە ۆان دام (نيدەرلاندى) سىندى ىقپالدى تۇلعالار قاتىسىپ وتىر.

 

الماتى

سوڭعى جاڭالىقتار

كۇلكى كەرۋەنى № 20

رۋحانيات • 06 جەلتوقسان، 2019

ورالدا جاستار باستامالارىن قولداۋ جاقسى

ايماقتار • 06 جەلتوقسان، 2019

قونىس اۋدارۋشىلاردى قولداۋ قانداي؟

قوعام • 06 جەلتوقسان، 2019

تاۋلىگىنە 15-16 توننا ءسۇت الىنادى

ايماقتار • 06 جەلتوقسان، 2019

ۇقساس جاڭالىقتار